LUKA 21:12 - Jinghpaw Hanson Version Bible

¹² Rai timung, dai lam yawng garai n byin yang, masha ni gaw nanhte hpe rim la nna, zingri zingrat di nhtawm, tara jawng ni hte htawng ni hta ap kau na myit dai hte, nye a amying majaw hkawhkam ni hte du ni kaw sa bang kau ai hkrum na marin dai.

Jinghpaw Common Language Bible 2009

¹² Dai lam ni yawng garai n byin yang, masha ni gaw nanhte hpe rim la nna zingri zingrat di nhtawm, tara jawng ni hta jeyang nna htawng bang kau na matu ap kau ai hkrum na myit dai hte nye a mying a majaw hkawhkam ni hte du ni a man de du na marin dai.

LUKA 21:12 ပူးပေါင်းရင်းမြစ်များ

MAHTE 22:6

Naw nga ai ni mahtang gaw, shi a mayam ni hpe rim la nna, aroi arip di nhtawm, sat kau mu ai.

MAHTE 24:8

dai yawng chyawm gaw, kyin dut ngu ai a npawt nhpang rai nga ai.

LUKA 21:11

nnang nawn kaba wa ai mung, shara kaga kaga hta e ana zinli wa ai hte hku hku wa ai mung, byin na ra ai: sumsing lamu de na hkrithpa hte lamik kumla kaba mung dan pru na ra ai.

YAWHAN 15:20

Mayam gaw madu hta grau kaba ai n rai, ngu nna ngai nanhte e tsun ai ga hpe dum nga mu: ngai hpe pyi zingri zingrat ma ai rai yang gaw, nanhte hpe mung zingri zingrat na mara ai: nye a ga madat mara ma ai rai yang gaw nanhte a ga hpe mung madat mara ya na mara ai.

YAWHAN 15:21

Rai timung shanhte gaw nye amying a majaw, dai lam yawng nanhte hpe di na mara ai: kaning rai nme law, ngai e shangun dat ai wa hpe shanhte n chye ma ai.

KASA 22:30

Hpang jahpawt e, Yuda masha ni Pawlu hpe shagun ai mara hpa re ai, teng teng chye lu hkra, shi hpe raw dat nna, hkinjawng agyi ni hte salang bawng ting hpe shaga jahpawng tawn nhtawm, Pawlu hpe shanhte a ka-ang e jashawn ya wu ai.

KASA 5:40

Ga dai hpe shanhte myit htuk dum ma ai rai nna, kasa ni hpe shaga la nhtawm, kayat nna, Yesu a mying hte n sharin n shaga lu na lam hkang da ngut jang, dat dat ma ai.

KASA 8:3

Shawlu chyawm gaw, nta shagu shang nna, numsha lasha hpe ahkyit karawt la nhtawm, htawng hta sharen da ai hte, dai Hpung hpe hpya sharun da mu ai.

KASA 9:4

shi mung, ga e kadawng taw mat ai hte, “Shawlu, Shawlu, nang ngai hpe hpa rai zingri nga n ta?” nga nna shi hpe tsun ai nsen na wu ai.

1 PETRU 2:13

Dai madu a marang e, masha hta na san tawn da ai aya shagu a npu e, a taw nga mu;

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.