LUKA 22:52 - Jinghpaw Hanson Version Bible

⁵² Bai Yesu gaw shi hpang de du sa ai hkinjawng agyi ni, nawku Htingnu sin ai hpyen du ni hte agyi salang ni hpe, “Nanhte gaw damya hpe rim la na zawn, nhtu dawhkrawng hte rai nna pru sa marin ni?

Jinghpaw Common Language Bible 2009

⁵² Dai hpang Yesu gaw, shi hpe rim la na du sa ai hkinjawng agyi ni, Nawku Htingnu sin ai hpyen du ni hte agyi salang ni hpe, “Nanhte gaw gumlau langai mi hpe rim la ai zawn ngai hpe rim la na matu, nhtu ni dawhkrawng ni hte rai nna pru sa wa marin ni?

LUKA 22:52 ပူးပေါင်းရင်းမြစ်များ

2 HKAWHKAM 11:15

Hkinjawng Yehoiada mahtang, “Shi hpe Yehowa a nta kata e n sat u ga, nga nna mung, Dap shinggan de shapraw nna shi kaw hkan nang ai wa kadai hpe mung, nhtu hte sat kau mu, nga nna mung,” hpyen luksuk ni a hpyen latsa up ai du ni hpe hkang da mu ai.

MAHTE 26:47

Shi ga naw tsun nga yang, yu mu, sape shi lahkawng hta lawm ai Yuda gaw sa wa nna, hkinjawng agyi ni hte, mung masha ni a salang ni kaw na pru ai, nhtu hte dawhkrawng lang ai shawa hpawng kaba, shi gaw hkan nang nga ma ai.

MAHTE 26:55

Dai ahkying hta e, Yesu gaw shawa masha ni hpe, “Damya hpe rim la ai zawn, ngai hpe rim la na, nanhte nhtu dawhkrawng hte rai pru sa wa marin ni? Sharin shaga nga let nawku Htingnu hta e, ngai shani shagu dung nga timung, nanhte ngai hpe n rim la manit dai:

LUKA 22:37

kaning rai nme law, ngai nanhte hpe tsun made ga, ngai hte seng maseng gaw ngut mat na rai ra ai majaw, ‘Dai wa gaw tawt lai ai ni hta hti lawm mat nga ai,’ nga nna ka da ai ga gaw, ngai hta dik lu na rai nga ai,” ngu nna tsun mu ai.

LUKA 22:4

dai wa gaw pru wa nhtawm, hkinjawng kaba ni hte hpyen du ni kaw, shi hpe kaning di ap kau ya na lam, shanhte hte sa bawng wu ai.

LUKA 22:51

Yesu chyawm gaw, “Shanhte ra ai mi rai mu ga,” nga nna htan tsun ngut jang, dai mayam a na hpe ahtawk nna shamai ya wu ai.

LUKA 22:53

Nawku Htingnu e shani shagu nanhte hte rau nga nga yang, ngai hpe rim la na nanhte n htim yu manit dai; rai timung, ndai ahkying gaw nanhte a ahkying rai nga ai hte, nsin a ahkang hpung ja ai mung rai nga ai,” ngu mu ai.

YAWHAN 17:12

Ngai shanhte hte rau nga nga ai hte yang, nang ngai e jaw ai ni hpe, na a amying ningsang hta ngai shagrin shangang da nna, shanhte hpe makawp maga mase ai: shanhte hta na hten bya ai a kasha hta kaga gaw, langai mi muk n hten n bya ma ai; dai wa a hten bya ai chyawm gaw, Chyum laika hta rawng ai ga dik wa na matu rai nga ai.

KASA 5:26

Dai rai nna hpyen du wa gaw ali ama ni hte sa nna, kasa ni hpe sa woi la mu ai; rai timung, aja awa n di wam mu ai; kaning rai nme law, shawa masha ni nlung hte kabai wa na hpe, hkrit da mu ai.