LUKA 2:26 - Jinghpaw Hanson Version Bible

²⁶ Shi gaw, dai Madu a Hkristu hpe garai n mu yang, si na n rai, nga nna Chyoi pra ai Wenyi hte madun dan ai lu la wu ai.

Jinghpaw Common Language Bible 2009

²⁶ Shi gaw dai Madu a ga sadi hte du sa na ra ai Meshia hpe garai n mu yang, si na n rai nga nna, Chyoi Pra ai Wenyi e madun dan ai lu la wu ai.

LUKA 2:26 ပူးပေါင်းရင်းမြစ်များ

SHAKAWN KUNGDAWN 2:2

Yehowa hte shi a Namman chya ai wa hpe, Ga ntsa hkawhkam ni rau hpawng nga nna, Du salang ni jawm bawng nga ma ai gaw:

SHAKAWN KUNGDAWN 2:6

“Ngai gaw, nye a chyoi pra ai Ziun bum hta e Nye a hkawhkam wa hpe tawn da ni ai,” ngu na mu ai.

SHAKAWN KUNGDAWN 25:14

Yehowa hpe hkrit kamyin ai ni, shi a sung ai lam chye nga nna, shi shanhte hpe shi a ga shaka chye lu shangun mu ai.

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

AMO LAIKA (AMOS) 3:7

Gaja wa, Madu Yehowa gaw, shi myit maw ai lam, shi a shangun ma myihtoi ni hpe garai n shapraw dan yang, hpa mung galaw na n rai.

MAHTE 2:12

Herod hpang hku bai n hprang wa mu ga, yup mang hta shanhte hpe madun dan mu ai majaw, shanhte gaw tinang a mung de, lam kaga hku wa mat ma ai.

LUKA 2:29

“N-gawn Madu e, na ga hte maren, na a mayam wa hpe ngwipyaw ai hte ya wa shangun dat nit ga law:

LUKA 9:27

Nanhte hpe ngai gaja wa teng teng tsun made ga, Nang e tsap nga ai ni hta na nkau mi, Karai Kasang a mungdan garai n mu mu gaw, si ai n hkrum na ma ai,” ngu mu ai.

YAWHAN 1:41

Dai wa gaw shi a kahpu Simun hpe shawng mu nna, “An gaw Meshia hpe mu saga ai,” ngu nna shi hpe tsun dan wu ai: (Meshia ngu ai ga lachyum gaw, Hkristu nga ai, rai nga ai.)

YAWHAN 20:31

rai timung, Yesu gaw, Karai Kasang a Kasha ngu ai, Hkristu rai nga ai hpe, nanhte kamsham lu nna, shi mying ningsang a marang e asak hkrung ai lu la myit ga, nga nna ndai hte wa ka tawn nga ai.

YAWHAN 4:29

“Ngai galaw ai lam yawng, ngai hpe bai tsun dan ya ai wa hpe sa yu maru: dai wa gaw Hkristu rai na kun?” ngu nna wa tsun mu ai.

YAWHAN 8:51

Nanhte hpe ngai gaja wa teng teng tsun made ga, Nye ga hku hkan ai wa gaw galoi mung n si na ra ai,” ngu nna bai htan mu ai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

KASA 17:3

Hkristu gaw nni nkri hkrum lu na hte, si ai kaw na bai hkrung rawt wa na gaw, shi a lam rai nga ai, nga nna mung, Ngai nanhte hpe tsun dan ai Yesu gaw, dai Hkristu nan rai nga ai, nga nna mung, shanhte hpe jahprang mu ai.

KASA 2:36

Dai re ai majaw, nanhte wudang hta jen da sat kau ai, dai Yesu hpe, Karai Kasang gaw Madu hte Hkristu shatai nu ai gaw, Israela amyu ting gaja wa chye nga myit ga law,” ngu nna tsun wu ai.

KASA 9:20

Yesu gaw Karai Kasang a kasha rai nga ai, nga nna shaloi jang tara jawng ni hta hkaw dan nga ai.

HEBRE 11:5

Kamsham ai a majaw Enuk gaw si hkrung si htan n hkrum lu hkra, htawt la ai hkrum wu ai; Karai Kasang shi hpe jahtawt la wu ai majaw, shi n nga sai: kaning rai nme law, shi gaw Karai Kasang a sharawng awng ai wa rai nga ai, nga nna jahtawt la ai garai n hkrum yang, sakse hkam ya ai, lu la wu ai: