LUKA 24:19 - Jinghpaw Hanson Version Bible

¹⁹ Dai rai nna shi gaw, “Hpa lam rai ta?” ngu nna bai san wu yang, shan gaw, “Nazaret mare na Yesu a lam rai nga ai: dai wa gaw Karai Kasang a man e mung, masha nlang hte a man e mung, lata atsam hte n-gup hpaji a nsam rawng ai myihtoi wa rai nga ai:

Jinghpaw Common Language Bible 2009

¹⁹ Shi gaw, “Hpa lam ni rai ta?,” ngu nna bai san mu yang, shan gaw, “Nazaret mare na Yesu a lam rai nga ai; Ndai wa gaw myihtoi langai mi rai nna, Karai Kasang a man e mung, masha yawng a man e mung shi tsun ai hte galaw ai lam shagu hta n gun atsam rawng ai wa rai nga ai ngu nna myit sawn da hkrum ai wa rai nga ai.

LUKA 24:19 ပူးပေါင်းရင်းမြစ်များ

MAHTE 21:11

Shawa masha ni mahtang, “Ndai wa gaw, Galile mung Nazaret mare na, Yesu ngu ai myihtoi wa rai nga ai,” nga shajang ma ai.

MARKU 1:24

shi jahtau nna, Nazaret wa Yesu e, anhte nang hte hpa seng ga ta? anhte hpe jahten na nang sa du nni? nang kadai re ai ngai chye nga nngai; Karai Kasang a Chyoi pra ai wa nang rai nga ndai, ngu wu ai.

LUKA 24:18

Shaloi dai yan hta na Hkleopa ngu ai wa gaw, “Nang gaw Yerusalem mare e sa manam nga da nhtawm, ya hte dai mare e byin ai lam ni hpe, nang hkrai sha n chye n ni?” ngu nna htan wu ai.

LUKA 7:16

Masha nlang hte mung hkrit mau mat shajang ma ai rai nna, Karai Kasang hpe shagrau sha-a let, Myihtoi kaba anhte kaw paw pru ra ai, nga nna mung, Karai Kasang gaw shi a amyu hpe kawan katsan yu nga ai, nga nna mung, tsun gara wa ma ai.

YAWHAN 3:2

dai wa gaw shana e Yesu kaw sa nna, “Rabai e, nang gaw Karai Kasang kaw nna du sa ai sara rai nga ndai hpe, anhte chye ga ai: nang dan ai lamik kumla ni gaw, Karai Kasang n lawm yang gaw, kadai mung n galaw lu ai,” ngu nna shi hpe tsun wu ai.

YAWHAN 4:19

Shaloi dai numsha gaw, “Madu e, nang myihtoi rai nga ndai ngai dum se ai:

YAWHAN 6:14

Dai re ai majaw, shi madun ai lamik kumla hpe, shawa masha ni mu ma yang, shanhte gaw, “Gaja wa teng teng ndai wa gaw mungkan ga de du sa ra ai myihtoi rai nga ai,” nga ma ai.

YAWHAN 7:52

Shanhte gaw, “Nang mung Galile masha rai nga nni? Galile mung de na kadai myihtoi mung n paw pru yu ai, nang she gawn yu u,” ngu nna shi hpe htan mu ai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

KASA 2:22

Israela masha ni e, ga ndai madat la mu: Nanhte chye nga myit dai hte maren, Karai Kasang gaw Nazaret wa ngu ai Yesu a lata hte magam ningsam, mauhpa amu, lamik kumla re ai ni nanhte a man e madun dan let, Karai Kasang e nanhte kaw awlaw shadan ya ai hkrum wu ai:

KASA 7:22

Mawshe mung Egutu hpaji yawng mayawng sharin la nna, mungga marai hte lata marai grai rawng ai wa rai nga ai.

TARA JAHPRANG 18:15

Na a Karai Kasang Yehowa gaw, ngai zawn re ai myihtoi langai mi, na a hpunau ni hta na, na a matu paw pru shangun na ra ai: dai wa a ga nanhte madat lu na rai myit dai.