LUKA 18:13 - Jinghpaw Hanson Version Bible

¹³ Kang hta ai wa chyawm gaw, tsawmra naw tsan kaw tsap nna, lamu de pyi n wam mada ai; shi a sinda adup let, ‘Karai Kasang e, ndai yubak kap ai wa ngai hpe matsan dum la e law,’ ngu nna hpyi wu ai.

Jinghpaw Common Language Bible 2009

¹³ “Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

LUKA 18:13 ပူးပေါင်းရင်းမြစ်များ

2 SAMUELA 12:13

Shaloi Dawi gaw, “Yehowa hpe ngai shut se ai,” ngu nna Nahtan a man e yin la wu ai. Nahtan mung, “Nang galaw ai yubak Yehowa raw kau nu ai: nang hkum si na n rai.

2 HKAWHKAM LABAU 33:19

Shi akyu hpyi nna, Karai Kasang hpe tawngban ai lam, shi myit garai n nem yang na, shi a yubak mara, shi shut hpyit ai hte tsaw ai kawng ni a shara ni de da nna, Asherim sumla ni hte tawk ka ai sumla ni hpe shadun ai lam, myihtoi ni a laika hta ka da nga ai.

2 HKAWHKAM LABAU 33:23

Shi gaw kawa Manashe zawn, Yehowa man e myit n nem ai sha, ndai Amon gaw grau nna je je shut hpyit nga ai.

EZRA 9:6

“Nye a Karai Kasang e, anhte a yubak gaw baw lim hkra law nga nna, anhte a mara gaw sumsing lamu dep nga ai majaw, nye a Karai Kasang a man e nye a myi man sharawt mada yu na, ngai hkrit kaya ai hte myi man sum nga nngai.

YOBA 42:6

Dai re ai majaw, nye hkum dai hpe ngai matsat kau nna, ga nhpu hte wan dap hta myit nem nga nngai law,” nga ai.

SHAKAWN KUNGDAWN 106:6

Anhte gaw ji woi ni hte rau yubak galaw ga ai, Anhte shut hpyit nna, tara tawt lai saga ai.

SHAKAWN KUNGDAWN 119:41

Yehowa e, na a chyeju hte hkye hkrang la ai lam, Na a ga hte maren, ngai kaw du u ga.

SHAKAWN KUNGDAWN 130:7

Israela e, Yehowa hpe ala nga u; Yehowa gaw chyeju myit rawng nga ai rai nna, Hkye hkrang la ai lam kaba shi hte rau rai nga ai.

SHAKAWN KUNGDAWN 25:11

Yehowa e, na amying majaw, nye a yubak hpe dat kau ya e: Kaning rai nme law, dai gaw kaba nga li ai.

SHAKAWN KUNGDAWN 25:7

Prat ram nga yang galaw ai yubak hte, Nye a shut hpyit ai hpe hkum matsing da ya et. Yehowa e, na a kaja htum ai myit majaw, Na a chyeju hte maren ngai hpe dum e.

SHAKAWN KUNGDAWN 40:12

N dang hti ai ru tsang ai ngai hpe kawan da ni ai, Ngai n mada yu lu hkra, nye a yubak ngai hpe lep ni ai: Dai ni gaw nye baw kara hta grau law nga ai rai nna, Nye a minla byaw mat sali ai.

SHAKAWN KUNGDAWN 41:4

Ngai gaw, “Yehowa e, ngai hpe matsan dum la e, Nye a myit masin hpe shamai shatsai ya e: Kaning rai nme law, nang hpe ngai shut ni ai,” nga nna hpyi nga nngai.

PRU MAT 33:10

Dai sum chyinghka lam e sumwi shadaw tu nga ai hpe amyu masha ni mu ma yang, shanhte nlang rawt nna, langai hte langai tinang nang a sum chyinghka lam e nawku ma ai.

ESAIA 1:18

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

ESAIA 6:5

Dai rai nna ngai gaw, “Ngai wa dingnye lu nngai; ngai htum mat ni ai; ngai nan n san n seng ai n-gup tu ninglen, n san n seng ai n-gup tu ai amyu ka-ang e dè nga timung, Zaw nawng zaw wa up ai Yehowa ngu ai, Hkawhkam wa hpe, nye myi hte nan mu lu se hka,” nga nna tsun nngai.

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

EZEKELA 16:63

nang galaw yu ai yubak mahkra hpe, ngai raw dat kau yang, nang myit dum nna, kaya ai hte mak mat ai majaw, htawm hpang de n-gup n hpaw ai nga nga na ndai,’ nga nna Madu Yehowa tsun ai,” nga ai.

Daniela 9:5

anhte yubak galaw saga ai; anhte shut hpyit nga saga ai; anhte n hkru nga ai hte gumlau nna, na a matsun maroi ga hte, na a hkang da ai ga hpe pyi, kau da saga ai:

MAHTE 10:3

Hpilip hte Barhtolume; Htawma hte kang hta ai wa Mahte; Alhpe a kasha Yaku hte Htade;

MAHTE 6:5

Nanhte akyu hpyi nga myit yang gaw, sawt ai masha ni zawn hkum rai myit: kaning rai nme law, masha ni shanhte hpe mu lu mu ga, tara jawng ni hta, mare lam nshe ni hta tsap nga nna akyu hpyi nga na shanhte tsaw nga ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 9:13

Dai rai nna, Hkungga jaw ai lam n rai, matsan dum ai lam she ngai tsaw nga nngai, nga ai ga hpe chye lu mu ga, sa sharin la mu: Kaning rai nme law, dinghpring ai ni hpe shaga na n rai, yubak kap ai ni hpe shaga na she ngai sa du nngai,” ngu mu ai.

MARKU 11:25

Akyu hpyi let tsap nga ai shaloi, masha langai ngai nang hpe lama ma shut a yang gaw, sumsing lamu na nanhte a Nwa gaw, nanhte a mara hpe raw kau ya lu u ga, shi a mara hpe mung, raw kau ya mu.”

LUKA 17:12

Kahtawng langai mi de shang yang, manggang kap ai masha marai shi Yesu hpe hkap tau nna,

LUKA 22:41

sape ni nga ai kaw nna lungdin kabai hkap daram hka sa wa nhtawm, lahput hput di let,

LUKA 23:48

Dai lam yu na nga, sa hpawng ai masha nlang hte mung, shing rai byin ai lam ni hpe mu mu yang, sinda adup let bai wa ma ai.

LUKA 5:8

Simun Petru gaw dai mu jang, Yesu a lahput nhpang e dingnyawm nna, “Madu e, ngai kaw na wa mat u; ngai gaw yubak kap ai masha rai nga nngai,” ngu wu ai.

KASA 2:37

Dai na ma yang, shanhte myit hta hkra malu ai rai nna, shanhte gaw, “Hpunau ni e, anhte kaning rai na rai ta?” nga nna Petru hte kaga kasa ni hpe tsun ma ai.

ROMA 5:8

Rai timung, anhte yubak kap ai ni naw rai nga ga yang, Hkristu gaw anhte a matu mara si hkam ai hta, Karai Kasang nan shi a tsawra ai hpe, anhte kaw e shadan dat ma ni ai.

2 KORINHTU 7:11

Bai, Karai Kasang ra ai hte shayawn hkrum ai lam hta nan, da hpran shakang na lam mung, mara nem na lam mung, masin rawt na lam mung, hkrit kang na lam mung, myit marit ai lam mung, nja nhpra ai lam hte mara htang na lam, gade wa shachyen jat wa ai gaw, yu yu mu: nanhte ndai amu hta mara n rawng nga myit dai gaw, lam shagu hta dan nga myit dai.

1 TIMOHTI 1:15

Yubak kap ai ni hpe hkye hkrang la na matu mara, Hkristu Yesu gaw mungkan ga de du ra ai, nga ai ga gaw, kangka re ai hte gaja wa hkam la ging ai ga rai nga ai.

HEBRE 4:16

Dai rai nna, matsan dum ai hkam la lu na hte, kyin dut ai aten e shadaw shalan ai chyeju mu lu hkra, chyeju tingnyang man de, anhte nden ja ai myit hte sit shang wa ga.

HEBRE 8:12

Shanhte a mara hpe ngai matsan dum nna, Shanhte a yubak hpe bai dum ya na ni ai n rai, nga nna dai Madu tsun nga ai,” nga ai.