LUKA 2:40 - Jinghpaw Hanson Version Bible

⁴⁰ Dai ma gaw kaba wa ai hte n-gun lapyin ja wa nna, hpaji byeng-ya hte hpring nga ai; Karai Kasang a chyeju mung, shi a ntsa e anga nga ai.

Jinghpaw Common Language Bible 2009

⁴⁰ Dai ma gaw kaba wa ai hte n gun lapyin ja wa nna, hpaji byeng-ya hte hpring nga ai; Karai Kasang a chyeju mung shi a ntsa e nga nga ai.

LUKA 2:40 ပူးပေါင်းရင်းမြစ်များ

SHAKAWN KUNGDAWN 22:9

Rai timung, ngai hpe hkritung nna shaw la ai wa, nang rai nga ndai, Nye nu a chyu hta nang ngai hpe kamsham shangun nga ndai.

SHAKAWN KUNGDAWN 45:2

Masha kasha ni hta nang ahpraw grau tsawm nga ndai. Na a n-gup hta chyeju ru bang ya nga ai. Dai majaw Karai Kasang gaw nang hpe tut tut shaman ya ndai.

LUKA 1:80

Dai ma mung kaba wa nna, wenyi atsam hta ja wa let, Israela masha ni kaw dan pru ai nhtoi du hkra, nam mali hkan e nga nga ai.

LUKA 2:47

Shi a ga na mana ni gaw, shi a myit kung ai hpe mung, shi htan ai ga a majaw mung, mau nga ma ai.

LUKA 2:52

Yesu gaw hpaji byeng-ya kunghpan wa ai hte, gawng shing-yan kaba wa nna, Karai Kasang a man e mung, masha a man e mung, myi man pa wa nga ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

KASA 4:33

Kasa ni mung, dai Madu Yesu a bai hkrung rawt ai lam hpe atsam kaba hte sakse hkam ma ai rai nna, shanhte mahkra ntsa e chyeju kaba nga malu ai.

EHPESU 6:10

Ya kaw nna dai Madu hte, shi a n-gun marai a atsam hta e, n-gun lapyin rawng nga mu.

2 TIMOHTI 2:1

Dai re ai majaw, ngai sha e, Hkristu Yesu hta e rawng ai chyeju hta, n-gun lapyin jat wa lit ga.

TARA AGYI 13:24

Dai numsha mung, shadang sha shangai nna, shi a amying Samson ngu nna dai daw mu ai; dai ma kaba wa nna, Yehowa shi e shaman ya wu ai.

1 SAMUELA 2:18

Dai ma Samuela chyawm gaw, hpa hkai palawng hpun nna, Yehowa man e amu gun hpai nga ai.

1 SAMUELA 2:21

Yehowa mung Hana hpe mada mara yu wu ai rai nna, shi na-um nasin rai wa ai; shing rai, shadang sha masum, shayi sha lahkawng, bai shaprat wu ai. Ma Samuela mung Yehowa man e kaba wa ai.

1 SAMUELA 2:26

Ma Samuela chyawm gaw, kaba wa nna, Yehowa man e mung, masha a man e mung, myi man pa nga ai.

1 SAMUELA 3:19

Samuela chyawm gaw kaba wa nna, Yehowa shi hte rau rai nga ai; shi a ga langai mi muk, ga jahkrat ya wu ai n rai.