LUKA 23:34 - Jinghpaw Hanson Version Bible

³⁴ Shaloi Yesu gaw, “Wa e, shanhte a mara dat kau ya mu: shanhte galaw ai lam hpe shanhte n chye nga ma ai,” nga ai. Shanhte gaw shi a hpun palawng ni hpe mung, hpaida da nna karan la ma ai.

Jinghpaw Common Language Bible 2009

³⁴ Yesu gaw, “Wa e, shanhte a mara hpe dat kau ya mu, shanhte galaw ai lam hpe shanhte n chye nga ma ai,” nga ai. Shanhte gaw, shi a hpun palawng ni hpe mung hpaida da nna garan la ma ai.

LUKA 23:34 ပူးပေါင်းရင်းမြစ်များ

NINGPAWT NINGHPANG 50:17

dai rai nna, na nwa a Karai Kasang a mayam ni hpe, yubak mara raw dat kau ya mi, ngu nna hpyi mu ai. Shing nga tsun ma ai majaw Yawsep hkrap nga ai.

SHAKAWN KUNGDAWN 22:18

Nye a nba shanhte karan la mu ai rai nna, Nye a kata palawng hpe hpaida da ma ai.

ESAIA 53:12

Dai re ai majaw ngai gaw, daru magam rawng ai ni hte rau, shi hpe kamhtaw karan jaw nna, shi gaw n-gun atsam rawng ai ni hte rau, lanep karan na ra ai: kaning rai nme law, shi gaw si du hkra shi a myit masin hpe ru kau nna, tara tawt lai ai ni hta hti lawm nga ai: rai timung shi gaw; masha law law a yubak hpe gun hpai nna, tara tawt lai ai ni a matu mara htinglu htinglai ya ai.

MAHTE 11:25

Dai aten hte hta Yesu gaw ga hpaw nna, “Sumsing lamu hte ginding aga a Madu, Wa e; hpaji byeng-ya rawng ai ni hte myit kunghpan ai ni kaw na ndai lam nang makoi magap da nhtawm, ma kaji ni hpe madun dan ndai majaw, ngai nang hpe shakawn kungdawn nngai:

MAHTE 11:26

rai sa, Wa e, nang tsaw ai hku, ndai rai nga lit dai.

MAHTE 5:44

Ngai mahtang nanhte hpe tsun made ai gaw, nanhte a hpyen ni hpe tsawra mu: nanhte hpe zingri zingrat ai ni a matu mara akyu hpyi mu:

MARKU 15:24

Ya shanhte wudang hta e shi hpe jen da nna, shi a hpun palawng hpe karan tawn mu ai hte, langai hte langai la ang na matu hpaida da mu ai.

LUKA 22:42

“Wa e, nang ra n yang gaw, ndai gawm hpe ngai kaw na shalai kau ya e; rai timung ngai ra ai hku n rai, nang ra ai hku she rai u ga,” ngu nna hpyi wu ai.

YAWHAN 17:9

Shanhte a matu mara ngai hpyi nngai: mungkan masha ni a matu mara hpyi nngai n rai; nang ngai hpe jaw ai ni a matu she hpyi nngai; kaning rai nme law, shanhte gaw, na a ni rai nga ma ai:

YAWHAN 19:11

Yesu gaw, “Nang hpe ntsa de nna, ahkang jaw da sai n rai taw gaw, nye a ntsa e hpa ahkang mung, nang n lu na ndai: dai majaw ngai hpe nang kaw sa ap ya ai wa gaw, yubak grau kaba lu ai,” ngu nna, shi hpe htan wu ai.

KASA 16:28

Pawlu chyawm gaw, “Nang dai, na hkum hpe hkum shaza et, anhte nlang ahkum sha rai nga ga ai law,” ngu nna aja awa jahtau tsun wu ai.

KASA 3:17

Ya rai timung, hpunau ni e, nanhte hte nanhte a du gyi ni dai lam hpe n chye nna galaw kau ai rai nga ai gaw, ngai chye nga nngai.

KASA 7:60

Bai, hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai: dai tsun ngut jang shi yup mat wa ai.

ROMA 12:14

Nanhte e zingri zingrat ai ni hpe shaman ya mu; shaman ya mu, dagam dala hkum rai myit.

1 KORINHTU 2:8

Ndai hpaji gaw, ndai mungkan ga na kadai du ni mung, n chye ma ai; chye taw gaw, hpung shingkang rawng ai Madu hpe shanhte wudang hta n jen da na ma ai.

1 KORINHTU 4:12

anhte a lata hte shakut nna bungli galaw sha ga ai; arip aroi hkrum yang anhte shaman ga ai; zingri zingrat hkrum yang anhte shakut sharang ga ai;

1 TIMOHTI 1:13

Ngai chyawm gaw, shawng e shatan nhkan ai, zingri zingrat ai hte sheng mareng re ai wa rai nga nngai rai timung, n chye n chyang ai hte kamsham ai myit n rawng ai sha dai hpe galaw nngai majaw, matsan dum la ai ngai hkrum nngai:

1 PETRU 3:9

n hkru ai a matu n hkru ai bai n tai na hte, roi rip ai a matu roi rip ai bai n tai ai sha, shaman ya na mahtang gaw, a daw nga mu; kaning rai nme law, shaman ya da sai sali wunli hpe hkam la lu myit ga, nanhte hpe shaga da manit dai.