LUKA 23:14 - Jinghpaw Hanson Version Bible

¹⁴ ya, yu mu, nanhte a man e ngai shi hpe san yu we yang, nanhte shagun ai mara lam hpa mung ndai wa hta ngai n mu we ai:

Jinghpaw Common Language Bible 2009

¹⁴ Dai hpang, “Ndai wa gaw, mung masha ni hpe lam woi shadam ai wa re,” nga nna shi hpe nanhte ngai kaw woi sa myit dai, ya ngai ndai wa hpe nanhte a man e jep san yu yang, nanhte shagun ai mara lam hpa mung, ndai wa hta ngai n mu we ai.

LUKA 23:14 ပူးပေါင်းရင်းမြစ်များ

Daniela 6:4

Shaloi munggyi kaba ni hte kaga munggyi ni gaw, mungdan up ai lam hta Daniela hpe mara shagun na tam ma timung, shi gaw kangka rai nga nna, shut ai hte myit magaw ai lam, shi hta n nga ai majaw, mara shagun shara hpa n mu ma ai.

MAHTE 27:19

Ya, dai tara tingnyang hta e shi naw dung nga yang, shi a madu jan shi kaw shangun nna, Dai dinghpring ai wa hpe hpa mung hkum di u; dai ni pyi, yup mang hta e shi a majaw, ngai nni nkri law law wa hkrum nngai, ngu nna htet dat wu ai.

MAHTE 27:24

Pilat mahtang gaw, hpa hku mung n dang lu ai hte kabrawng kabrang byin wa ai hpe mu mu yang, ntsin la nna, shawa masha ni a man e lata hpe kashin let, Ndai wa a asai hta na ngai lawt nga n ga: nanhte nan myit yu nga mu, ngu wu ai.

MAHTE 27:4

Shanhte gaw, “Dai anhte hte hpa seng nga a ta? nang hkrum yu u” ngu mu ai.

MAHTE 27:54

Ya hpyen latsa up ai bu hte shi hte rau Yesu hpe sin nga ai ni, dai nnang nawn hte byin mabyin ni hpe mu mu yang shanhte hkrit kahpra nna, Gaja wa, ndai wa gaw Karai Kasang a Kasha nan rai nga ai, nga ma ai.

KASA 13:28

Shi hta si ging ai mara n mu timung, shi hpe sat kau na, Pilat kaw hpyi ma ai.

KASA 17:11

Dai mare masha ni gaw Htesaloni masha ni hta myit grau su ma ai rai nna, dai mungga hta myit shawn loi ai hte, dai lam ni teng ai n teng ai chye lu hkra, Chyum laika hpe shani shagu a yu nga ma ai.

HEBRE 7:26

Kaning rai nme law, shing rai chyoi pra ai, san seng ai, ra n rawng ai hte yubak kap ai ni hte ran ai wa rai nna, sumsing lamu hta shatsaw shagrau hkrum ai hkinjawng agyi wa gaw anhte a matu ram nga ai;