LUKA 20:13 - Jinghpaw Hanson Version Bible

¹³ Shaloi tsabyi sun madu wa gaw, Ngai kaning di na i? ‘tsawra ai, ngai sha hpe, ngai shangun dat yu na we ai: shi e gaw shanhte hkrit hkungga na ma ai nhten,’ nga nna tsun ai.

Jinghpaw Common Language Bible 2009

¹³ Shaloi sabyi sun madu wa gaw, ‘Ngai kaning di na i? Ngai tsaw ra ai ngai sha hpe ngai shangun dat yu na we ai. Kaja wa shi hpe gaw shanhte hkrit hkungga na ma ai nhten!,’ nga nna tsun ai.

LUKA 20:13 ပူးပေါင်းရင်းမြစ်များ

ESAIA 5:4

Ngai nye a tsabyi sun hta n galaw nna, naw galaw ra ai lam lama ma nga dam a ni? Ngai tsabyi si lu la na myit mada nga yang, hpa majaw tsabyi chyalam si nga a ta?

YEREMIA 36:3

Yuda nta dap ni hta ngai galaw na maw ai tsin-yam tsindam mahkra a lam, shanhte na ma yang, shanhte a shut hpyit ai mara hpe ngai raw dat kau lu hkra, shanhte langai hte langai tinang hkan ai n hkru ai lam ni hpe kau da dam ma nhten, nga nna tsun ai.

YEREMIA 36:7

shanhte langai hte langai tinang hkan ai n hkru ai lam hpe koi kau let, Yehowa hpe hpyi tawngban dam ma nhten; ndai amyu hpe Yehowa tsun ai myit kahtet ai hte pawt sindawng ai gaw, grai ja la nga ai, ngu nna htet da wu ai.

EZEKELA 12:3

Dai rai nna, masha kasha e, kaga de htawt wa na matu, arung arai hkyen nna, shani aten e shanhte a man na htawt wa u: shanhte a man na, nang nga ai shara kaw na kaga shara de htawt u: shanhte gumlau chye ai amyu rai nga timung, myit dum dam ma nhten.

HOSEA 11:8

“Ehprim e, ngai nang hpe kaning rai kau da lu na rai ta? Israela e, nang hpe kaning rai ap kau lu na rai ta? Adma mare zawn, nang hpe kaning di shatai kau lu na rai ta? Zeboim mare zawn, kaning di tawn da na rai ta? Nye kraw kata e nye a myit galai nga nna, nye a n-gaw nwai ai myit katu nga ai.

HOSEA 6:4

“Ehprim e, ngai nang hpe kaning di na rai ta? Yuda e, ngai nang hpe kaning di na rai ta? Nan a chyeju dum ai myit gaw, jahpawt manap sumwi hte, jau jau e hkoi mat ai mari zawn, rai nga ai.

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

MAHTE 3:17

dai hta n-ga, “Ndai wa gaw ngai sharawng awng nga ai, ngai tsawra ai Kasha rai nga li ai,” nga nna lamu de na nsen ngoi pru wa ai.

LUKA 18:2

“Mare langai mi hta, Karai Kasang hpe mung n hkrit masha hpe mung n agam ai tara agyi langai mi nga ai.

LUKA 18:4

Rai timung, tawng marang wa mi na hkra, shi n jeyang ya hkraw ai: dai hpang shi gaw, ‘Ngai Karai Kasang hpe n hkrit, masha hpe mung ngai n agam nngai, rai timung,

LUKA 20:12

Bai masum lang ngu na hta, mayam langai mi bai shangun dat wu ai: dai wa hpe mung aje ahpye di nhtawm, shapraw kau mu ai.

LUKA 20:14

Sun galaw ai ni gaw dai kasha wa hpe mu jang, ‘Ndai wa gaw sali wunli dagraw na wa rai nga ai; dai sali wunli anhte lu la ya hkra, shi hpe sat kau gaw,’ nga nna shada da bawng la nhtawm, sun shinggan de shi hpe shapraw nna, sat kau mu ai.

LUKA 9:35

Dai sumwi hta nna mung nsen ngoi pru wa ai gaw, Ndai wa gaw, ngai Sha, ngai lata la ai wa rai nga ai: shi a ga madat mara mu, nga ai.

YAWHAN 1:34

Dai hte maren ngai mu se ai rai nna, ‘ndai wa gaw Karai Kasang a Kasha re ai, ngai sakse hkam we ai,’ nga nna sakse hkam ya wu ai.

ROMA 8:3

Jep ai tara nan shinggyim hkum shan majaw n-gun kya nna n shabyin lu ai gaw, hkum shan kaw hkan nang ai ni hta e n re ai sha, anhte Wenyi kaw hkan nang ai ni mahtang hta e, dai jep ai tara a ga matsun dik wa lu hkra,

GALATI 4:4

Rai timung, aten ladaw gu jang, dai jep ai tara npu e rai nga ai ni hpe hkrang shaw la nna, anhte kasha yin la ai chyeju hkam la lu u ga,