LUKA 21:16 - Jinghpaw Hanson Version Bible

¹⁶ Rai timung, nanhte gaw kanu kawa ni kahpu kanau ni, mayu dama ni hte jinghku jing-yu ni e pyi, ap kau ai hkrum na marin dai: shanhte gaw nanhte hta na nkau mi hpe mung, sat kau shangun na mara ai:

Jinghpaw Common Language Bible 2009

¹⁶ Nanhte a kanu kawa ni, kahpu kanau ni, mayu dama ni hte jinghku jingyu ni e pyi ap kau ai hkrum na marin dai, nanhte hta nkau mi hpe sat kau na mara ai.

LUKA 21:16 ပူးပေါင်းရင်းမြစ်များ

YEREMIA 12:6

Kaning rai nme law, na a nhpu nnau ni hte na nwa dap na ni pyi, nang hpe hkalem hkalau kau nna, na a hpang e aja awa jahtau let hkan nang ma ai: shanhte kaja ai ga tsun timung, shanhte hpe hkum kam et.

YEREMIA 9:4

“Langai hte langai tinang a htingbu wa hpe makran u ga; kahpu kanau wa hpe mung n kam u ga; kahpu kanau ni yawng hkalem hkalau sha ai hkrai rai nga ma ai; htingbu htingpyen ni gaw shi htawn hkawm ai ni rai nga ma ai.

MAHTE 10:21

Kahpu gaw kanau wa hpe, kawa gaw kasha hpe nsa dan hkra ap kau na ra ai; kasha ni mung gumlau maga de rawt nna, kanu yan kawa hpe sat shangun na maru ai.

MARKU 13:12

Dai shaloi e kahpu gaw kanau hpe kanau gaw kahpu hpe, kawa gaw kasha hpe si ai de ap bang kau na mara ai: kasha ni mung kanu kawa ni hpe gumlau rawt nna, sat kau shangun na mu ai.

LUKA 12:53

Kawa gaw shadang sha hte, shadang sha gaw kawa hte; kanu gaw shayi sha hte, shayi sha gaw kanu hte; kamoi gaw kanam hte, kanam gaw kamoi hte shada hka bra na mara ai,” ngu mu ai.

LUKA 21:15

kaning rai nme law, nanhte a gumlau maga na ni nlang, n hkap htang lu hkra, ngai nanhte hpe n-gup ga hte hpaji jaw na made ai.

LUKA 21:17

nye a amying majaw masha nlang hte a n dawng n yawt ai, nanhte hkrum na marin dai.

KASA 12:2

Shing rai, Yawhan a kahpu Yaku hpe htau kau wu ai.

KASA 7:59

Shing rai kabai nga ma yang Stehpan gaw akyu hpyi let, “Madu Yesu e, nye a wenyi hkap la ya e,” nga ai.

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

SHINGRAN 6:9

Bai, manga ngu na dazik hpe hpaw dat wu yang, Karai Kasang a mungga a majaw mung, tinang hkan nang ai sakse lam a majaw mung, sat kau hkrum ai ni a tsu ni hpe, dai tawn hkungri npu e, ngai mu nngai.