LUKA 20:6 - Jinghpaw Hanson Version Bible

⁶ Masha hta na re ai, ngu yang mung, Yawhan gaw myihtoi re ai, nga nna mung masha ni nlang myit kam nga ma ai majaw, anhte hpe nlung hte kabai sat na ma ai,” nga nna jawm myit la nhtawm,

Jinghpaw Common Language Bible 2009

⁶ Bai masha hta na re ai, ngu yang mung, ya nang e nga ai shawa masha ni yawng, anhte hpe nlung hte kabai sat na mara ai, hpa majaw nga yang, shanhte gaw, Yawhan gaw myihtoi re ai,” nga nna kam nga ma ai.

LUKA 20:6 ပူးပေါင်းရင်းမြစ်များ

MAHTE 11:9

Dai hpe n rai taw, hpa majaw sa pru myit ta? myihtoi hpe sa yu na rai ni? Rai nga ai; nanhte hpe ngai tsun made ai gaw, myihtoi hta grau kaba ai wa mung rai nga ai.

MAHTE 14:5

shi hpe sat kau mayu nu ai rai timung, mung masha ni Yawhan hpe myihtoi zawn nawn da mu ai majaw, shanhte hpe hkrit da mu ai.

MAHTE 21:26

bai, Masha hta na re ai, ngu yang, mung masha ni hpe anhte hkrit shara nga ga ai; kaning rai nme law, Yawhan myihtoi rai nga ai hpe, nlang hte gaw kam nga ma ai, nga shajang ma ai.

MAHTE 21:46

Shi hpe rim la na shanhte tam ma timung, shawa masha ni hpe hkrit da mu ai: kaning rai nme law, shi myihtoi rai nga ai hpe mung masha ni kam da mu ai.

MAHTE 26:5

rai timung, Mung masha ni n kabrawng wa mu ga, poi a laman e n rai u ga, nga nna shanhte hkang da ma ai.

MARKU 12:12

Dai majaw shanhte gaw shi hpe rim la na tam ma timung, shawa masha ni hpe hkrit da mu ai: kaning rai nme law, ndai ga shadawn hpe, shanhte a lam shi tsun nga ai gaw, shanhte chye na mu ai. Shaloi shanhte shi hpe kau da nna, pru mat wa ma ai.

LUKA 1:76

Ma e, nang mung, Tsaw htum ai Wa a myihtoi ngu ai hkam la na rin dai: Anhte a Karai Kasang a matsan dum ai chyeju majaw,

LUKA 20:5

Shanhte gaw myit yu nna, “Lamu de na re ai, anhte ngu yang mung, Dai rai yang gaw, hpa rai shi hpe n kam myit ta? nga nna shi tsun na ra ai:

LUKA 20:7

“Kanang na re ai gaw anhte n chye ga ai,” ngu nna htan mu ai.

LUKA 7:30

Hparishe ni hte tara sara ni chyawm gaw, Shi jaw ai baptisma n hkam la ma ai hta, Karai Kasang a maw mawn ai hku hpe, tinang a matu ran kau ma ai.

YAWHAN 10:41

Masha law law wa shi kaw du sa nna, “Yawhan gaw gaja wa hpa lamik kumla madun ai n rai: ndai wa a lam Yawhan tsun matsun chyawm gaw tengman nga ai,” nga ma ai.

KASA 5:26

Dai rai nna hpyen du wa gaw ali ama ni hte sa nna, kasa ni hpe sa woi la mu ai; rai timung, aja awa n di wam mu ai; kaning rai nme law, shawa masha ni nlung hte kabai wa na hpe, hkrit da mu ai.