LUKA 19:9 - Jinghpaw Hanson Version Bible

⁹ Shaloi Yesu gaw, “Dai ni ndai nta hta hkye hkrang la ai lam pru sai: kaning rai nme law, shi mung Abraham a kasha rai nga ai.

Jinghpaw Common Language Bible 2009

⁹ Shaloi Yesu gaw, “Dai ni ndai nta hta hkye hkrang la ai lam pru sai, hpa majaw nga yang, shi mung Abraham a kasha rai nga ai.

LUKA 19:9 ပူးပေါင်းရင်းမြစ်များ

LUKA 13:16

Dai rai yang gaw, ndai Abraham a shayi sha hpe mung, shi matsat ning tup, Satan e gyit hkang da ai sumri hta na, laban nhtoi e mai raw dat ai, n rai ni?” ngu nna htan wu ai.

LUKA 13:30

Shaloi, yu mu, hpang hkrat ai ni a nkau mi gaw, shawng na mara ai; shawng ai ni nkau mi mung, hpang hkrat na mara ai,” ngu nna shanhte hpe tsun mu ai.

LUKA 16:24

Shaloi shi gaw, “Wa Abraham e, ngai hpe matsan dum le e; ngai gaw ndai wan grung ai hta nji nmu hkrum nga nngai majaw, Lazaru gaw shi a lata ndung hte ntsin kapruk sa nna, nye a shinglet madit katsi ya li ga, ngai hpang de shangun dat ru law,” ngu nna hpyi jahtau wu ai.

LUKA 16:30

Sahti wa gaw, ‘N rai, Wa Abraham e; si ai ni hta na langai mi shanhte kaw bai wa yang gaw, shanhte myit malai lu na ma ai,’ ngu wu ai.

LUKA 2:30

Masha amyu myu ni a man e lajang da nna,

LUKA 3:8

Dai majaw myit malai hte ging dan ai asi si mu! Abraham gaw anhte a wa rai nga mali ai, nga nna tinang kraw e hkum tsun myit; kaning rai nme law, nanhte hpe ngai tsun made ga, Karai Kasang gaw ndai nlung ni hta na Abraham a matu kasha hpan shapraw dat lu ai.

ROMA 4:16

Dai re ai majaw, sali wunli hpe chyeju hku hte sha lu la lu hkra, dai ga ndat gaw jep ai tara hta lawm ai ni hta sha n rai, yawng mayawng a kawa Abraham a kamsham ai hta lawm ai amyu mahkra hta e grin dik wa u ga she, kamsham ai hte sha rai wa ai:

GALATI 3:14

shing rai Yesu Hkristu a marang e, Abraham a gumring gumrat chyeju gaw maigan masha ni hta byin wa lu na hte, anhte mung dai Wenyi a ga ndat hpe makam masham hte lu la na rai nga ga ai.

GALATI 3:29

Ya nanhte Hkristu hte seng nga myit yang gaw, nanhte Abraham a aru arat rai nga myit dai hte, dai ga ndat nga ai hte maren, sali wunli hkam la ai ni rai nga myit dai.

GALATI 3:7

Dai re ai majaw, makam masham hte seng ai ni gaw Abraham a kashu kasha ni rai nga ma ai, chye nga mu.

1 PETRU 2:10

Nanhte mung, shawng e amyu rai nga myit dai n rai, ya chyawm gaw, Karai Kasang a amyu rai wa manit dai; shawng e chyeju hkam la manit dai n rai, ya chyawm gaw, chyeju hkam la lu manit dai.