LUKA 3:17 - Jinghpaw Hanson Version Bible

¹⁷ shi a lata hta shi hkuwawn lang nna, shi a mam chyarang hpe yit jasan kau nhtawm, mam gu hpe shi dum hta shinggyin bang da nna, nsan hpe gaw n sat lu ai wan hte nat kau na ra ai,” ngu nna mahkra hpe htan mu ai.

Jinghpaw Common Language Bible 2009

¹⁷ Shi a lata hta shi hkuwawn lang nna shi a mam ni mahkra hpe yit jasan kau nhtawm, mam gu hpe shi a dum hta shinggyin da na ra ai, nsan hpe chyawm gaw galoi mung n krip ai wan hta nat kau na ra ai,” ngu nna shanhte hpe tsun mu ai.

LUKA 3:17 ပူးပေါင်းရင်းမြစ်များ

SHAKAWN KUNGDAWN 1:4

Tara n lang ai ni chyawm gaw, dai zawn n rai; Nbung e shapoi ai mahkaw hte bung ma ai.

ESAIA 30:24

Na a yi hkauna galau ai dumsu ni hte lawze ni gaw, atsawm sha katsap hking kau ai jum shum ai mam sha lu na mara ai.

YEREMIA 15:7

Mung chyinghka lam hta e ngai shanhte hpe hkuwawn hte katsap ni ai; shanhte a matu mara ni hpe ngai jahtum kau ni ai; nye a amyu hpe ngai jahten shabyak nngai; shanhte tinang lam hta na nhtang wa hkraw ai n rai.

MIHKA 4:12

Rai timung shanhte gaw, Yehowa myit mang ai hku n chye, shi hpaji daw ai lam hpe, n chye na ma ai: kaning rai nme law, shi gaw shanhte hpe hkauling zawn chyarang hta sumpum tawn mu ai.

MAHTE 13:30

Dai lahkawng yan nmut ta du hkra, rau tu kaba wa mu ga: nmut ta du jang, tsing hpe shawng dan mahkawng nna, nhtan nhtawm wan hta nat kau mu; dai mam hpe chyawm gaw, nye a dum hta e mahkawng da mu, ngu nna mam dan ai ni hpe ngai tsun na mawe ai,” ngu mu ai.

MAHTE 3:12

shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

LUKA 3:18

Shing rai shi gaw shadum jahprang ai ga kaga law law hte mung, dai masha ni hpe kabu gara shiga hkaw tsun wu ai: