LUKA 24:5 - Jinghpaw Hanson Version Bible

⁵ Dai numsha ni hkrit kajawng nna ga de myi man dagup nga ma yang, dai yan gaw, “Hkrung ai wa hpe si ai ni kaw, hpa rai tam myit ta?

Jinghpaw Common Language Bible 2009

⁵ Dai numsha ni hkrit kajawng nna ga de gum dagup taw nga ma ai. Dai yan gaw, “Hkrung nga ai wa hpe si ai ni nga ai shara kaw hpa rai tam nga myit ta?

LUKA 24:5 ပူးပေါင်းရင်းမြစ်များ

Daniela 10:16

Shaloi yu u, masha kasha nsan ai wa langai mi gaw nye a n-gup hpe ahtawk ya ai; shing rai ngai n-gup hpaw nna, “Nye a madu e, ndai shingran majaw, nye a ntsa e yawn hkyen ai du nna, ngai gawng kya nga nngai.

Daniela 10:19

Bai shi gaw, “Grai tsawra hkam ai wa e, hkum hkrit et; nang ngwipyaw nga n ga; n-gun ja u, gaja wa n-gun ja u,” nga nna tsun ai. Shing nga tsun nga yang, ngai n-gun lu la nna, “Nye a madu ga tsun u ga; nang ngai hpe n-gun jaw nit dai,” nga nna tsun nngai.

LUKA 1:29

Mari gaw dai ga majaw masin kahpra nna, ndai shachyen ai ga gaw, kaning nga ai ga rai na ra i? nga nna myit aru yu nga ai.

LUKA 24:4

Shing re ai majaw shanhte mau ung ang nga ma yang, yu mu, tu kabrim ai hpun palawng bu hpun ai masha lahkawng shanhte a makau e tsap nga ma ai.

LUKA 24:6

Shi nang e n nga ai, hkrung rawt wa sai: Galile mung e naw nga yang,

KASA 2:24

rai timung, si hkrung si htan a nni, nkri hpe Karai Kasang raw kau ya nna, shi hpe jahkrung sharawt nu ai. Kaning rai nme law, dai nni nkri gaw shi hpe hkang shadang lu ai n rai.

HEBRE 7:8

Nang e gaw, si chye ai ni htamshi hta htammi, hkam la ma ai; wonang chyawm gaw, sakse nga ai hte maren ahkrung nga ai wa gaw, hkam la nu ai.

SHINGRAN 1:18

ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.

SHINGRAN 2:8

Bai, Samurna mare na Hpung a kasa hpe ning ngu ka dat u: Si sai rai timung ahkrung nga ai ningshawng wa hte jahtum rai nga ai wa gaw, ning nga nga ai: