LUKA 18:23 - Jinghpaw Hanson Version Bible

²³ Dai wa gaw dai ga na jang, nachying myit yawn mat ai: kaning rai nme law, shi gaw grai lu su ai wa rai nga ai.

Jinghpaw Common Language Bible 2009

²³ Rai ti mung, dai wa gaw dai ga na jang myit hta nachying yawn mat nu ai, hpa majaw nga yang, shi gaw grai lu su ai wa rai nga ai.

LUKA 18:23 ပူးပေါင်းရင်းမြစ်များ

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.

MAHTE 19:22

Dai shabrang wa gaw dai ga na jang, myit yawn la let byawn hprang rai mat wa ai: kaning rai nme law, shi arai law law lu su ai wa rai nga ai.

MARKU 10:22

Shi mahtang dai ga majaw, myi man sum mat nna, myit yawn la ai hte hprang rai mat wa ai: kaning rai nme law, shi arai law law lu ai wa rai nga ai.

LUKA 12:15

Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

LUKA 18:22

Yesu gaw dai ga na jang, Lam langai mi nang naw ra nga ndai: nang lu malu dut kau nna matsan mayan ni hpe karan jaw u; shing rai jang she, sumsing lamu ntsa e nang sutgan lu na rin dai: ngai kaw mung sa hkan nang rit,” ngu nna shi hpe tsun wu ai.

LUKA 18:24

Yesu gaw dai wa shing re ai mu jang, “Sut su ai ni gaw Karai Kasang a mungdan hta nachying shang yak la ahka gaw!

LUKA 19:8

Zake chyawm gaw rawt tsap nna, “Madu e, nye a sutrai ka-ang hkup ngai matsan mayan ni hpe karan jaw we ai: langai ngai hpe mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

LUKA 21:34

Rai timung, lu lai sha lai ai, chyaru nang ai, dinghta ga myit ru myit tsang ai hte nanhte a myit masin li nga nna, dai nhtoi gaw mahkam htim ai zawn, nanhte a ntsa e akajawng sha n du pru u ga, sadi nga mu:

LUKA 8:14

Ju hpun hta hkrat ai nli gaw, mungga na la nna, tinang lam hkan nga yang, ndai prat a myit ru myit tsang ai, sut lu sut su ai, pyaw daw tam ai lam ni hta lim mat nna, ja kat ai asi n si ai ni rai ma ai.

EHPESU 5:5

Kaning rai nme law, hpye ai wa, n san n seng ai wa hte, gawngngu sumla nawku ai wa rai nga ai nammak lawhpa ai wa kadai rai timung, Hkristu yan Karai Kasang a mungdan hta sali wunli hpe n lu nga ai gaw, nanhte nan chye na myit dai.

HPILIPI 3:8

Gaja wa nye a Madu Hkristu Yesu a chye chyang ai lam a chyahtum chyalai re ai a jaw e, yawng mayawng sum mat ai lam arai nga ai, ngai nawn nga nngai.

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

1 YAWHAN 2:15

Dinghta ga hte dinghta ga e nga ai arai hpe, hkum tsawra myit. Marai langai ngai dinghta ga hpe tsawra a yang gaw, dai Kawa a tsawra ai myit gaw, shi hta e n rawng nga ai.