LUKA 20:10 - Jinghpaw Hanson Version Bible

¹⁰ Aten du jang, sun na asi hta na shi hpe jaw maru ga, nga nna sun galaw ai ni hpang de mayam langai mi shangun dat wu ai: sun galaw ai ni gaw dai wa hpe anu kayat nna, kaman dat dat mu ai.

Jinghpaw Common Language Bible 2009

¹⁰ Sabyi si di ai aten du jang, shi gaw mayam langai mi hpe, sabyi sun shap galaw sha ai ni kaw dat dat nna, sabyi mangai hta na shi lu la ang ai hkambum jaw manit, ngu nna sa hpyi shangun wu ai. Rai ti mung sun galaw ai ni gaw, dai mayam hpe anu kayat nna, kaman dat dat mu ai.

LUKA 20:10 ပူးပေါင်းရင်းမြစ်များ

1 HKAWHKAM 22:24

Dai rai nna Hkenana kasha Zedekia sit sa nhtawm, Mihkala hpe kahpret nna, “Yehowa Wenyi gaw nang hta shung lu hkra, gara lam hku ngai kaw na pru wa sata?” ngu wu ai.

2 HKAWHKAM 17:13

Rai timung Yehowa gaw, Nanhte a n hkru ai lam ni kaw na kayin wa mu; nanhte a nji nwa ni hpe ngai hkang da ai hte, nye a shangun ma myihtoi ni a n-gup hta nanhte kaw shagun dat ai tara yawng hte maren, ngai hkang da ai lam ni hte matsun maroi ga hpe hkan nang nga mu, ngu nna myihtoi shagu hte, myi san ai ni yawng a n-gup e, Israela amyu masha ni hte Yuda amyu masha ni hpe sakse hkam ya mu ai.

1 HKAWHKAM LABAU 19:4

Dai rai nna Hanun gaw Dawi a shangun ma ni hpe rim la nna, mun shangun kau ya ai hte, dangbau du hkra shanhte a hpun palawng rep di kau ya nhtawm, dat dat mu ai.

2 HKAWHKAM LABAU 16:10

Dai ga majaw Asa gaw myihtoi wa hpe masin pawt nna, htawng hta e rawng da wu ai: shi gaw dai lam majaw shi hpe n-yun bu nna, dai aten e, mung masha nkau mi hpe mung sharu shatsang mu ai.

NEHEMIA 9:26

“Rai timung, shanhte n madat nga ma ai hte, nang hpe gumlau let, na a tara hpe shingdu kayin kau ai hte, nang hpang de kayin wa na matu, na a lam sakse hkam ya ai, na a myihtoi ni hpe, sat kau nna, grai wa shut hpyit nga ma ai.

NEHEMIA 9:30

Shing rai, shaning law law wa nang shanhte a lam shakut sharang nna, na a Wenyi shadut ai a jaw e, na a myihtoi ni a n-gup hte shadum jahprang timung, shanhte n madat nga ma ai: dai re ai majaw, dai mung na maigan ni a lata hta, nang shanhte hpe ap kau mu ai.

SHAKAWN KUNGDAWN 1:3

Dai wa gaw hka kau e hkai ai, Shi a aten hta asi si nna, Alap mung n nyip ai hpun hte bung nga ai: Shi galaw ai yawng mayawng mung tai na ra ai.

YEREMIA 2:30

Ngai gaw be be kaman sha nanhte a kashu kasha ni hpe ari jaw ni ai: shanhte gaw sharin achyin ai n hkam la ma ai; nanhte a nhtu gaw, amya sha ai hkanghkyi zawn, nanhte a myihtoi ni hpe shaza kau manu ai.

YEREMIA 20:2

Dai rai nna Pashura gaw myihtoi Yeremia hpe kayat nna, Yehowa nta kata na, Ben-yamin lahta chyinghka makau e nga ai share hta sharen da wu ai.

YEREMIA 35:15

Dai hta kaga ngai gaw jau jau rawt nna, nye a shangun ma myihtoi ni mahkra hpe mung, nanhte hpang de shangun dat nna, Nanhte langai hte langai hkan ai n hkru ai lam hpe koi kau mu; nanhte a arawn alai hpe shading mu; hpara tsasam ni hpe daw jau na matu hkum hkan myit; shing rai nanhte hte nanhte a nji nwa ni hpe ngai jaw da ai mungdan hta, nanhte shanu nga lu na myit dai, ngu tsun da timung, nanhte gaw tinang na pat kau nna, nye a ga n madat myit dai.

YEREMIA 5:24

Shanhte gaw, Marang htu shangun nna, marang nhpaw hte hpang shadoi marang, anhte hpe jaw ya nna, nmut ta aten anhte a matu san da ai, anhte a Karai Kasang Yehowa hpe, ya hkrit hkungga nga ga, nga nna tinang a myit masin hta n tsun ma ai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! u kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu timung, nanhte n hkraw myit dai.

LUKA 20:11

Bai, mayam kaga hpe shi shanhte hpang de shangun dat wu ai: dai wa hpe mung shanhte anu kayat nna kaya kahpa di zingri nhtawm, kaman dat dat mu ai.

LUKA 20:9

Dai shaloi e mung masha ni hpe ndai ga shadawn hte shi tsun wu ai gaw, “Masha langai mi tsabyi sun hkai sharam da nna, sun galaw ai masha hpe boi ya da nhtawm, kaga mung de na na wa sa nga mat ai.

YAWHAN 15:16

Nanhte ngai hpe lata la myit dai n rai, ngai she nanhte hpe lata la made ai rai nna, nanhte gaw pru sa nna, asi si na hte, nanhte a asi grin nga u ga, ngu nna mung, nye a amying hte Wa kaw nanhte hpyi mahpyi lu la mu ga, ngu nna mung, ngai nanhte hpe san da masade ai.

ROMA 7:4

Dai hte maren, hpunau ni e, si mat ai ni kaw na hkrung sharawt la hkrum ai la kaga ngu ai wa kaw, nanhte wa lu nna, anhte Karai Kasang a matu asi si lu u ga, nanhte mung Hkristu a hkumhkrang hta e si mat ai hkrum nna, jep ai tara hte daw hka wa manit dai.