LUKA 23:5 - Jinghpaw Hanson Version Bible

⁵ Dai ni mahtang, “Ndai wa gaw Yuda mung ting hte, Galile mung kaw nna ya nang du hkra, sharin shaga nga ai hte, mung masha ni hpe woi kabrawng wu ai,” nga nna grau tsun anin shadut ma ai.

Jinghpaw Common Language Bible 2009

⁵ Rai ti mung shanhte mahtang grau nna ja ai nsen hte, “Ndai wa gaw Yuda mung ting hte Galile mung kaw nna, ya ndai kaw du hkra sharin shaga nga ai hte, mung masha ni hpe woi kabrawng wu ai,” nga nna tsun anin shadut ma ai.

LUKA 23:5 ပူးပေါင်းရင်းမြစ်များ

SHAKAWN KUNGDAWN 22:16

Kaning rai nme law, gwi ni ngai hpe jawm nna, N hkru ai shawa hpung ngai hpe grup ma ni ai: Nye a lagaw lata hpe mung jahpye ya ma ni ai.

SHAKAWN KUNGDAWN 57:4

Nye a myit masin hkanghkyi ka-ang e rai nga ai, Wan hkru ai ka-ang e ngai kaleng nga nngai: Shinggyim masha ni a wa, ri pala hte, Shanhte a shinglet, dai ai nhtu rai nga malu ai.

SHAKAWN KUNGDAWN 69:4

Mara n nga timung, ngai hpe n dawng ai ni, Nye baw a kara hta grau law nga ma ai: Ngai hpe jahten mayu ai, masu ai gumlau ni, n-gun ja nga ma ai. Ngai n kashun la ai arai hpe pyi, Ngai bai ya lu nga nngai.

MAHTE 11:1

Ya, Yesu gaw shi a sape shi lahkawng hte hpe hkang da ngut yang, shanhte a mare ni hta sharin shaga nna, tara hkaw hkawm wa na matu, shi dai shara kaw na pru sa wa ai.

MAHTE 2:1

Ya, Herod hkawhkam a lakhtak e, Yuda mung na Betlehem mare hta Yesu shangai wa ngut jang, yu mu, hpaji rawng ai masha sinpraw mung na Yerusalem de sa du ma ai rai nna,

MAHTE 27:24

Pilat mahtang gaw, hpa hku mung n dang lu ai hte kabrawng kabrang byin wa ai hpe mu mu yang, ntsin la nna, shawa masha ni a man e lata hpe kashin let, Ndai wa a asai hta na ngai lawt nga n ga: nanhte nan myit yu nga mu, ngu wu ai.

MAHTE 4:23

Bai, shi gaw Galile mung ting hta kawan hkawm let, shanhte a tara jawng ni hta shi sharin shaga nga nna, dai mungdan a kabu gara shiga hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MARKU 1:14

Yawhan gaw ap kau hkrum ai hpang, Yesu gaw Galile mung de sa du nna,

LUKA 11:53

Dai yang na pru wa yang, laika ka ai sara ni hte Hparishe ni gaw, shi hte ja ja ndang kalang nga nna, shi a n-gup na ga langai ngai hte shi hpe mara shagun lu hkra

LUKA 23:23

Shanhte mahtang nsen kaba hte jahtau nna, Yesu hpe wudang hta jen da lu na lam atik anang hpyi shaja ma ai: shing nga jahtau ai hte mung shanhte dang la ma ai.

LUKA 23:6

Pilat gaw dai na jang, shi Galile masha re ai, n re ai, san la nhtawm,

YAWHAN 1:43

Hpang shani e shi gaw Galile mung de rai wa mayu nga ai. Shaloi Yesu gaw Hpilip hpe mu wu ai rai nna, shi hpe, “Ngai kaw hkan nang rit,” ngu wu ai.

YAWHAN 19:15

Dai re ai majaw shanhte gaw, “La kau u, la kau u, wudang hta jen da kau u!” nga nna jahtau ma ai. Bai Pilat gaw, “Nanhte a Hkawhkam wa hpe wudang hta ngai jen da na rai ni?” ngu nna shanhte hpe san wu ai. Shaloi hkinjawng agyi ni gaw, “Kehta hkawhkam hta kaga, anhte hkawhkam n lu ga ai,” ngu nna htan mu ai.

YAWHAN 2:11

Shing rai Yesu gaw shi dan ai lamik kumla ni hta, shawng dan hpang ai gaw, Galile mung na Hkana kahtawng e dan nna, shi a hpung shingkang dan shapraw wu ai: shi a sape ni mung, shi hpe kamsham ma ai.

YAWHAN 7:41

nkau mi mung, “Ndai wa gaw Hkristu nan rai nga ai,” nga ma ai. Rai timung, nkau mi gaw, “Ataw! Hkristu wa mi Galile mung na pru na a ni?

YAWHAN 7:52

Shanhte gaw, “Nang mung Galile masha rai nga nni? Galile mung de na kadai myihtoi mung n paw pru yu ai, nang she gawn yu u,” ngu nna shi hpe htan mu ai.

KASA 10:37

Yawhan baptisma tara hkaw ai hpang, Galile mung kaw nna Yuda mung ting kajai gara wa ai lam hpe, nanhte nan chye nga myit dai:

KASA 23:10

Shing rai nau wa dangrang hkat wa jang, shanhte Pawlu hpe ashep ashin di kau na, hpyen du kaba tsang ai majaw, shanhte kaw yu wa nna, Pawlu hpe dai ni a ka-ang na kare la nhtawm, hpyen wang de jashawn la na, hpyen ma ni hpe hkang dat mu ai.

KASA 5:33

Dai ga na jang, shanhte a myit masin hta mala la hkra malu ai majaw, kasa ni hpe sat kau na pyi myit lu ma ai.

KASA 7:54

Dai lam na lu jang shanhte a masin mala la achyaw malu ai majaw, Stehpan hpe wa udik let yu da mu ai.

KASA 7:57

Shaloi shanhte gaw aja awa jahtau let, tinang a na pat kau nhtawm, lang lata rau shi hpang de htim nna,