LUKA 18:22 - Jinghpaw Hanson Version Bible

²² Yesu gaw dai ga na jang, Lam langai mi nang naw ra nga ndai: nang lu malu dut kau nna matsan mayan ni hpe karan jaw u; shing rai jang she, sumsing lamu ntsa e nang sutgan lu na rin dai: ngai kaw mung sa hkan nang rit,” ngu nna shi hpe tsun wu ai.

Jinghpaw Common Language Bible 2009

²² Yesu gaw dai ga na jang, “Lam langai mi nang naw galaw ra nga ndai, nang lu malu dut kau nna matsan mayan ni hpe garan jaw u; shing rai jang she sumsing lamu ntsa e nang sutgan lu na rin dai, dai hpang ngai kaw hkan nang rit,” ngu nna shi hpe tsun wu ai.

LUKA 18:22 ပူးပေါင်းရင်းမြစ်များ

SHAKAWN KUNGDAWN 27:4

Lam langai mi ngai Yehowa hpe hpyi se ai: Ngai ahkrung nga ai nhtoi hte ting, Yehowa a nta hta nga nga lu nna, Yehowa a tsawm pra ai mu lu na hte, Shi a Htingnu e myit htang nga na, ngai ra nga nngai.

MAHTE 19:21

Shaloi Yesu gaw, “Nang dinghpring mayu nga n yang gaw, wa su, na a arai ni hpe dut kau nna, matsan mayan ni hpe karan jaw u; shing rai jang, sumsing lamu ntsa e nang sutgan lu na rin dai: ngai kaw mung sa hkan nang rit,” ngu nna shi hpe tsun wu ai.

LUKA 10:42

rai timung, ra grau ai lam gaw langai sha she rai nga ai: Mari gaw kaja ai kumhtaw lata la nu ai rai nna, dai hpe shi kaw na shaw la kau ya lu na n rai,” ngu nna shi hpe htan wu ai.

LUKA 12:33

Nanhte lu ai arai dut kau nna alu jaw mu; tinang a matu dingsa n chye ai gumhpraw jan galaw nna, lagut mung n du, manut e mung n sha lu ai, sumsing lamu e n htum n ma chye ai sutgan, kyem da mu.

LUKA 16:9

Dai rai nna ngai nanhte hpe tsun made ga, n tara ai sutgan hte tinang a matu jinghku hku mu: shaloi she dai htum mat jang, shanhte gaw dinggrin anga nga ai nta hta, nanhte hpe hkap la na marin dai.

LUKA 18:21

Dai wa gaw, “Dai yawng mayawng hpe brang ram kaw nna ngai hkan se ai, ngu wu ai.

LUKA 18:23

Dai wa gaw dai ga na jang, nachying myit yawn mat ai: kaning rai nme law, shi gaw grai lu su ai wa rai nga ai.

LUKA 9:23

Bai nlang hte hpe shi tsun mu ai gaw, “Nye a hpang hkan sa mayu ai wa kadai mung, tinang hkum hpe ndang kau nna, shani shagu tinang wudang hpai let, ngai kaw hkan nang ru ga.

HPILIPI 3:13

Hpunau ni e, dai hpe ngai hkap la lu ni ai, ngai hkum dai n myit nngai: rai timung, lam langai sha ngai hkan nngai;

2 PETRU 3:8

Rai timung, tsawra ai ni e; dai Madu a man e nhtoi langai mi gaw shaning hkying mi hte, shaning hkying mi gaw nhtoi langai mi hte maren rai nga ai lam langai sha hpe, malap mali hkum rai nga myit.