LUKA 2:32 - Jinghpaw Hanson Version Bible

³² Na amyu Israela a hpung shingkang matu rai nga ai, Na a hkye hkrang la ai lam hpe, nye a myi hte chyaw ngai mu lu se ai,” nga nna tsun ai.

Jinghpaw Common Language Bible 2009

³² Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

LUKA 2:32 ပူးပေါင်းရင်းမြစ်များ

SHAKAWN KUNGDAWN 85:9

Gaja wa, anhte a mungdan hta e arawng nga lu u ga; Shi a hkye hkrang la ai lam, shi hpe hkrit kamyin ai ni kaw ani sha nga nga ai.

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

ESAIA 4:2

Dai shani e Yehowa a Makrung gaw tsawm pra ai hte arawng sadang pu na ra ai rai nna, mungdan a namsi gaw, lawt lu ai Israela masha ni a matu, kaja htum ai hte htaphtuk na ra ai.

ESAIA 45:25

Israela kashu kasha ni yawng Yehowa a jaw e dinghpring ai hkrum nna, shakawn kungdawn nga na mara ai.

ESAIA 49:6

“Yaku a amyu ni hpe bai sharawt nna, naw ngam nga ai Israela masha ni hpe shagrin da na matu sha, nye a shangun ma tai na, na a matu amu kaji naw rai nga ai: maigan amyu ni a nhtoi tai na hte, lamu ga htum hkra nye a hkye hkrang la ai lam tai na matu, ngai nang hpe naw san da na nngai.

ESAIA 49:9

shing rai nang gaw, bawng dung ai ni hpe, “Pru wa mu,” nsin e dung nga ai ni hpe, “Dawng pru wa mu,” ngu nna tsun na maru ai. shanhte gaw hkrun lam e shat lusha nna, krin ai kawng shagu ntsa e, shanhte a matu udat shara tai na ra ai.

ESAIA 51:4

Nye a amyu e, nye a ga madat mara la mu; nye a amyu baw ni e, nye a ga na la mu: tara langai mi ngai kaw nna pru na ra ai rai nna, nye a dinghpring ai lam amyu baw ni a nhtoi tai na ra ai.

ESAIA 60:19

Shani e nang hta htoi ai nhtoi gaw, ya kaw nna jan a nhtoi n rai; shata a htoi kabrim ai mung, nang hpe htoi ya na n rai: kaning rai nme law, Yehowa gaw na a matu htani htana nhtoi, na a Karai Kasang gaw na a arawng sadang, tai na ra ai.

ESAIA 9:2

Nang gaw mung masha ni hpe shalaw nna, shanhte a kabu gara ai hpe jat ya mu ai: shanhte gaw nmut ta e kabu gara ai hte, lanep karan ai ni kabu jahtau ai zawn, na a man e kabu gara nga ma ai.

YEREMIA 2:11

Masha amyu mi gaw tinang a hpara ni hpe, hpa n re hpara ni hte galai ma ai kun? nye a amyu masha ni chyawm gaw, akyu n rawng ai baw hte, tinang a arawng sadang hpe galai kau ma hka.

ZEHKARIA 2:5

Kaning rai nme law, Ngai gaw dai mare a grup yin e wan bunghku tai nna, de a ka-ang na hpung shingkang tai na nngai,” nga nna Yehowa tsun ai.

MAHTE 4:16

Nhtoi kaba mu lu ma ai rai nna, Si ai mung hte de a shingnip kata hta dung nga ai ni kaw, Nhtoi dawng pru wa sai,” nga nna myihtoi Esaia tsun ai ga dik wa u ga majaw byin nga ai.

LUKA 2:10

Dai majaw lamu kasa gaw, “Hkum hkrit myit; yu mu, masha nlang a matu nachying kabu gara mai ai shiga, ngai nanhte kaw gun sa ring ngai;

LUKA 2:31

Maigan amyu ni hpe jahtoi dan na nhtoi hte,

KASA 26:23

Hkristu nni nkri hkrum lu na hte, si ai ni kaw na shawng hkrung rawt wa lu nna, shi a amyu hte maigan amyu ni hpe nhtoi lam madun dan lu na ra ai, nga nna byin wa na ra ai lam ni a matu, myihtoi ni hte Mawshe tsun ai lam hta kaga, ngai hpa mung n tsun jan nngai,” ngu wu ai.

KASA 28:28

Dai re ai majaw, ndai Karai Kasang a hkye hkrang la ai lam, maigan amyu ni hpang de jaw dat nu ai rai nna, shanhte mahtang madat mara hta la na mara ai gaw, nanhte nan chye nga mu law,”

1 KORINHTU 1:31

Dai re ai majaw, Gumrawng gumtawng re ai wa gaw, dai Madu hta gumrawng gumtawng nga u ga, nga nna ka da nga ai hte maren, rai na re ai.

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.