LUKA 3:20 - Jinghpaw Hanson Version Bible

²⁰ dai mara yawng a ntsa e bai kahtap nna, Yawhan hpe htawng hta sharen da wu ai.

Jinghpaw Common Language Bible 2009

²⁰ Dai hpang, Herod gaw Yawhan hpe rim la nna htawng hta sharen da ai hte shawng de na hta grau sawng ai mara galaw wu ai.

LUKA 3:20 ပူးပေါင်းရင်းမြစ်များ

2 HKAWHKAM 21:16

Shing rai Manashe gaw Yehowa a man e n hkru ai amu galaw ai hte, Yuda masha ni hpe shut shangun ai hta n-ga, mara n kap ai ni law law hpe sat kau nna, dai ni a asai gaw Yerusalem mare maga mi kaw nna maga mi du hkra hpring nga ai.

2 HKAWHKAM 24:4

Yehowa gaw dai yubak hpe raw dat na n hkraw ai rai nna, Yuda amyu hpe shi a myi man kaw na yeng seng kau na nga, Yehowa hkang da ai ga hte maren ndai lam ni byin pru wa sai.

2 HKAWHKAM LABAU 36:16

Shanhte gaw Karai Kasang a kasa ni hpe aroi arip di nna, shi a myihtoi ni hpe n kaw n law di kau ai hte, shi aga hpe n kaw n law di nna, shi a myihtoi ni hpe asawng asang di kau mu ai; dai rai nna, hkye hkrang la na lam n hku hkra, Yehowa a pawt sindawng ai gaw dai amyu masha ni a ntsa e ka htet bu nga ai.

NEHEMIA 9:26

“Rai timung, shanhte n madat nga ma ai hte, nang hpe gumlau let, na a tara hpe shingdu kayin kau ai hte, nang hpang de kayin wa na matu, na a lam sakse hkam ya ai, na a myihtoi ni hpe, sat kau nna, grai wa shut hpyit nga ma ai.

YEREMIA 2:30

Ngai gaw be be kaman sha nanhte a kashu kasha ni hpe ari jaw ni ai: shanhte gaw sharin achyin ai n hkam la ma ai; nanhte a nhtu gaw, amya sha ai hkanghkyi zawn, nanhte a myihtoi ni hpe shaza kau manu ai.

MAHTE 4:12

Ya Yawhan ap kau ai hkrum nga ai hpe shi na wu yang, shi Galile mung de htawt sa wa ai:

YAWHAN 3:24

Kaning rai nme law, Yawhan gaw htawng hta jahkrat kau ai, garai n hkrum wu ai.

SHINGRAN 16:6

kaning rai nme law, chyoi pra ai ni a asai hte myihtoi ni a asai shanhte ru kau ma ai rai nna, nang shanhte hpe asai bai lu shangun mu ai; dai gaw shanhte hkrum ging ai hku rai nga ai,” nga nna tsun ai, ngai na nngai.