LUKA 24:32 - Jinghpaw Hanson Version Bible

³² Dai rai nna shan gaw, Lam e anhte ga tsun nna, Chyum laika ni a ga lachyum tsun hpaw dan mi ai shaloi, an a myit masin gadau gadap nga mali ai, n rai ni?” nga nna shada da tsun ma ai.

Jinghpaw Common Language Bible 2009

³² Shan gaw, “Hkrun lam e, Madu an hte ga shaga nna Chyum Laika ni a ga lachyum tsun hpaw dan ai shaloi, an a myit masin kata hta wan hkru nga ai zawn kadau kadap nga mali ai, n rai ni?,” nga nna shada da tsun ma ai.

LUKA 24:32 ပူးပေါင်းရင်းမြစ်များ

SHAKAWN KUNGDAWN 104:34

Nye a myit htang ai ga hta, shi awng nga u ga, Ngai mahtang Yehowa hta kabu na nngai.

SHAKAWN KUNGDAWN 39:3

Nye a kraw kata na myit kahtet nga li ai, Myit yu nga yang wan grung nga ai. Shaloi nye a shinglet hte ngai ga tsun nga nngai.

GA SHAGAWP 27:17

Hpri hpe hpri hte shadai lu ai zawn, Masha shada kanawn ai hte myit let wa lu ai.

GA SHAGAWP 27:9

Sau hte manam pyaw ai baw, myit masin hpe shapyaw ai zawn, San seng ai myit hte hpaji law ya chye ai, jinghku wa a tsawra ai myit gaw, ngwipyaw shangun nga ai.

ESAIA 50:4

Hki ba hkrum ai wa hpe shalan shabran na chye wa lu hkra, Madu Yehowa gaw, sharin achyin hkam la ai ni a shinglet, ngai hpe jaw ni ai; jahpawt shagu shi ngai hpe jasu nga ai: sharin achyin hkam la ai ni, na la lu ai zawn, shi nye a na hpe jasu ya nga ai.

YEREMIA 15:16

Zaw nawng zaw wa up ai Karai Kasang Yehowa e, na a mungga hpe ngai mu hkrup nna, sha kau se ai; ngai gaw na amying mying ai wa rai nga ai majaw, na a mungga gaw nye a kabu gara shara hte, nye myit sharawng awng ai lam, tai wa sai.

YEREMIA 20:9

Dai majaw, Ngai gaw shi a mying hta hpa let, shi a mungga hpe n tsun sa na, ngu nna tsun timung, nye a myit masin hta wan zawn hkru nna, nye a nrut nra ni hta grung nga ai majaw, nye a myit grai gadau gadap nna, n sharang lu nngai.

YEREMIA 23:29

Nye a mungga gaw wan zawn, nlung dup ai sumdu zawn, rai nga ai, n rai ni? nga nna Yehowa tsun ai.

MARKU 4:34

Ga shadawn hte n rai yang gaw, shi shanhte hpe hpa mung n tsun dan yu ai. Rai timung, shanhte hkrai rai nga ma yang, ga nlang shi a sape ni hpe shapraw shadan dan mu ai.

LUKA 24:45

Shaloi Chyum laika ga ni hpe chye na lu na matu, shi shanhte a myit hpaw ya nna,

YAWHAN 6:63

Asak jahkrung ai gaw Wenyi rai nga ai; hkum shan gaw hpa lam mung n la ai: ngai nanhte hpe tsun ai mungga gaw, Wenyi rai nga ai, asak mung rai nga ai.

KASA 28:23

Ya shanhte shi hte hkrum chyai na nhtoi madat da nhtawm, shi manam nga ai nta de masha law law wa sa hpawng nga ma ai: shaloi shi gaw, jahpawt kaw nna shana de du hkra, Mawshe a tara hte myihtoi ni a ga hta hkan nna, Karai Kasang a mungdan lam sakse hkam ai hte, Yesu a lam shanhte hpe shapraw shadan dan mu ai.

HEBRE 4:12

Kaning rai nme law, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ningtawng nhtu hta mung grau dai ai hte, myit masin hte wenyi hpe mung, nra hkrihkraw hte laswi hpe mung, dinghkren ginhka chye nna, kraw lawang na myit mamyit hte maw mawn ai hku hpe jeyang hparan ya lu ai.