LUKA 2:4 - Jinghpaw Hanson Version Bible

⁴ Yawsep mung, Dawi a kashu kasha hte aru arat rai nga ai majaw, Galile mung na Nazaret mare kaw nna, Yuda mung na Betlehem ngu ai Dawi a mare de,

Jinghpaw Common Language Bible 2009

⁴ Yosep mung, Dawi a aru arat hte kashu kasha rai nga ai majaw, Galile mung na Nazaret mare kaw nna Yuda mung na Dawi hkawhkam a shangai daidaw buga rai nga ai Betlehem mare de lung wa ai.

LUKA 2:4 ပူးပေါင်းရင်းမြစ်များ

NINGPAWT NINGHPANG 35:19

Shaloi Rahkela si mat nna Betlehim ngu ai Ehprat de sa ai lam makau e, shi hpe lup makoi mu ai.

NINGPAWT NINGHPANG 48:7

Nye a matu ngu na gaw, Hpadan mung na ngai bai wa ai shaloi, Hkanan mung Ehprahta mare garai n du kaw, dai lam hta e Rahkela gaw nye a makau e si mat sali ai rai nna, Betlehim ngu ai Ehprahta de sa ai lam e ngai shi hpe lup makoi se ai, ngu wu ai.

MIHKA 5:2

Rai timung, nang Betlehem-Ehprat e, Yuda mare mun sen hta nang kaji nga timung, Israela amyu hpe up na madu gaw, nye a matu, nang kaw na pru na ra ai: dai wa gaw, moi chyaloi nhkoi kaw nna paw pru ai wa rai nga ai.

MAHTE 1:20

Ndai lam ni hpe naw myit aru nga yang, yu u, Madu a lamu kasa langai mi yup mang hta shi hpe hkum madun dan nna, “Dawi a kasha Yawsep e, na a madu jan Mari hpe la na myit hkum ru et; shi a na-um nasin gaw, dai Chyoi pra ai Wenyi kaw na rai nga ai:

MAHTE 2:23

Dai rai nna, “Nazare wa shi hpe ngu na maru ai,” nga nna myihtoi ni tsun ai ga gaw dik wa sai.

LUKA 2:3

Shaloi masha mahkra gaw amying shalawm na matu, langai hte langai tinang mare de wa ma ai.

LUKA 2:5

shi mahtan da ai num Mari hte rau amying shalawm na matu lung wa ai: Mari chyawm gaw na-um nasin hkum rai nga ai.

LUKA 4:16

Shaloi, shi nga kaba wa ai Nazaret mare de du wa ai; shi a htung hte maren laban nhtoi e dai tara jawng hta shi shang wa ai rai nna, laika hti na rawt wu ai.

YAWHAN 1:46

Nahtanela gaw, “Nazaret mare na arai kaja lama mi pru lu a ni?” ngu nna htan wu ai.

YAWHAN 7:42

Hkristu gaw Dawi a lakung hta na prat wa nna, Dawi a shara ngu ai Betlehem kahtawng na she, paw pru na re ai, nga nna Chyum laika hta rawng ai, n rai ni?” nga hkat ma ai.

RUHTA 1:19

Shing rai shan lahkawng sa wa nna, Betlehem de du ma ai. Betlehem de du ma yang mare ting shan a majaw wu wu di di nga, “Ndai Naomi rai nga nni?” Nga nna num ni shada san shajang ma ai.

RUHTA 2:4

Shaloi Bua gaw Betlehem mare na sa nna, mam dan ai ni hpe, “Yehowa nanhte hte rau nga nga u ga law,” ngu wu ai. Shanhte mung, “Yehowa nang hpe shaman ya u ga law,” nga nna htan ma ai.

RUHTA 4:11

Dai chyinghka lam e dung lawm ai shawa masha ni hte agyi salang ni nlang hte mung, “Anhte sakse rai saga ai: na nta e pru ai num ndai gaw, Israela amyu hpe shaprat ai num Rahkela yan Lea zawn taw wa hkra, Yehowa hpajang ya nit ga law, Nang rai timung, ndai Ehprahta e n-gun nsam ja wa nna, Betlehem mare e arawng dan hkung nit ga law

RUHTA 4:17

Shi a htingbu jan ni mung, “Naomi shadang sha lu nu ai,” nga ma ai rai nna, ma dai hpe Obed, ngu shamying mu ai: dai wa gaw, Dawi a kawa Yese hpe shaprat wu ai.

1 SAMUELA 16:1

Dai rai nna Yehowa Samuela hpe, “Israela hkawhkam aya na ngai jahkrat kau ai Shawlu a majaw, nang gaten du hkra yawn nga na n ta? Na a tau hta namman bang jahpring nna sa su; Betlehem masha Yese hpang de shangun dat de ga; shi a kasha ni hta na langai mi, nye a matu hkawhkam shatai na, ngai san da se ai,” ngu wu ai.

1 SAMUELA 16:4

Samuela mung, Yehowa tsun ai hte maren galaw nna, Betlehem mare de sa du ai. Betlehem na agyi salang ni gaw, shi hpe hkrit gari let sa tau nna, “Nang ngwipyaw lam hte sa rin ni?” Ngu nna san mu ai.

1 SAMUELA 17:12

Ya Dawi gaw Ehprahta ngu ai, Yuda ga Betlehem masha Yese a kasha rai nga ai: dai Yese gaw shadang sha matsat lu ai rai nna, Shawlu a lakhtak e, dingla ugut gu ai prat rai sai.

1 SAMUELA 17:58

Shing rai, Shawlu gaw, “Shabrang wa e, nang gade a kasha rai n ta?” ngu nna san wu yang, Dawi gaw, “Ngai gaw, na a mayam, Betlehem masha Yese a kasha rai nngai,” ngu nna htan wu ai.

1 SAMUELA 20:6

Na nwa ngai n lawm ai dum jang, ‘Dawi nta dap ni nlang a matu, shaning shagu na hkungga nawng nhtoi du ai majaw, shi a mare Betlehem de gat wa na nga, akroi anoi hpyi ai,’ ngu nna tsun u.