LUKA 3:11 - Jinghpaw Hanson Version Bible

¹¹ Shi shanhte hpe htan mu ai gaw, “Palawng lahkawng lu ai wa gaw n lu ai wa hpe karan u ga, shat lusha lu ai wa mung dai hte maren jaw u ga,” ngu mu ai.

Jinghpaw Common Language Bible 2009

¹¹ Shi shanhte hpe htan mu ai gaw, “Palawng lahkawng lu ai wa gaw, n lu ai wa hpe karan u ga, shat lusha lu ai wa mung dai hte maren jaw u ga,” ngu mu ai.

LUKA 3:11 ပူးပေါင်းရင်းမြစ်များ

EZEKELA 18:7

kadai hpe mung n zingri, tang da ai arai, madu hpe bai hkin ya, kashun kashe ai amu n galaw, kawsi hkrum ai wa hpe shat jaw, hpun palawng n lu ai wa hpe shabu shahpun nna;

Daniela 4:27

Dai re ai majaw hkawhkam wa e, nye a ga hkap la u; na a yubak kau da nna dinghpring ai amu galaw u; matsan mayan ni hpe matsan dum let, shut hpyit ai hpe koi kau u: shing rai yang, nang sutgan naw ga lu dam nhten,” ngu wu ai.

MAHTE 25:40

Dai rai nna Hkawhkam wa gaw, “Nanhte hpe ngai teng teng tsun made ga, ‘Ndai ngai nau ni hta na kaji htum ai wa hpe nanhte galaw ai gaw, nanhte ngai hpe galaw manit dai, rai nga ai,’ ngu nna shanhte hpe htan na mu ai.

LUKA 11:41

Rai timung, kata de rawng ai arai hpe alu jaw mu; shaloi, yu mu, nanhte a matu nlang san pra nga na rai malit dai.

LUKA 18:22

Yesu gaw dai ga na jang, Lam langai mi nang naw ra nga ndai: nang lu malu dut kau nna matsan mayan ni hpe karan jaw u; shing rai jang she, sumsing lamu ntsa e nang sutgan lu na rin dai: ngai kaw mung sa hkan nang rit,” ngu nna shi hpe tsun wu ai.

LUKA 19:8

Zake chyawm gaw rawt tsap nna, “Madu e, nye a sutrai ka-ang hkup ngai matsan mayan ni hpe karan jaw we ai: langai ngai hpe mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

YAWHAN 13:29

Kaning rai nme law, Yuda gaw gumhpraw jan jum ai wa rai nga ai majaw, Yesu gaw shi hpe, Poi na matu anhte lang ra ai sa mari u, nga sam ai, nga nna mung, shing n rai, Matsan mayan ni hpe lama ma sa jaw u, nga sam ai, nga nna mung, shanhte hta nkau mi myit ma ai.

KASA 10:2

dai wa gaw tara hkungga myit rawng nna, shi a nta na ni nlang hte rau Karai Kasang hpe hkrit hkungga ai hte, masha ni hpe alu law law jaw let, Karai kasang hpe tut tut a hpyi nga ai.

KASA 10:31

‘Korneli e, na a akyu hpyi ai ga madat mara nu ai; na alu jaw ai mung Karai Kasang matsing da nu ai.

KASA 10:4

Shi gaw dai wa hpe azi yu nna, “Madu e, hpa lam rai ta?” ngu nna hkrit let shi hpe san wu ai. Dai wa chyawm gaw, “Na a akyu hpyi ai hte alu jaw ai lam, Karai Kasang a man e, masat dingsat matu hkrang salit dai.

EHPESU 4:28

Lagu ga ai wa gaw, bai hkum lagu u ga; kadawn nga ai ni hpe karan jaw lu hkra, tinang a lata hte mai kaja ai shachyen let, magam bungli galaw nga u ga.

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

1 TIMOHTI 6:18

shanhte mai kaja ai galaw nga na, mai kaja ai bungli hta sut su let, karan kachyan jaw ai hte, jaw jahproi ai myit rawng nga nna,

HEBRE 6:10

Kaning rai nme law, nanhte chyoi pra ai ni hpe galaw daw manit dai hta n ga, galaw daw dingyang rai nga let, Karai Kasang a mying nsang a matu magam bungli gun hpai nna tsawra ai myit madun ai lam hpe, malap kau ya na gaw, shi n ding n hpring nga ai, n rai.

YAKU 1:27

nawku htung chyawm gaw, Ru tsang kyin dut hkrum ai jahkrai nmai ni hte, gaida gaina ni hpe kawan katsan yu yu nna, mungkan ga a awu asin re ai hpe koi kau na gaw, Kawa Karai Kasang a man e san seng ai hte ra n rawng ai nawku htung rai nga ai.

YAKU 2:14

Nye a hpunau ni e, marai langai ngai, Ngai gaw makam masham rawng nga nngai, nga nna tsun nga timung, magam bungli n shachyen nga a yang gaw, hpa akyu nga a ta? Makam masham gaw dai wa hpe hkye hkrang la lu na a ni?

1 YAWHAN 3:17

Kadai rai timung, ga ntsa a sutgan lu nga ai hte, shi a kahpu kanau matsan mayan rai nga ai hpe, mu ninglen, shi a matsan dum ai myit hpe pat kau wu yang gaw, Karai Kasang a tsawra ai myit gaw, dai zawn re ai wa hte e kaning rai nga lu na rai ta?

1 YAWHAN 4:20

Marai langai ngai, Ngai gaw Karai Kasang hpe tsawra nga nngai, nga nhtawm me, shi a kahpu kanau wa hpe n dawng n yawt nga yang gaw, dai wa gaw masu ai wa rai nga ai. Kaning rai nme law, tinang mu lu ai kahpu kanau wa hpe n tsawra a yang gaw, tinang n mu lu ai Karai Kasang hpe tsawra lu na n rai.