LUKA 23:16 - Jinghpaw Hanson Version Bible

¹⁶ dai majaw ngai shi hpe anu sharim nna dat dat na we ai,” ngu nna shanhte hpe tsun mu ai.

Jinghpaw Common Language Bible 2009

¹⁶ Dai majaw, ngai shi hpe anu kayat sharim nna dat na we ai,” ngu nna shanhte hpe tsun mu ai.

LUKA 23:16 ပူးပေါင်းရင်းမြစ်များ

ESAIA 53:5

Rai timung, shi gaw anhte a tara tawt lai ai a jaw e hkala nba hkrum nna, anhte shut hpyit ai a majaw ahpye a lam hkrum sha nga ai: anhte ngwipyaw nga lu hkra, shi ari ahpri hkrum sha nga ai; shi a nma majaw, anhte mai tsai lu ga ai.

MAHTE 27:26

Shaloi jang, shi Baraba hpe shanhte e dat ya mu ai: Yesu hpe mahtang shi kayat nna, wudang hta jen da ai hkrum u ga, ap kau dat wu ai.

MARKU 15:15

Pilat gaw shawa masha ni hpe myit shapyaw ya mayu ai hte, shanhte a matu Baraba hpe dat ya nna, Yesu hpe anu kayat nhtawm, jen da ai hkrum u ga, ap kau dat mu ai.

LUKA 23:22

Dai rai nna Pilat gaw masum lang ngu na hta, bai tsun wu ai gaw, “Ndai wa n hkru ai amu hpa galaw hkrup sata? shi hta si ging ai mara hpa mung ngai n mu we ai: dai majaw ngai shi hpe anu sharim nna dat dat na we ai,” ngu nna shanhte hpe tsun mu ai.

LUKA 6:37

N jeyang ai nga mu; shing rai jang, nanhte jeyang ai n hkrum na myit dai: n dawdan ai nga mu; shing rai jang, nanhte dawdan ai n hkrum na myit dai: mara dat kau mu; shing rai jang, nanhte dat kau ai hkrum na myit dai.

KASA 16:37

Pawlu chyawm gaw, “An Roma masha she rai nga ga ai hpe, garai n san dawdan yang, masha man e an hpe kayat nna, htawng hta jahkrat da myit htawm me, ya atsin sha lagyim dat dat na maw ma hka i? N rai law, shanhte hkum lala she sa shapraw la mi ga,” ngu nna shanhte hpe htan dat mu ai.