LUKA 21:11 - Jinghpaw Hanson Version Bible

¹¹ nnang nawn kaba wa ai mung, shara kaga kaga hta e ana zinli wa ai hte hku hku wa ai mung, byin na ra ai: sumsing lamu de na hkrithpa hte lamik kumla kaba mung dan pru na ra ai.

Jinghpaw Common Language Bible 2009

¹¹ Hkrit hpa nnang nawn kaba ni mung, hkuwa kaba ni mung, shara shagu hta ana zinli ni mung byin na ra ai, lamu de na laklai ai hkrithpa arai ni hte lamik kumla kaba mung, pru na ra ai.

LUKA 21:11 ပူးပေါင်းရင်းမြစ်များ

YOBA 41:9

Shi hpe gasat ai wa gaw hpa myit mada shara n nga ai; shi hpe mu yang pyi, myit htum nga ai n rai ni?

ESAIA 29:6

Zaw nawng zaw wa up ai Yehowa gaw, mu ngoi ai, nnang nawn nawn ai, wu kadu ai nsen hte rau, nbung laru, marang mawru, hkru kau ai wan shinglet hte, dai mare hpe kawan katsan yu na ra ai.

YOELA 2:30

Sumsing lamu hta e mung, ginding aga ntsa e mung, mauhpa amu ngu ai, asai, awan hte wan hkut shadaw hte hpe, ngai madun na nngai.

MAHTE 24:7

Bai, amyu mi hte amyu mi, mung mi hte mung mi shada da gumlau hkat na mara ai: hku hku ai hte nnang nawn, shara kaga kaga hta e byin wa na ra ai:

LUKA 21:10

Bai shi shanhte hpe tsun mu ai gaw, “Amyu mi hte amyu mi, mung mi hte mung mi shada da gumlau hkat na mara ai;

LUKA 21:12

Rai timung, dai lam yawng garai n byin yang, masha ni gaw nanhte hpe rim la nna, zingri zingrat di nhtawm, tara jawng ni hte htawng ni hta ap kau na myit dai hte, nye a amying majaw hkawhkam ni hte du ni kaw sa bang kau ai hkrum na marin dai.