LUKA 2:10 - Jinghpaw Hanson Version Bible

¹⁰ Dai majaw lamu kasa gaw, “Hkum hkrit myit; yu mu, masha nlang a matu nachying kabu gara mai ai shiga, ngai nanhte kaw gun sa ring ngai;

Jinghpaw Common Language Bible 2009

¹⁰ Rai ti mung, lamu kasa gaw, “Hkum hkrit myit! Masha nlang a matu nachying kabu gara mai ai shi ga ngai nanhte kaw gun sa ring ngai.

LUKA 2:10 ပူးပေါင်းရင်းမြစ်များ

NINGPAWT NINGHPANG 12:3

Nang hpe shaman ai wa hpe, ngai shaman ya na we ai; nang hpe dagam ai wa hpe ngai dagam kau na we ai: na a marang e ga ntsa na masha amyu shagu gumring gumrat lu la shajang na mara ai,” ngu nna shaga wu ai.

ESAIA 40:9

Ziun bum de kabu gara shiga htawn tsun ai wa e, tsaw ai bum de lung u; Yerusalem mare de kabu gara shiga htawn tsun ai wa e, na a nsen hpe tsam mari sharawt u; dai hpe sharawt u, hkum hkrit et; “Nanhte a Karai Kasang hpe mada yu mu,” ngu nna Yuda mare ni hpe tsun u.

ESAIA 41:27

Yu mu, yu mu, dai lam byin na ra ai, ngu nna Ziun hpe shawng tsun ai wa ngai rai nga nngai; Yerusalem mare hpe kabu gara shiga htawn tsun ai wa ngai shapraw nngai.

ESAIA 49:6

“Yaku a amyu ni hpe bai sharawt nna, naw ngam nga ai Israela masha ni hpe shagrin da na matu sha, nye a shangun ma tai na, na a matu amu kaji naw rai nga ai: maigan amyu ni a nhtoi tai na hte, lamu ga htum hkra nye a hkye hkrang la ai lam tai na matu, ngai nang hpe naw san da na nngai.

ESAIA 52:10

Yehowa gaw masha amyu baw ni mahkra a man e shi a chyoi pra ai lahpum shadawng dan nna, anhte a Karai Kasang a hkye hkrang la ai lam gaw, lamu ga htum hkra dan leng wa sai.

ESAIA 52:7

Shiga kaja gun nna, ngwipyaw ai lam shana, kaja ai shiga kajai gumhkawng ai hte, hkye hkrang la ai lam shana ya let, “Na a Karai Kasang up nga ai,” nga nna Ziun hpe tsun shana ai wa a lagaw gaw, bum lang ntsa e gade tsawm htap nga a hka!

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

Daniela 10:19

Bai shi gaw, “Grai tsawra hkam ai wa e, hkum hkrit et; nang ngwipyaw nga n ga; n-gun ja u, gaja wa n-gun ja u,” nga nna tsun ai. Shing nga tsun nga yang, ngai n-gun lu la nna, “Nye a madu ga tsun u ga; nang ngai hpe n-gun jaw nit dai,” nga nna tsun nngai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

MAHTE 14:27

Shaloi jang Yesu gaw, “Myit apyaw sha nga mu; ngai she rai nngai; hkum hkrit nga myit,” ngu nna shanhte hpe tsun mu ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

MAHTE 28:5

Dai lamu kasa mahtang, numsha yan hpe tsun mu ai gaw, Nan hkum hkrit myit; wudang hta jen da sai Yesu hpe, nan tam nga myit dai hpe ngai chye nga nngai:

MARKU 1:15

“Dai aten ladaw dik wa ai hte, Karai Kasang a mungdan gaw ni wa magang ra ai: myit malai lu nna, dai kabu gara shiga hpe kamsham nga mu,” ngu nna Karai Kasang a kabu gara shiga hpe hkaw dan mu ai.

MARKU 16:15

Bai shi shanhte hpe, “Nanhte mungkan ting chyam hkra hkawm sa wa nna, shinggyim masha amyu baw shagu hpe, dai kabu gara shiga hpe hkaw dan mu.

LUKA 1:13

Dai lamu kasa chyawm gaw, “Zakari e, hkum hkrit et; nang hpyi ai ga madat ya nit dai rai nna, na madu jan Elisabet gaw na a matu shadang sha shangai na ra ai; shi a amying Yawhan ngu nna, nang shamying ya na ru ai;

LUKA 1:19

Dai lamu kasa, “Ngai gaw Karai Kasang a man e tsap nga ai Gabriela rai nga nngai; nang hpe tsun dan wu nga nna, ndai kabu gara shiga tsun shana ya na, ngai hpe shangun dat ni ai.

LUKA 1:30

Shaloi dai lamu kasa gaw, “Mari e, hkum hkrit et; nang Karai Kasang a man e myi man pa nit dai:

LUKA 2:11

dai ni na nhtoi hta Hkye hkrang la ai wa Hkristu ngu ai Madu gaw, Dawi a mare e nanhte a matu shangai wa sai:

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

LUKA 8:1

Dai hpang gade n na yang, shi gaw Karai Kasang a mungdan lam hkaw dan ai hte, kabu gara shiga tsun shana ya let, mare mi kaw nna mare mi, kahtawng mi kaw nna kahtawng mi de, du hkawm sa wa ai: sape shi lahkawng hte mung shi hte rau rai nga ma ai;

KASA 13:32

Shing rai, ‘Nang ngai sha rai nga ndai, dai ni ngai nang hpe shaprat sade ai,’ nga nna kanu lahkawng ngu na Shakawn Kungdawn ga hta ka da nga ai hte maren,

ROMA 10:15

n shangun dat yang gaw, shanhte kaning rai hkaw tsun dan lu na ma ta? Dai hte maren, Mai kaja ai lam kabu gara shiga hkaw tsun dan ai ni a sat lagaw ni gaw, gade wa tsawm nga malu hka! nga nna ka da nga ai.

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,

KOLOSE 1:23

shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai: dai kabu gara shiga a gun hpai ai wa ngai Pawlu nan tai wa ni ai.