LUKA 3:16 - Jinghpaw Hanson Version Bible

¹⁶ Yawhan gaw, “Ngai gaw nanhte hpe hka hte baptisma jaw made ai; rai timung, ngai hta atsam grau rawng ai wa gaw sa wa ra ai; shi a kyepdin sumri raw na pyi ngai n ging nngai: shi gaw Chyoi pra ai Wenyi hta mung, wan hta mung, nanhte hpe baptisma jaw na ra ai:

Jinghpaw Common Language Bible 2009

¹⁶ Shing rai Yawhan gaw, “Ngai gaw nanhte hpe hka hte hkalup jaw made ai; rai ti mung, ngai hta atsam grau rawng ai wa gaw sa wa ra ai; shi a kyepdin sumri raw na pyi ngai n ging nngai. Shi gaw Chyoi Pra ai Wenyi hta mung, wan hta mung, nanhte hpe hkalup jaw na ra ai.

LUKA 3:16 ပူးပေါင်းရင်းမြစ်များ

GA SHAGAWP 1:23

Ngai shadum jahprang ai ga hpe, madat mara nna kayin wa marit; Ngai nanhte a ntsa e nye a wenyi ru bun ai hte, Nye a ga sumtu hpe chye shangun na made ai.

ESAIA 32:15

matsaw ntsang de na wenyi gaw anhte a ntsa e ru bun nna, nam mali gaw nsi naisi hpring ai yi hkauna, nsi naisi hpring ai yi hkauna gaw maling zawn nawn ai shani du hkra, Ohpela kawng hte langchyi ni gaw, prat dingsa lungpu tai mat nna, lawze nhprang ni dai hta pyaw nga nna, dai gaw yamnga ni a udat shara tai wa na ra ai.

ESAIA 4:4

Ziun bum e hti nga nna, Yerusalem mare e ngam nga ai wa ngu ai, asak jahpan hta lawm ai, Yerusalem masha langai hte langai hpe, Chyoi pra ai wa, ngu na maru ai.

EZEKELA 36:25

Ngai nanhte a ntsa e san seng ai ntsin lapri nna, nanhte san seng na myit dai; nanhte hta kap ai agang chyalang yawng hte, nanhte a hpara sumla ni hta na ngai nanhte hpe jasan jaseng na nngai.

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

MAHTE 3:11

Ngai gaw, myit malai lu myit ga, hka hta nanhte hpe baptisma jaw made ai, rai timung, nye a hpang e du sa ai wa mahtang gaw, ngai hta n-gun grau ja ai rai nna, shi a kyepdin gun na pyi ngai n ging n dan nngai: dai wa gaw Chyoi pra ai Wenyi hta mung, wan hta mung nanhte hpe baptisma jaw na myit dai:

MAHTE 3:12

shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

YAWHAN 1:26

Yawhan gaw, “Ngai gaw hka hta baptisma jaw nngai; nanhte a ka-ang e, nanhte n chye ai wa langai mi tsap nga ai:

YAWHAN 1:27

dai wa gaw nye a hpang e du sa ai wa rai nga ai; shi a kyepdin sumri pyi ngai n raw ging nngai,” ngu nna shanhte hpe htan mu ai.

YAWHAN 1:33

Ngai gaw, shi kadai re ai mung n chye nngai: rai timung, ngai hpe hka hta baptisma jaw shangun dat ai wa, ngai hpe tsun nngai gaw, Kadai wa a ntsa e, dai Wenyi yu hkrat wa nna nga nga ai hpe, nang mu ai rai yang, dai wa gaw Chyoi pra ai Wenyi hta baptisma jaw ai wa rai nga ai,” nga ai.

YAWHAN 7:38

Ngai hpe kamsham ai wa gaw, Chyum laika hta tsun ai hte maren, dai wa a kraw lawang hta na asak hkrung ai ntsin a hka nu lwi pru nga na ra ai,” ngu nna jahtau tsun wu ai.

KASA 1:5

ga ndat dai gaw, Yawhan gaw hka hte baptisma jaw ai; nanhte chyawm gaw nhtoi gade n na yang, Chyoi pra ai Wenyi hta baptisma hkam la lu na marin dai, nga ai, rai nga ai.

KASA 10:44

Petru gaw dai lam naw tsun nga yang, dai ga na ai ni mahkra a ntsa e Chyoi pra ai Wenyi yu shang wa ai.

KASA 2:33

Shing rai, Karai Kasang a hkra lata hte shagrau tawn nu ai rai nna, Chyoi pra ai Wenyi a lam, Kawa kaw na ga ndat lu la wu ai majaw, ya nanhte mu lu, na lu ai lam, shi ru jaw dat ru ai.

1 KORINHTU 12:13

Kaning rai nme law anhte yawng mayawng, Yuda ni hte Heleni ni rai timung, mayam ni hte shanglawt ni rai timung, hkumhkrang langai sha tai na matu, Wenyi langai sha hta e baptisma hkam saga ai rai nna, nlang hte gaw Wenyi langai hta sha jawm dagrawng saga ai.