LUKA 24:44 - Jinghpaw Hanson Version Bible

⁴⁴ Shaloi shi gaw, “Mawshe a tara hta mung, myihtoi ni a laika hta mung, Shakawn Kungdawn laika ni hta mung, ngai hpe sha-ang nna ka da mada yawng gaw dik lu na ra ai, ngu nna nanhte hte rau naw nga yang, ngai nanhte hpe tsun ni ai, nye a ga gaw, ndai rai nga ai,” ngu nna shanhte hpe tsun mu ai.

Jinghpaw Common Language Bible 2009

⁴⁴ Shaloi Yesu gaw, “Mawshe a Tara hta mung, myihtoi ni a laika ni hta mung, nye a lam hte seng nna ka da nga ai lam ni yawng mayawng, dik wa lu na ra ai, ngu nna nanhte hte rau nga nga yang, ngai nanhte hpe tsun ni ai,” ngu nna shanhte hpe tsun mu ai.

LUKA 24:44 ပူးပေါင်းရင်းမြစ်များ

NINGPAWT NINGHPANG 14:18

Shalem a hkawhkam Melhkizedek mung muk hte tsabyi jahku la sa wa ai: dai wa gaw Tsaw Htum ai Karai Kasang a hkinjawng wa rai nga ai.

NINGPAWT NINGHPANG 22:18

dai hta n-ga, nye a nsen hpe nang madat mara ndai majaw, na aru arat a marang e ga ntsa na amyu nlang hte gaw gumring gumrat re ai lu la na mara ai;” ngu wu ai.

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

SHAKAWN KUNGDAWN 118:22

Wahpang gaw ai ni lata kau ai nlung gaw, Ningjut jahtum na nlung tai wa sai:

ESAIA 28:16

yu mu, Madu Yehowa gaw, Ziun bum ntsa e kangka re ai, hpu la ai hte ngang ai njut nlung hpe, ngai npawt gaw da nna, kamsham ai wa gaw hprawng ra ai n rai.

ESAIA 52:13

Yu mu, nye a shangun ma gaw awng wa na ra ai: shi gaw shagrau shatsaw hkrum ai hte, hpung shingkang rawng nna, nachying galu kaba na ra ai.

ESAIA 7:14

Dai re ai majaw Madu shi nan nanhte hpe lamik kumla madun dan na ra ai: yu mu, shayi hkawnsek gaw gawng li nga nna, shadang sha shangai na ra ai; shi a amying hpe, Emanuela shamying ya na ru ai.

ESAIA 9:6

Shi a ahkang aya hte, shi tawn da ai ngwipyaw lam gaw law htam wa nna, htum ngu ai n nga na sai; Dawi a tingnyang ntsa e dung let, dai mungdan hpe shi shagrin tawn da nna, tara hte dinghpring ai hku hkan ai majaw, dai gaw htani htana prat dingsa e grin nga na ra ai. Zaw nawng zaw wa up ai Yehowa a nsu nnawn myit dai lam shabyin nu ai.

YEREMIA 23:5

Yehowa ning nga ai: yu u, Dawi a matu dinghpring ai Makrung ngai shatut ai aten du na ra ai: dai wa gaw, nyan rawng nna hkawhkam zawn up na hte, mungdan hta dinghpring ai hku dawdan na ra ai.

YEREMIA 33:14

Yu mu, Israela dap hte Yuda dap hpe lakap nna, ngai tsun ai ga kaja mahkra hpe, ngai shadik na aten du na ra ai, nga nna Yehowa tsun ai.

EZEKELA 17:22

Madu Yehowa ning nga ai: Dai arit hpun na tsaw htum ai makrung hpe mung ngai la nna, hkai da na nngai; bai, tsaw htum ai makrung ni hta na, gunglung maku langai mi hpe, ngai di la nna, tsaw ai bum ntsa e hkai da na nngai:

EZEKELA 34:23

Sagu rem wa langai mi hpe mung ngai san da nna, sagu ni hpe shi rem nga na ra ai: dai wa gaw nye a shangun ma Dawi rai na ra ai: shi sagu ni hpe bau nna, dai ni a sagu rem wa tai na ra ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 7:13

“Bai shana na shingran hta ngai mu mada nna, yu u, Masha kasha nsan ai wa langai mi sumwi hta jawn let, moi chyaloi nhkoi na wa hpang de pyi sa du nna, shanhte gaw dai wa a man de shi hpe shani mu ai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

AMO LAIKA (AMOS) 9:11

Nye a amyu masha ni gaw, naw ngam nga ai Edom amyu masha ni hte, nye a amying mying ai maigan amyu ni mahkra hpe, madu lu na matu,

ZEHKARIA 12:10

“Dawi a nta ntsa e mung, Yerusalem mare na ni a ntsa e mung, chyeju dum ai hte tawngban ai myit, ngai ru bun na nngai; shanhte gaw tinang galun waw ai, ngai hpe, mu mada na mara ai rai nna, kasha shingtai a matu hkrap ai zawn, shanhte gaw shi a matu hkrap ngu hkrap ngoi na mara ai: kasha alat a matu myit ru ai zawn, shi a matu myit ru na mara ai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

ZEHKARIA 14:4

Dai shani hta, shi a lagaw, Yerusalem a sinpraw maga na Tsanlun bum ntsa e tsap nna, Tsanlun bum gaw, sinpraw maga kaw nna sinna maga du hkra, ka-ang brang ga wa ai hte, grai kaba ai kadit tai na ra ai: dai bum a chyen mi gaw, dingdung maga de, chyen mi gaw, dingda maga de, sit wa na ra ai.

ZEHKARIA 6:12

bai shi hpe ning ngu tsun u, ‘Zaw nawng zaw wa up ai Yehowa ning nga ai, Makrung mying ai wa hpe, mada yu u; shi gaw tinang a shara hta tu kaba wa nna, Yehowa a nawku Htingnu hpe, gaw da na ra ai:

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

BU HKAWM 21:8

Dai rai nna Yehowa Mawshe hpe, “Wan lapu galaw nna dawnghkawn shadaw hte sharawt tawn u: lapu kawa hkrum ai wa kadai mung, dai hpe mada yu jang asak hkrung na ra ai,” ngu nna tsun wu ai.

BU HKAWM 35:25

dai shawa hpung gaw masha sat ai wa hpe matai htang ai wa a lata na shaw la nhtawm, shi hprawng shingbyi ai mare de bai sa da na rai mu ai; shaloi dai wa gaw, chyoi pra ai namman chya hkam ai hkinjawng agyi wa si ai shani du hkra, dai mare hta anga nga lu na rai wu ai.

MAHTE 1:22

De a lam yawng hte, dai Madu gaw myihtoi hta tsun ai ga dik wa u ga majaw byin wa sai.

MAHTE 16:21

Dai aten kaw nna Yesu Hkristu gaw, Yerusalem mare sa lu na hte agyi salang ni, hkinjawng agyi ni hte laika ka ai sara ni a lata hta e nni nkri law law wa hkrum nna, sat kau na hpe hkam la nhtawm, masum ya nhtoi hta e, bai sharawt la lu na lam, shi a sape ni hpe madun dan hpang wu ai.

MAHTE 26:54

Shing rai yang, ndai lam byin wa lu na ra ai, nga nna laika tsun ai ga gaw, kaning rai dik wa lu na a ta?” ngu nna shi hpe tsun wu ai.

MAHTE 26:56

ndai lam yawng hte chyawm gaw, myihtoi ni a laika ni dik wa mu ga majaw byin wa sai,” ngu mu ai. Shaloi jang, sape ni nlang shi hpe kau da nna hprawng mat wa ma ai.

MARKU 9:31

Kaning rai nme law, “Dai Masha Kasha gaw masha ni a lata hta e ap kau ai hkrum nna, shanhte shi hpe sat kau na maru ai hte, sat kau ai hkrum ngut jang, masum ya nhtoi hpang e, shi bai hkrung rawt wa na ra ai,” ngu nna shi a sape ni hpe sharin achyin ya nna, tsun dan mu ai.

LUKA 21:22

kaning rai nme law, ka da mada yawng shadik na matu, dai nhtoi ni gaw, matai htang na nhtoi ni rai na ra ai.

LUKA 22:37

kaning rai nme law, ngai nanhte hpe tsun made ga, ngai hte seng maseng gaw ngut mat na rai ra ai majaw, ‘Dai wa gaw tawt lai ai ni hta hti lawm mat nga ai,’ nga nna ka da ai ga gaw, ngai hta dik lu na rai nga ai,” ngu nna tsun mu ai.

LUKA 24:46

“Hkristu gaw nni nkri hkam nna, masum ya du ai nhtoi e si ai ni kaw na hkrung rawt wa na ra ai lam mung,

LUKA 9:22

kaning rai nme law, “Dai Masha Kasha gaw nni nkri law law wa hkrum nna, agyi salang ni, hkinjawng agyi ni, laika ka ai sara ni e nyet kau ai hkrum na hte sat kau ai hkrum nhtawm, masum ya nhtoi hta sharawt la ai hkrum na rai nga ai,” nga ai.

LUKA 9:44

“Dai Masha Kasha gaw masha ni a lata de ap kau ai hkrum na ra ai, ga ndai hpe nanhte a na hta madat gun da mu,” ngu nna sape ni hpe tsun mu ai.

YAWHAN 3:14

Mawshe gaw nam mali e lapu hpe sharawt da ai zawn,

YAWHAN 5:39

Chyum laika ni hta nna nanhte htani htana asak lu la na re ai, nga nna myit myit dai majaw, dai laika ni hta nanhte hkan sawk yu yu rai myit dai: dai laika ni nan nye a lam sakse hkam nga ai:

YAWHAN 5:46

Mawshe hpe nanhte kam myit dai rai yang gaw, ngai hpe mung kam na manit dai: kaning rai nme law, Mawshe gaw nye a lam ka da nu ai.

KASA 13:33

Karai Kasang Yesu hpe hkrung sharawt ya ai a marang e, ji wa ni hpe jaw da ai ga ndat hpe, anhte a kashu kasha ni hta shadik ya ai kabu gara shiga gaw, nanhte kaw gun sa saga ai.

KASA 13:40

Dai re ai majaw, ‘Yu mu, jahpoi ai ni e, mau nna htum mat mu: Nanhte a nhtoi hta lam langai mi ngai shabyin na nngai;

KASA 2:27

Kaning rai nme law, nang nye a myit masin hpe katsan ga e kau da ya na n rai; Na a chyoi pra ai wa hten byak hkrum na, nang hkraw na n rai.

KASA 3:18

Dai gaw, Karai Wa a Hkristu nni nkri hkrum na re ai, nga nna myihtoi ni yawng a n-gup hte tau tsun shangun ai Karai Kasang shi nan, ning re ai lam hte shadik nu ai.

KASA 7:37

Dai Mawshe nan, ‘Nan hpu nan nau ni hta na, nanhte a matu ngai zawn re ai myihtoi langai mi Karai Kasang paw pru shangun ya na ra ai,’ nga nna Israela kashu kasha ni hpe tsun da ai wa mung, rai nga ai.

HEBRE 10:1

Jep ai tara gaw du na ra ai ngamu ngamai lam ni a hkrang sumla majing n rawng ai sha, de a shingna sha rai nga ai majaw, shanhte gaw tutnawng e nawng ya nga ai, shaning shagu na shagu hkungga amyu hte, sit shang shani wa ai ni hpe, galoi mung jahkum shatsup ya lu na n rai:

HEBRE 3:5

Mawshe gaw, htawm hpang e tsun shapraw na ra ai lam ni hpe sakse hkam ya na matu, Karai Kasang a nta ting hta e shangun ma zawn kangka rai nga ai; Hkristu chyawm gaw, Shi a nta up ai Kasha zawn kangka rai nga ai;

HEBRE 7:1

Abraham gaw hkawhkam ni hpe sat kau ai kaw na bai wa yang, shi hpe sa tau nna shaman ya wu ai hte, Abraham mung lanep yawng hta na htamshi hta htammi karan sak wu ai Melhkizedek ngu ai wa chyawm gaw:

HEBRE 9:8

dai rai nna, shawng na sum naw grin nga dingsa, chyoi pra ai shara de shang lu na lam garai n dan pru nga ai nga nna, Chyoi pra ai Wenyi gaw dai lam hte madun dan wu ai;

1 PETRU 1:11

Hkristu gaw nni nkri hkrum na hte dai hpang e hpung shingkang lu la na, nga nna shanhte hta e rawng nga ai Hkristu a Wenyi gaw, shawng e sakse hkam nga ai shaloi, gara aprat hte kaning re ai aten hta me, dai hte byin na ra ai kun, shanhte sawk yu nga ma ai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.