LUKA 22:61 - Jinghpaw Hanson Version Bible

⁶¹ Shaloi Madu gaw kayin nna, Petru hpe mada yu wu ai. Dai rai nna Petru gaw, “Dai ni pyi, u garai n goi yang, nang ngai hpe masum lang nyet kau na rin dai,” nga nna Madu shi hpe tsun ai ga dum dat wu ai:

Jinghpaw Common Language Bible 2009

⁶¹ Shaloi Madu gaw kayin nna, Petru hpe mada yu wu ai. Dai rai nna Petru gaw, “Dai na pyi u garai n goi yang, nang ngai hpe masum lang nyet kau na rin dai,” nga nna Madu shi hpe tsun ai ga dum dat wu ai.

LUKA 22:61 ပူးပေါင်းရင်းမြစ်များ

YOBA 33:27

Bai shi gaw, “ngai shut ni ai; tengman ai lam hpe hkalau kau nngai; rai timung, matai htang ai n hkrum ai sha,

EZEKELA 16:63

nang galaw yu ai yubak mahkra hpe, ngai raw dat kau yang, nang myit dum nna, kaya ai hte mak mat ai majaw, htawm hpang de n-gup n hpaw ai nga nga na ndai,’ nga nna Madu Yehowa tsun ai,” nga ai.

HOSEA 11:8

“Ehprim e, ngai nang hpe kaning rai kau da lu na rai ta? Israela e, nang hpe kaning rai ap kau lu na rai ta? Adma mare zawn, nang hpe kaning di shatai kau lu na rai ta? Zeboim mare zawn, kaning di tawn da na rai ta? Nye kraw kata e nye a myit galai nga nna, nye a n-gaw nwai ai myit katu nga ai.

MAHTE 26:34

Yesu mahtang, “Nang hpe ngai teng teng tsun de ga, dai na u garai n goi yang, nang ngai hpe masum lang nyet kau na rin dai, ngu nna shi hpe tsun wu ai.

MAHTE 26:75

Dai rai nna, Petru gaw, ‘U garai n goi yang, nang ngai hpe masum lang nyet kau na rin dai,’ nga nna Yesu tsun ai ga hpe dum dat wu ai: shaloi shi gaw shinggan de pru nna ja ja hkrap nga ai.

MARKU 5:30

Yesu gaw, shi hta na atsam pru wa ai hpe, shi a myit hta shaloi jang chye dum wu ai majaw, dai shawa hpawng de kayin wa let, “Nye a hpun palawng hpe kadai ahtawk nga nit ta?” ngu nna san mu ai.

LUKA 10:41

Shaloi dai Madu gaw, “Marhta, Marhta, nang gaw amu lam law law a majaw myit ru nna tsang nga ndai:

LUKA 22:34

Yesu gaw, “Petru e, ngai nang hpe tsun de ga, Dai ni pyi, u garai n goi yang, nang ngai e n chye nngai, nga nna masum lang nyet kau na rin dai,” ngu wu ai.

LUKA 22:60

Petru gaw, “La nang e, nang tsun ai lam ngai n chye nngai,” ngu wu ai. Shing nga naw tsun nga yang, u goi shayan ra ai.

LUKA 22:62

shaloi shi gaw shinggan de pru nna ja ja hkrap nga ai.

LUKA 7:13

Madu gaw dai numsha hpe mu jang, shi hpe matsan yu dum nna, Hkum hkrap et, shi hpe ngu wu ai.

LUKA 7:19

Dai rai nna Yawhan gaw shi a sape lahkawng shaga la nhtawm, dai Madu hpang de shangun dat nna, Nang gaw dai du sa na ra ai wa rai nga n ni? shing n rai, kaga hpe anhte naw myit mada lu na rai nga a ni? ngu nna san dat wu ai.

YAWHAN 13:38

Bai Yesu gaw, “Nang wa nye a majaw, na asak nawng kau na wu ni? Nang hpe ngai gaja wa teng teng tsun de ga, U garai n goi yang, nang ngai hpe masum lang nyet kau na rin dai,” ngu nna shi hpe htan wu ai.

KASA 5:31

Israela amyu hpe myit malai lam hte mara raw ya ai lam hpaw ya na matu, Daru Magam hte Hkye hkrang la ai Madu shatai na nga, Karai Kasang gaw dai wa hpe, shi a hkra lata hte shagrau tawn nu ai.

EHPESU 2:11

Dai rai nna, hkum shan hku yu yang, nanhte shawng e maigan ngu ai ni rai nga myit dai hpe, dum ngu mu; dai hkum shan hta e lata hte sha shabyin ai matu gadoi hkam ai ni gaw, Matu gadoi n hkam ai ni, nga nna nanhte hpe shamying nga ma ai;

SHINGRAN 2:5

Dai re ai majaw, nang garai n hkrat yang na shara hpe bai dum u; myit malai lu u, shawng na arawn alai bai hkan u: shing n rai yang, ngai nang kaw du nna, nang myit malai n lu yang gaw, na a pyengdin hpe de a shara na sit kau ya na de ai.