LUKA 2:11 - Jinghpaw Hanson Version Bible

¹¹ dai ni na nhtoi hta Hkye hkrang la ai wa Hkristu ngu ai Madu gaw, Dawi a mare e nanhte a matu shangai wa sai:

Jinghpaw Common Language Bible 2009

¹¹ Dai ni na nhtoi hta Hkye Hkrang La ai Wa Hkristu ngu ai Madu gaw, Dawi a mare e nanhte a matu shangai wa sai.

LUKA 2:11 ပူးပေါင်းရင်းမြစ်များ

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

SHAKAWN KUNGDAWN 2:2

Yehowa hte shi a Namman chya ai wa hpe, Ga ntsa hkawhkam ni rau hpawng nga nna, Du salang ni jawm bawng nga ma ai gaw:

ESAIA 9:6

Shi a ahkang aya hte, shi tawn da ai ngwipyaw lam gaw law htam wa nna, htum ngu ai n nga na sai; Dawi a tingnyang ntsa e dung let, dai mungdan hpe shi shagrin tawn da nna, tara hte dinghpring ai hku hkan ai majaw, dai gaw htani htana prat dingsa e grin nga na ra ai. Zaw nawng zaw wa up ai Yehowa a nsu nnawn myit dai lam shabyin nu ai.

MAHTE 1:16

Yaku gaw Mari a madu wa Yawsep hpe shaprat wu ai; Mari mahtang gaw, Hkristu ngu ai Yesu hpe shangai wu ai;

MAHTE 1:21

Shi gaw shadang sha shangai na ru ai rai nna, nang shi a amying hpe, Yesu ngu nna shamying lu na rai nga ai: kaning rai nme law, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

MAHTE 16:16

Simun Petru gaw htan nna, “Nang gaw Hkristu ngu ai ahkrung nga ai Karai Kasang a Kasha rai nga ndai,” ngu wu ai.

MAHTE 16:20

Bai, Hkristu shi rai nga ai gaw, kadai hpe mung n tsun dan mu ga, sape ni hpe ginhtim da mu ai.

LUKA 1:43

Nye Madu a kanu ngai kaw sa du ai gaw, hpa chyeju jaw e rai ra ai i?

LUKA 1:69

Chyaloi nhkoi nna shi a chyoi pra ai myihtoi ni a n-gup hte tsun da ai hte maren, Gumlau ni hte n dawng ai ni yawng a lata na hkye hkrang la ai lam hpaw na hte,

LUKA 2:26

Shi gaw, dai Madu a Hkristu hpe garai n mu yang, si na n rai, nga nna Chyoi pra ai Wenyi hte madun dan ai lu la wu ai.

LUKA 2:4

Yawsep mung, Dawi a kashu kasha hte aru arat rai nga ai majaw, Galile mung na Nazaret mare kaw nna, Yuda mung na Betlehem ngu ai Dawi a mare de,

YAWHAN 1:41

Dai wa gaw shi a kahpu Simun hpe shawng mu nna, “An gaw Meshia hpe mu saga ai,” ngu nna shi hpe tsun dan wu ai: (Meshia ngu ai ga lachyum gaw, Hkristu nga ai, rai nga ai.)

YAWHAN 1:45

Hpilip gaw Nahtanela hpe mu nna, “Mawshe gaw tara laika ni hta, myihtoi ni mung myihtoi laika ni hta, sha-ang nna ka da ai, Yawsep a kasha, Nazaret mare na Yesu hpe anhte mu sagaw ai,” ngu nna shi hpe tsun dan wu ai.

YAWHAN 11:27

Shaloi Marhta gaw, “Rai sa, Madu e, nang gaw ndai mungkan ga de du sa sai, Hkristu ngu ai Karai Kasang a Kasha rai nga ndai hpe, ngai kam nga nngai,” ngu nna shi hpe htan wu ai.

YAWHAN 20:31

rai timung, Yesu gaw, Karai Kasang a Kasha ngu ai, Hkristu rai nga ai hpe, nanhte kamsham lu nna, shi mying ningsang a marang e asak hkrung ai lu la myit ga, nga nna ndai hte wa ka tawn nga ai.

YAWHAN 4:25

Dai numsha mung, “Hkristu ngu ai Meshia du na ra ai gaw, ngai chye nngai; dai wa du jang gaw, shi anhte hpe lam magup tsun madun na ra ai,” ngu wu ai.

YAWHAN 4:42

dai ni gaw dai numsha hpe, “Ya gaw, na a ga majaw sha anhte kamsham ai n rai saga ai: anhte nan na la lu nna, ndai wa gaw mungkan ga a Hkye hkrang la ai Madu teng teng rai nga ai chye saga ai,” ngu mu ai.

YAWHAN 6:69

nang gaw Karai Kasang a Chyoi pra ai wa rai nga ndai hpe, anhte kamsham saga ai rai nna, chye nga ga ai,” ngu nna shi hpe htan wu ai.

YAWHAN 7:41

nkau mi mung, “Ndai wa gaw Hkristu nan rai nga ai,” nga ma ai. Rai timung, nkau mi gaw, “Ataw! Hkristu wa mi Galile mung na pru na a ni?

KASA 10:36

Nga yawng nga pra Madu rai nga ai Yesu Hkristu a marang e ngwipyaw ai hte seng ai kabu gara shiga hkaw tsun dan u ga nga, Israela kashu kasha ni kaw shangun dat ai mungga ngu ai:

KASA 13:23

Dai wa a amyu matu hta na, Karai Kasang gaw, ga ndat nga ai hte maren, Israela masha ni a matu, Hkye hkrang la ai Madu Yesu hpe, paw pru shangun wu ai.

KASA 17:3

Hkristu gaw nni nkri hkrum lu na hte, si ai kaw na bai hkrung rawt wa na gaw, shi a lam rai nga ai, nga nna mung, Ngai nanhte hpe tsun dan ai Yesu gaw, dai Hkristu nan rai nga ai, nga nna mung, shanhte hpe jahprang mu ai.

KASA 2:36

Dai re ai majaw, nanhte wudang hta jen da sat kau ai, dai Yesu hpe, Karai Kasang gaw Madu hte Hkristu shatai nu ai gaw, Israela amyu ting gaja wa chye nga myit ga law,” ngu nna tsun wu ai.

KASA 5:31

Israela amyu hpe myit malai lam hte mara raw ya ai lam hpaw ya na matu, Daru Magam hte Hkye hkrang la ai Madu shatai na nga, Karai Kasang gaw dai wa hpe, shi a hkra lata hte shagrau tawn nu ai.

1 KORINHTU 15:47

Shawng na masha gaw dinghta ga na rai nga nna, dinghta ga hte seng nga ai: hpang na masha chyawm gaw, sumsing lamu na rai nga ai.

HPILIPI 2:11

Karai Kasang gaw shi hpe shagrau nna, amying shingteng yawng mayawng hta, grau ai amying nsang jaw da wu ai, rai nga ai.

HPILIPI 3:8

Gaja wa nye a Madu Hkristu Yesu a chye chyang ai lam a chyahtum chyalai re ai a jaw e, yawng mayawng sum mat ai lam arai nga ai, ngai nawn nga nngai.

KOLOSE 2:6

Dai re ai majaw, nanhte gaw Madu Hkristu Yesu hpe hkap hkalum la ai hte maren, shi hta e a hkawm nga mu:

1 YAWHAN 4:14

Mungkan ga a Hkye hkrang la ai madu tai u ga, Kawa gaw dai Kasha hpe shangun dat wu ai gaw, anhte mada mu ai hte sakse hkam ga ai.

1 YAWHAN 5:1

Yesu gaw Hkristu nan rai nga ai, nga nna kamsham ai wa kadai rai timung, Karai Kasang kaw na shaprat ai wa tai nga ai rai nna, dai shaprat ai wa hpe tsawra ai wa kadai rai timung, shi kaw na shaprat hkrum ai wa hpe mung tsawra wu ai.