LUKA 19:17 - Jinghpaw Hanson Version Bible

¹⁷ Shaloi Madu gaw, “Ara, kaja ai mayam e, nang gaw amu kaji hta kangka rai nit dai majaw, mare shi a ntsa e up hkang nu,” ngu nna shi hpe tsun wu ai.

Jinghpaw Common Language Bible 2009

¹⁷ Shaloi madu gaw, ‘Ara, kaja ai shangun ma e! Nang gaw amu kaji hta kangka nit dai majaw, ngai nang hpe mare shi a ntsa e up hkang sha shangun na de ai,’ ngu nna tsun wu ai.

LUKA 19:17 ပူးပေါင်းရင်းမြစ်များ

NINGPAWT NINGHPANG 39:4

Yawsep mung shi a man e myi man pa ai rai nna, shi a madu hpe galaw jau nga ai; shi a madu mung, nta ting hta shi hpe dinghku madu shangun nna, arai mahkra gaw shi a lata hta ap da wu ai.

GA SHAGAWP 27:18

Lakum hpun sin ai wa gaw, lakum si sha lu na ra ai; Tinang madu hpe bau sin ai wa gaw, arawng sadang lu la na ra ai.

MAHTE 25:21

Dai rai nna shi a madu, ‘Ara, kaja ai hte sadi dung ai mayam e: arai loi sha hta nang kangka rai nit dai; arai law law a ntsa e ngai nang hpe san tawn da na de ai: na madu a kabu gara ai hta shang lawm u,’ ngu nna shi hpe tsun wu ai.

LUKA 16:10

Amu kaji hta kangka re ai wa gaw, amu kaba hta mung kangka rai na ra ai: amu kaji hta n ding n man ai wa gaw, amu kaba hta mung n ding n man ga ai.

LUKA 19:16

Dai rai nna shawng na wa gaw sa du jang, “Madu e, na a gumhpraw joi mi hta, joi shi kap sai,” ngu nna tsun wu ai.

LUKA 19:18

Hpang na wa mung sa nna, “Madu e, na a gumhpraw joi mi hpe, joi manga shapraw se ai,” ngu wu ai.

LUKA 22:30

nye a mungdan e, nye a sha ku hta, nanhte lu sha lu na marin dai: nanhte mung tingnyang hta dung nna, Israela amyu shi lahkawng hte hpe tara dara lu na marin dai.

ROMA 2:29

kraw kata e Yuda wa rai nga ai mahtang gaw, Yuda masha majing rai nga ai: dai gadoi ai mung, laika hku hte sha n rai, wenyi hta na kraw lawang e byin nga ai rai nna, de a shakawn kungdawn ai gaw shinggyim masha kaw na n rai, Karai Kasang kaw na sha pru nga ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

2 TIMOHTI 2:10

Dai re ai majaw, lata la hkrum ai ni mung, Hkristu Yesu hta na hkye hkrang la ai chyeju hte nawng, htani htana a hpung shingkang hpe hkam la lu mu ga, dai ni a matu mara hkrum mahkrum ngai hkam sharang nga nngai.

1 PETRU 1:7

ya chyahkring chyahkra e gunglau amyu myu hte nanhte yawn hkyen hkrum nga myit timung, dai hkye hkrang la ai lam a gawp e, nanhte grai kabu gara nga lu myit dai.

1 PETRU 5:4

Shing rai yang gaw, dai Hpung rem agyi wa dan pru ai shaloi e, nanhte gaw n wai n mat ai a rawng sadang a janmau hpe, lu la na mu ai.

1 SAMUELA 2:30

Dai hku galaw myit dai majaw, Israela Karai Kasang Yehowa tsun ai gaw, ‘Na amyu, nanhte lakung gaw nye a man e tut tut hkawm sa lu na ra ai,’ ngu nna ngai tsun kau rai timung, Yehowa bai tsun u ga: ‘ngai e shagrau ai ni hpe sha ngai shagrau na we ai; ngai hpe n gawn n sawn re ai ni gaw arawng hpoi mat na mara ai.