LUKA 24:27 - Jinghpaw Hanson Version Bible

²⁷ Shing nga tsun sharawt nhtawm, Mawshe ka da ai kaw nna, myihtoi ni yawng ka da ai Chyum laika ni hta na, shi hta ang ai ga yawng a ga lachyum, shan hpe tsun hpaw dan mu ai.

Jinghpaw Common Language Bible 2009

²⁷ Bai Yesu gaw, Mawshe ka da ai kaw nna myihtoi ni ka da ai Chyum Laika ni hta na, shi a lam ka da ai ga ni yawng shan hpe tsun hpaw dan mu ai.

LUKA 24:27 ပူးပေါင်းရင်းမြစ်များ

NINGPAWT NINGHPANG 12:3

Nang hpe shaman ai wa hpe, ngai shaman ya na we ai; nang hpe dagam ai wa hpe ngai dagam kau na we ai: na a marang e ga ntsa na masha amyu shagu gumring gumrat lu la shajang na mara ai,” ngu nna shaga wu ai.

NINGPAWT NINGHPANG 22:18

dai hta n-ga, nye a nsen hpe nang madat mara ndai majaw, na aru arat a marang e ga ntsa na amyu nlang hte gaw gumring gumrat re ai lu la na mara ai;” ngu wu ai.

NINGPAWT NINGHPANG 26:4

Na a amyu matu ni hpe lamu a shagan zawn ngai shalaw na mawe ai rai nna, na nshu nsha ni hpe ndai mung ting ngai jaw na mawe ai: na a aru arat a marang e ga ntsa na masha amyu nlang gumring gumrat re ai chyeju lu la na mara ai:

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

SHAKAWN KUNGDAWN 132:11

Yehowa gaw Dawi hpe teng teng dagam da nna, Dai hta na nhtang wa na n rai: Na a aru arat hpe tingnyang hta e, ngai shadun na nngai:

ESAIA 1:23

Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

ESAIA 50:6

Ngai gaw kayat ai ni hpe nye a shingma, shabyi mun baw ai ni hpe nye a shabyi, ap ya nngai: kaya jahkrum ai hte mayen mahtaw bun ai kaw na, nye a myi man kayin kau ai n rai.

ESAIA 7:14

Dai re ai majaw Madu shi nan nanhte hpe lamik kumla madun dan na ra ai: yu mu, shayi hkawnsek gaw gawng li nga nna, shadang sha shangai na ra ai; shi a amying hpe, Emanuela shamying ya na ru ai.

ESAIA 8:17

Ngai mahtang, Yaku a nta hpe myi man makoi kau ai Yehowa hpe ala nga nna, shi hpe myit mada na nngai.

ESAIA 9:1

Nsin hta hkawm nga ai amyu gaw, nhtoi kaba mu lu ma ai; si hkrung si htan mung na shingnip kata e shanu nga ai ni a ntsa e, nhtoi dawng pru wa sai.

EZEKELA 34:23

Sagu rem wa langai mi hpe mung ngai san da nna, sagu ni hpe shi rem nga na ra ai: dai wa gaw nye a shangun ma Dawi rai na ra ai: shi sagu ni hpe bau nna, dai ni a sagu rem wa tai na ra ai.

EZEKELA 37:25

Nye a shangun ma Yaku hpe ngai jaw da nna, nanhte a nji nwa ni shanu nga yu ai mungdan hta, shanhte shanu nga na mara ai: shanhte mung, kasha ni hte kashu ni mung, shu mashi shu masha prat dingsa du hkra, dai de shanu nga nna, nye a shangun ma Dawi, shanhte a du, prat dingsa tai na ra ai.

Daniela 7:13

“Bai shana na shingran hta ngai mu mada nna, yu u, Masha kasha nsan ai wa langai mi sumwi hta jawn let, moi chyaloi nhkoi na wa hpang de pyi sa du nna, shanhte gaw dai wa a man de shi hpe shani mu ai.

MIHKA 5:6

Shanhte gaw Asuri mung hte, Nimrod mung hpe, de a mashang du hkra, nhtu hte shaza kau na mara ai: Asuri wa gaw anhte a mung hta shang nna, anhte a lamu ga jarit hpe kabye yang, dai wa gaw shi a lata na, anhte hpe mawai la na ra ai.

MIHKA 7:20

Moi chyaloi nhkoi kaw nna, anhte a ji wa ni hpe dagam da ai hte maren, nang gaw, Yaku hta kangka re ai lam, Abraham hta tsawra matsan dum ai lam, naw shadik da na ndai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

BU HKAWM 21:14

Dai hkan nna, Suhpa shara na Waheb, Arnon hka kadit ni hte, Moba lamu ga jarit makau sawt.

MARKU 4:34

Ga shadawn hte n rai yang gaw, shi shanhte hpe hpa mung n tsun dan yu ai. Rai timung, shanhte hkrai rai nga ma yang, ga nlang shi a sape ni hpe shapraw shadan dan mu ai.

LUKA 24:25

Shaloi shi gaw, “Myihtoi ni htawn tsun ai ga mahkra hpe kamsham lu na, hpaji n rawng ai hte myit ja ai ni e!

LUKA 24:44

Shaloi shi gaw, “Mawshe a tara hta mung, myihtoi ni a laika hta mung, Shakawn Kungdawn laika ni hta mung, ngai hpe sha-ang nna ka da mada yawng gaw dik lu na ra ai, ngu nna nanhte hte rau naw nga yang, ngai nanhte hpe tsun ni ai, nye a ga gaw, ndai rai nga ai,” ngu nna shanhte hpe tsun mu ai.

YAWHAN 1:45

Hpilip gaw Nahtanela hpe mu nna, “Mawshe gaw tara laika ni hta, myihtoi ni mung myihtoi laika ni hta, sha-ang nna ka da ai, Yawsep a kasha, Nazaret mare na Yesu hpe anhte mu sagaw ai,” ngu nna shi hpe tsun dan wu ai.

YAWHAN 12:41

Esaia gaw shi a hpung shingkang mu lu ai rai nna, shi a lam shing nga tsun ai rai nga ai.

YAWHAN 5:37

Ngai hpe shangun dat ai nye Wa mung nye a lam sakse hkam ya ni ai. Nanhte gaw shi a nsen galoi mung n na yu myit dai: shi a gawng shing-yan hpe mung n mu yu myit dai:

YAWHAN 5:39

Chyum laika ni hta nna nanhte htani htana asak lu la na re ai, nga nna myit myit dai majaw, dai laika ni hta nanhte hkan sawk yu yu rai myit dai: dai laika ni nan nye a lam sakse hkam nga ai:

KASA 10:43

Shi hpe kamsham masham ni nlang, shi mying ningsang a marang e, yubak raw dat kau ya ai hkrum na mara ai, nga nna tsun ai myihtoi mahkra mung shi a lam sakse rai nga ma ai,” ngu mu ai.

KASA 3:18

Dai gaw, Karai Wa a Hkristu nni nkri hkrum na re ai, nga nna myihtoi ni yawng a n-gup hte tau tsun shangun ai Karai Kasang shi nan, ning re ai lam hte shadik nu ai.

KASA 3:22

Mawshe nan tsun da ai mung, Dai Madu Karai Kasang gaw, ngai zawn re ai myihtoi, nanhte a nhpu nnau ni hta na, nanhte a matu paw pru shangun ya na ra ai: dai wa tsun matsun nanhte madat mara lu na rai myit dai.

KASA 3:24

Rai sa, Samuela kaw nna, shi a hpang e hkan paw pru nna htawn tsun tsun re ai myihtoi yawng hte gaw, nhtoi ndai hpe lakap nna mung tau tsun wa masai.

KASA 7:37

Dai Mawshe nan, ‘Nan hpu nan nau ni hta na, nanhte a matu ngai zawn re ai myihtoi langai mi Karai Kasang paw pru shangun ya na ra ai,’ nga nna Israela kashu kasha ni hpe tsun da ai wa mung, rai nga ai.

KASA 8:35

Shaloi Hpilip ga tsun hpaw nna, dai laika hta ga sharawt nhtawm, Yesu hte seng ai kabu gara shiga, shi hpe hkai dan wu ai.

TARA JAHPRANG 1:45

Shaloi nanhte bai wa nna, Yehowa man e hkrap ngu hkrap ngoi rai myit dai; rai timung Yehowa gaw nanhte a nsen hpe n madat wu ai hte, nanhte a ga n na wu ai.

TARA JAHPRANG 18:15

Na a Karai Kasang Yehowa gaw, ngai zawn re ai myihtoi langai mi, na a hpunau ni hta na, na a matu paw pru shangun na ra ai: dai wa a ga nanhte madat lu na rai myit dai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.