LUKA 21:8 - Jinghpaw Hanson Version Bible

⁸ Shaloi shi gaw, “Nanhte hkalem kau ai n hkrum myit ga, sadi nga mu: kaning rai nme law, masha law law wa nye a amying hte paw pru nna, ‘Ngai gaw dai wa rai nga nngai, ahkying mung du ra ai,’ nga nna tsun na mara ai: shanhte a hpang hkum hkan nang myit.

Jinghpaw Common Language Bible 2009

⁸ Yesu gaw, “Nanhte hkalem masu kau ai n hkrum myit ga, sadi nga mu, hpa majaw nga yang, masha law law wa nye a mying hte paw pru nna, ‘Ngai gaw shi rai nngai; Jahtum nhtoi du ra ai; nga nna tsun na mara ai. Shanhte a hpang hkum hkan nang myit.

LUKA 21:8 ပူးပေါင်းရင်းမြစ်များ

YEREMIA 29:8

Kaning rai nme law, Israela Karai Kasang Zaw nawng zaw wa up ai Yehowa ning nga ai: Nanhte hte rau nga ai myihtoi ni hte shaba wawt ai ni gaw, nanhte hpe n hkalem kau myit ga; nanhte mu shangun ai yup mang ni hpe, hkum kam myit.

MAHTE 24:11

Masu ai myihtoi law law mung paw pru nna, law law hpe lam shadam na mu ai.

MAHTE 3:2

“Sumsing lamu a mungdan du magang ra ai majaw, myit malai lu mu,” nga nna Yuda nam mali hkan e tara hkaw nga ai.

MAHTE 4:17

Dai aten kaw nna Yesu gaw, “Sumsing lamu a mungdan du magang ra ai rai nna, myit malai lu mu,” nga nna hkaw nga ai hte tsun hpang nga ai.

LUKA 17:23

dai nhtoi e masha ni gaw, ‘Yu mu, wonang nga nga ai,’ ‘Yu mu, nang e nga nga ai,’ nga nna nanhte hpe tsun ma timung, hkum pru, hkum hkan myit:

LUKA 21:7

Shing nga jang shanhte gaw, “Sara e, dai rai yang gaw, dai galoi e me rai na ra ta? dai byin na ni wa magang jang, hpa kumla dan pru na ra ta?” ngu nna shi hpe san mu ai.

LUKA 21:9

Hpyen gasat ai hte gumlau rawt ai lam na yang, hkum hkrit hkum kang myit: dai lam ni gaw shawng byin lu na rai nga ai: rai timung, jahtum ai gaw, dai shaloi jang, rai na n rai,” ngu mu ai.

YAWHAN 5:43

Ngai gaw nye Wa a amying hte du sa nngai rai timung, nanhte ngai hpe n hkap la myit dai; kaga wa mi tinang a amying hte du sa ai rai taw gaw, dai wa hpe nanhte hkap la na rai nga myit dai.

YAWHAN 8:24

Dai majaw, nanhte gaw tinang a yubak hta si na marin dai, ngu nna ngai nanhte hpe tsun ni ai: kaning rai nme law, ngai dai wa rai nga nngai hpe, nanhte n kam myit yang gaw, nanhte tinang a yubak hta si na myit dai,” ngu mu ai.

YAWHAN 8:28

Dai majaw Yesu gaw, “Dai Masha Kasha hpe nanhte sharawt da ai shaloi she, ngai gaw dai wa rai nga nngai mung, ngai gaw nye myit hte hpa mung n galaw ai sha, nye Wa ngai hpe sharin nngai hte maren, dai ga ngai tsun nga nngai mung, nanhte chye na marin dai.

1 KORINHTU 6:9

N ding n man ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit: hpye ai amu galaw ai ni mung, gawngngu sumla nawku ai ni mung, num shaw ai ni mung, ngang ai ni mung, la shada tam ai ni mung,

EHPESU 5:6

Kadai rai timung, kaman lila ga hte nanhte hpe myit hkum shadam myit ga; kaning rai nme law, dai lam nhkan e Karai Kasang a pawt sindawng ai gaw, n madat mara ai ni a ntsa e du ra ai.

2 HTESALONI 2:3

Kadai wa mung, nanhte hpe gara hku mung n hkalem kau myit ga. Kaning rai nme law, dai htak bra wa ai gaw shawng e n byin ai hte, n tara ai wa ngu ai hten byak wa ai a kasha garai n paw pru pru gaw, dai nhtoi du na n rai,

2 TIMOHTI 3:13

N hkru n hkra ai hte sawt ai masha ni chyawm gaw, hkalem sha nna, hkalem sha ai nhtang hkrum let, n hkru ai lam hta je je kaba wa na mara ai.

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.

2 YAWHAN 1:7

Kaning rai nme law, Yesu Hkristu gaw masha a hkum shan hpe dagraw nna du sa ai hpe, ndang kau ai hkalem ai masha law law wa mungkan ga de pru sa mara ai. Dai wa gaw, dai hkalem ai wa hte antihkristu mung rai nga ai.

SHINGRAN 1:3

Ahkying ladaw ni wa magang ra ai majaw, ndai ga hpe hti dan ai wa hte, ndai myihtoi ga hte hpe madat mara nna dai hta ka da mada hpe hkan galaw ai ni gaw, a lu ma ai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.