LUKA 19:47 - Jinghpaw Hanson Version Bible

⁴⁷ Shi gaw shani shanang nawku Htingnu e sharin shaga let nga nga ai. Hkinjawng kaba ni, laika ka ai sara ni hte, mung a agyi salang ni mahtang gaw, shi hpe sat kau lu na lam tam ma ai:

Jinghpaw Common Language Bible 2009

⁴⁷ Shi gaw shani shanang Nawku Htingnu e sharin shaga let nga nga ai. Hkinjawng kaba ni, Tara sara ni Yuda amyu masha ni a ningbaw ningla ni mahtang gaw, shi hpe sat kau mayu da mu ai,

LUKA 19:47 ပူးပေါင်းရင်းမြစ်များ

MAHTE 21:23

Bai, shi gaw nawku Htingnu hta wa shang nna, sharin shaga nga a yang, hkinjawng agyi ni hte mung masha ni a agyi salang ni shi kaw sit sa nna, “Nang gaw hpa ahkang hte, ndai hte hpe galaw nga n ta? ndai ahkang nang hpe kadai jaw a ta?” ngu mu ai.

MAHTE 26:55

Dai ahkying hta e, Yesu gaw shawa masha ni hpe, “Damya hpe rim la ai zawn, ngai hpe rim la na, nanhte nhtu dawhkrawng hte rai pru sa wa marin ni? Sharin shaga nga let nawku Htingnu hta e, ngai shani shagu dung nga timung, nanhte ngai hpe n rim la manit dai:

MARKU 11:18

Hkinjawng agyi ni hte laika ka ai sara ni, dai na ma yang, shi hpe sat kau na lam tam ma ai: kaning rai nme law, mung masha ni nlang shi a sharin shaga ai lam hpe mau mahka nga ma ai majaw, shanhte gaw shi hpe hkrit da mu ai.

MARKU 12:12

Dai majaw shanhte gaw shi hpe rim la na tam ma timung, shawa masha ni hpe hkrit da mu ai: kaning rai nme law, ndai ga shadawn hpe, shanhte a lam shi tsun nga ai gaw, shanhte chye na mu ai. Shaloi shanhte shi hpe kau da nna, pru mat wa ma ai.

MARKU 14:1

Dai hpang ni ni lai jang, Shalai wa ai poi hte Azuma poi du ra ai. Shaloi, hkinjawng agyi ni hte laika ka ai sara ni shi hpe kaning di hkalem ai hte rim la nna sat kau lu na lam tam nga ma ai:

MARKU 14:49

Sharin shaga nga let, nawku Htingnu hta e ngai shani shagu nanhte hte rau nga timung, nanhte ngai hpe n rim la manit dai. Ndai chyawm gaw, laika ni dik wa mu ga majaw, byin wa sai,” ngu nna shanhte hpe tsun wu ai.

LUKA 19:48

rai timung, shawa masha ni nlang hte gaw, shi a sharin shaga ai ga hta madat noi nga nga ma ai majaw, kaning di na lam mung, n mu mu ai.

LUKA 20:19

Dai ga shadawn hpe laika ka ai sara ni hte hkinjawng agyi ni hpe sha-ang nna tsun ai gaw shanhte chye ma ai majaw, dai ahkying hta pyi shi hpe rim la na maw ma ai, rai timung, mung masha ni hpe hkrit nna nga mat ma ai.

YAWHAN 10:39

Shaloi shi hpe rim la na shanhte bai tam ma ai: shi chyawm gaw shanhte a lata na pru mat wa ai.

YAWHAN 18:20

Yesu gaw, “Ga ntsa e ngai dan dan leng leng hkaw tsun ni ai: Yuda masha nlang zuphpawng ai Tara jawng ni hta mung, nawku Htingnu hta mung ngai tut tut sharin shaga ni ai: makoi magap nna ngai hpa mung n hkaw n tsun nngai.

YAWHAN 7:19

Mawshe gaw nanhte hpe jep ai tara jaw da sai, n rai ni? rai timung, nanhte hta na kadai mung, dai tara n hkan myit dai. Ngai hpe sat kau na hpa rai tam myit ta?” ngu nna shanhte hpe htan mu ai.

YAWHAN 7:44

Shanhte hta na nkau mi gaw shi hpe rim la mayu ma timung, kadai wa mung shi hpe n rim lu mu ai.