LUKA 18:1 - Jinghpaw Hanson Version Bible

¹ Tutnawng e akyu a hpyi nga mu ga hte myit n hten malu ga, shi shanhte hpe ga shadawn tsun mu ai gaw,

Jinghpaw Common Language Bible 2009

¹ Dai hpang Yesu gaw, tut nawng akyu ahpyi nga mu ga hte myit n hten malu ga, sape ni hpe ga shadawn langai mi hte sharin shaga mu ai.

LUKA 18:1 ပူးပေါင်းရင်းမြစ်များ

SHAKAWN KUNGDAWN 102:17

Matsan mayan ni a akyu hpyi ai ga shi madat ya nna, Shanhte a akyu hpyi ai lam matsat kau ya mu ai n rai.

SHAKAWN KUNGDAWN 27:13

Hkrung nga ai ni a shara hta e, Yehowa a kaja htum ai hpe ngai naw mu lu na nngai, ngai n kam taw gaw, myit htum ni ai.

SHAKAWN KUNGDAWN 65:2

Akyu hpyi ai ga madat mara ai wa e, Masha nlang nang kaw du na mara ai.

SHAKAWN KUNGDAWN 86:3

Shani tup ngai nang hpe shaga nga nngai majaw, Madu e, ngai hpe matsan dum la e.

ESAIA 40:31

Yehowa hpe ala nga ai ni chyawm gaw, n-gun lu la nna, kalang zawn singkaw nnan hte pyen lung na mara ai: shanhte gat timung, hki ba na n rai, hkawm timung, n-gun yawm na n rai.

ESAIA 62:7

Shi gaw Yerusalem mare hpe garai n shagrin da ai hte, ga ntsa e shakawn kungdawn lam garai n shatai dingsa, shi hpe hkum sim shangun myit.

YEREMIA 29:12

Nanhte ngai hpe sa shaga nna, ngai hpang de akyu sa hpyi nga yang, ngai nanhte a ga madat na nngai.

YONA 2:7

Bum ni a npawt du hkra, ngai yu hkrat wa nngai: Dinghta ga a htinggrang ni, ngai hpe prat tup pat da timung, Nye a Karai Kasang Yehowa e, nang gaw nye a asak hpe, kasang ga hta na shaw la ya nit dai.

LUKA 11:10

Kaning rai nme law, hpyi ai wa kadai mung lu la ai; tam ai wa mung mu la ai, akawk ai wa hpe mung hpaw ya na ra ai.

LUKA 21:36

Dai rai nna, dai byin wa na ra ai lam ni yawng hta na nanhte lawt lu nna, Masha Kasha a man e tsap lu ging ai ni tai lu myit ga, akyu hpyi let, ahkying aten shagu hta a maja nga mu,” ngu mu ai.

ROMA 12:12

myit mada let kabu gara nga mu; nni nkri hkrum yang, myit hkum kaji nga mu; akyu hpyi ai hta htep lahti tut rai nga mu;

2 KORINHTU 4:1

Dai rai nna, chyeju lu la sagaw ai hte maren, ndai ahkang aya gun hpai lu ga ai majaw, anhte n hki n sang ga ai:

GALATI 6:9

Kaja ai amu galaw na, anhte n hki n sang nga ga: kaning rai nme law, anhte myit n yaw ga yang gaw, aten ladaw du jang, anhte dan la na ra ga ai.

EHPESU 6:18

Ahkying ladaw shagu hte hta e, akyu hpyi nna hpyi nem ai amyu myu hte, dai Wenyi hta hpyi nga nna, a maja nga let chyoi pra ai ni nlang hte a matu mara n-gun n yaw ai sha, tut tut akyu a hpyi nga mu.

HPILIPI 4:6

Hpa lam hta mung myit hkum ru hkum tsang myit; lam shagu hta akyu hpyi nna tawngban ai hte shakawn kungdawn let, nanhte a hpyi mahpyi hpe Karai Kasang kaw shana nga mu.

KOLOSE 4:12

Nanhte kaw na rai nga ai Hkristu Yesu a mayam Epahpra gaw nanhte hpe shakram dat myit dai: nanhte gaw Karai Kasang a myit mang ai hku nlang hte hta hkum tsup ai hte dinggrin nga let lahpran tsap nga lu myit ga, dai akyu hpyi ai hta shi nanhte a matu mara tutnawng e shingjawng hkat nga ai.

KOLOSE 4:2

Akyu hpyi ai hta shakut sharang rai nga mu, dai hta e a maja nga let shakawn kungdawn nga mu.

1 HTESALONI 5:17

n sim n sa akyu hpyi nga mu; lam shagu hta shakawn kungdawn nga mu:

1 SAMUELA 1:12

Shing rai Hana Yehowa man e na na akyu hpyi nga yang, Eli gaw shi a n-gup yu da wu ai.