LUKA 19:14 - Jinghpaw Hanson Version Bible

¹⁴ Shi a mung masha ni chyawm gaw, shi hpe n dawng da mu ai rai nna, ‘Ndai wa anhte a ntsa e up nga na, anhte n ra ga ai,’ ngu nna shi a hpang e kasa hkan shangun dat mu ai.

Jinghpaw Common Language Bible 2009

¹⁴ Ya, shi a mung masha ni shi hpe n dawng da mu ai rai nna, shanhte gaw shi a hpang e kasa ni hpe hkan shangun dat nhtawm, ‘Ndai wa anhte a hkawhkam tai na anhte n ra ga ai,’ ngu nna tsun shangun mu ai.

LUKA 19:14 ပူးပေါင်းရင်းမြစ်များ

2 SAMUELA 23:7

Dai hpe yeng seng kau ai wa gaw, Hpri palawng hpun let, ri numdu lang nna, Dai ju hpun shi tu ai shara e nan, atsai awai nat kau ai hkrum na ra ai, nga ai.

ESAIA 49:7

Bai, Israela a Hkye hkrang la ai wa, shi a chyoi pra ai wa Yehowa gaw, n kaw n law di kau hkrum nna, maigan masha ni matsat kau ai hte, mung du ni a mayam tai ai wa hpe, ning nga tsun ai: Hkawhkam ni mu mada nna rawt na mara ai; du ni mung nawku na mara ai: dai gaw kangka re ai Yehowa hte, nang hpe lata la ai, Israela a Chyoi pra ai wa a matu mara byin na ra ai,” nga ai.

ZEHKARIA 11:8

Shata mi hta dai sagu rem masum hpe ngai shamyit kau nngai: kaning rai nme law, shanhte a majaw nye a myit nri nga nna, shanhte mung ngai hpe matsat ma ai.

LUKA 14:32

Shing n rai yang, dai kaga hkawhkam wa tsan tsan e naw rai nga yang, kasa shangun dat nna, htinglu htinglai na lam hpyi nem na ra ai.

LUKA 19:13

Shaloi shi gaw shi a mayam marai shi shaga la nhtawm, gumhpraw joi shi hpra shanhte hpe ap ya da nna, ngai bai wa ai du hkra ndai hte hpaga ga mu, ngu nna shanhte hpe hkang da mu ai.

LUKA 19:15

Dai wa gaw mungdan lu la nna bai du wa yang, gumhpraw ap ya da sai mayam ni, hpaga ga nna amyat gade kap masai chye lu hkra, shanhte hpe shaga na, tsun dat wu ai.

LUKA 19:27

Dai hta kaga, shanhte a ntsa e ngai hpe up shangun na n ra ai, nye a gumlau ni hpe, nang de dun wa nna, nye a man e sat kau maru, ngu nna hkang dat mu ai,” ngu wu ai.

YAWHAN 1:11

Shi gaw shi a mung ga de du sa ra ai rai timung, shi a baw sang ni gaw shi hpe n hkap la ma ai.

YAWHAN 15:18

“Mungkan masha ni nanhte hpe n dawng n yawt myit yang, nanhte hpe garai n rai yang, ngai hpe shawng n dawng ma ai gaw, chye nga mu.

1 SAMUELA 8:7

Yehowa mung Samuela hpe, “Amyu masha ni nang hpe tsun matsun madat ya mu: shanhte nang hpe kau ai n rai; ngai shanhte a hkawhkam n tai na hku, ngai hpe kau ai she rai ma ai.