LUKA 18:12 - Jinghpaw Hanson Version Bible

¹² bat mi na nhtoi hta lahkawng lang ngai lusha gam nga nngai; ngai lu la mala hta na htamshi hta htammi alu jaw nngai,’ nga nna shi hkrai kaga rai hpyi wu ai.

Jinghpaw Common Language Bible 2009

¹² Bat mi hta lahkawng ya lusha gam nngai; ngai lu la ai yawng hta na htam shi hta na htam mi alu jaw nngai,’ nga nna hpyi nga ai.

LUKA 18:12 ပူးပေါင်းရင်းမြစ်များ

2 HKAWHKAM 10:16

“Ngai kaw hkan rit; ngai gaw Yehowa a lam nja nhpra myit gade wa rawng nga ai gaw sa yu rit,” ngu nna shi a leng hta e jawn shangun wu ai.

ESAIA 1:15

Nanhte lata ladawn yang, ngai myi man makoi mat na nngai; gaja wa, nanhte akroi anoi akyu hpyi timung, ngai n madat na nngai: nanhte a lata sai hte hpring nga ai.

MALAHKI 3:8

Shinggyim masha gaw, Karai Kasang hpe, hpya lu hpya sha mai a ni? nanhte mahtang ngai hpe hpya lu hpya sha ma ni ai. Rai timung nanhte gaw, Anhte nang hpe kaning rai hpya lu hpya sha ga ta? nga nna tsun myit dai. Htamshi hta htammi hte, nwat kumhpa n jaw ai majaw, ngai hpe hpya lu hpya sha ai, rai nga ai.

BU HKAWM 18:24

Kaning rai nme law, Israela kashu kasha ni Yehowa hpe manawt hkungga hku jaw jau ai htamshi hta htammi hpe, Lewi masha ni a sali wunli shatai na matu ngai shanhte hpe jaw se ai: dai rai nna shanhte gaw Israela kashu kasha ni hta sali wunli ga madu lu na n rai, nga nna shanhte hpe ngai tsun nga nngai,” ngu wu ai.

BU HKAWM 23:4

Shaloi Karai Kasang Balam hpe hkap tau ai rai nna, Balam gaw, “Ngai tawn hkungri sanit gaw da nna, tawn shagu hta usu langai mi hpe sagu la langai ngai nat nawng se ai,” ngu nna tsun wu ai.

MAHTE 5:20

Kaning rai nme law, nanhte hpe ngai tsun made ai gaw, Nanhte a dinghpring ai lam, laika ka ai sara ni hte Hparishe ni a dinghpring ai hta n grau malit yang gaw, sumsing lamu a mungdan hta nanhte gaja wa n shang lu na myit dai.

MAHTE 6:1

Masha ni mada mu lu mu ga, shanhte a man e sha, nanhte a daw ya ai amu hpe nanhte n galaw myit ga, sadi nga mu: shing n rai yang gaw, sumsing lamu hta nga ai nanhte a Kawa kaw na, nanhte shabrai n lu na mu ai.

MAHTE 6:16

Bai, nanhte lusha gam nga myit yang, sawt ai masha ni zawn, nanhte a myi man hpe hkum kabyi myit; masha ni a man e shanhte a lusha gam ai dan lu u ga, shanhte gaw tinang a myi man hpe jasum ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 6:5

Nanhte akyu hpyi nga myit yang gaw, sawt ai masha ni zawn hkum rai myit: kaning rai nme law, masha ni shanhte hpe mu lu mu ga, tara jawng ni hta, mare lam nshe ni hta tsap nga nna akyu hpyi nga na shanhte tsaw nga ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 9:14

Shaloi Yawhan a sape ni shi kaw sa du nna, “Anhte hte Hparishe ni lusha bai gam gam rai ga ai mi, na a sape ni hpa majaw lusha n gam nga ma hka?” ngu mu ai.

LUKA 11:42

Hparishe ni e, nanhte dingnye lu myit dai! kaning rai nme law, shingtawn pan, shinglim pan ni hte shat mai lap amyu myu hta na, htamshi hta htammi nanhte lahkawn sha myit htawm me, dingman ai hku tara dara na hte, Karai Kasang a tsawra ai lam hpe gaw, lai kau da myit dai: shawng na mung galaw nna, hpang na hpe mung n tawt kau myit taw gaw, mai na malit dai.

LUKA 17:10

Dai hte maren nanhte mung tsun matsun yawng hpe hkan shatup ngut jang she, ‘Anhte gaw akyu n rawng ai mayam ni rai nga ga ai; galaw ra ai hpunda hte sha anhte shatup saga ai,’ ngu mu,” ngu wu ai.

ROMA 3:27

Dai rai yang gaw, gumrawng shara kanang nga a ta? Dai gaw ban shadang mat sai. Gara tara hte ban shadang mat a ta? magam bungli tara hte rai kun? n rai law, kamsham ai tara hte ban shadang mat sai.

1 KORINHTU 1:29

rai la dum ai ni hpe jahten mu ga, mungkan ga a arawng n lu ai, hti n mai ai hte hpa n re ai ni hpe, Karai Kasang lata la wu ai.

GALATI 1:14

Nye a ji woi ni a matsun maroi ga a lam nachying nja nhpra rai nga nngai majaw, nye a amyu na rau ram manang ni law law hte, Yuda htung hta e ngai grau nna kaba wa nngai.

EHPESU 2:9

kadai mung gumrawng shara n nga u ga, magam bungli kaw na mung rai nga ai n rai.

1 TIMOHTI 4:8

kaning rai nme law, hkumhkrang hpe jahpan ai lam gaw akyu loi sha mi nga ai rai timung, tara hkungga ai myit gaw lam shagu hta akyu nga ai rai nna, ndai aprat hte rai timung, htawm hpang na prat hte rai timung, seng ai ga ndat rawng nga ai.

1 SAMUELA 15:13

Dai rai nna Samuela Shawlu nga ai de hkan nang sa wa ai: Shawlu mung, “Yehowa nang hpe shaman ya u ga; Yehowa hkang dat ai ga ngai shatup se ai, “ngu wu ai.