LUKA 17:6 - Jinghpaw Hanson Version Bible

⁶ Shing nga jang Madu gaw, “nanhte hta kamsham ai myit chyinghkrang tum daram rawng myit yang gaw, ndai labri hpun hpe, ‘Hpun e, aru hte nawng baw nna nammukdara e sa tu nga u law,’ ngu yang, nanhte a ga madat na ra ai.

Jinghpaw Common Language Bible 2009

⁶ Madu gaw, “Nanhte hta kam sham ai myit chyinghkrang tum langai daram rawng myit yang gaw, ndai labri hpun hpe, hpun e, aru hte nawng baw nna panglai e sa tu nga u law!,” ngu yang nanhte a ga madat na ra ai.

LUKA 17:6 ပူးပေါင်းရင်းမြစ်များ

MAHTE 14:29

shi gaw, “Sa rit,” ngu wu ai. Dai rai nna Petru gaw li hta na yu hkrat nna, hka ntsa e hkawm let, Yesu hpang de sa wa ai.

MAHTE 17:20

Shi gaw, “Nanhte ai n kam myit dai majaw, n di lu mu ai; nanhte hpe ngai teng teng tsun made ai gaw; Kamsham ai myit chyinghkrang tum daram nanhte rawng nga myit yang gaw, ndai bum hpe, Wora de htawt sit mat u, ngu nna nanhte tsun mu yang, dai htawt sit mat na ra ai: nanhte n di lu na amu hpa mung n nga na re ai,” ngu nna shanhte hpe tsun mu ai.

MAHTE 21:21

Yesu gaw, “Nanhte hpe ngai teng teng tsun made ga, Nanhte kamsham ai myit rawng nna, kam shut ai hpa mung n lawm yang gaw, ndai maihpang hpun hta byin wa ai hta n-ga, nanhte galaw lu na hte, ndai bum hpe, Nang baw mat nna, nawng hta e htawt bang mat u, ngu nna nanhte tsun mu yang gaw, dai byin na ra ai.

MARKU 4:31

Dai gaw chyinghkrang tum zawn rai nga ai; ga ntsa e gat dat jang ga ntsa na tum amyu mahkra hta kaji htum dam timung,

MARKU 9:23

Yesu gaw, “Nang rai lu n-yang gaw!- Kamsham ai myit rawng ai wa gaw hpa mung rai lu na ra ai,” ngu nna shi hpe tsun wu ai.

LUKA 13:19

Dai gaw, masha langai mi shi a sun hta gat dat ai chyinghkrang tum hte bung nga ai: dai tum gaw tu kaba wa ai hte, hpun tai hkra rai nna, ntsa malen u ni de a lakung lakying ni hta dung nga lu ma ai,” ngu wu ai.

LUKA 17:7

“Hkauna galau ai, shing n rai sagu bainam rem ai mayam nga ai rai nna, dai mayam gaw hkauna pa de na du wa yang, dai wa hpe, ‘Alawan wa dung nna shat sha ru,’ nga nna tsun na, nanhte hta kadai rai ta?

LUKA 19:4

Dai rai nna shi hpe mu lu hkra, shi shawng de gat sa nhtawm, Yesu lai sa wa na ra ai lam makau na lakum hpun hta lung dung nga ai.

LUKA 7:13

Madu gaw dai numsha hpe mu jang, shi hpe matsan yu dum nna, Hkum hkrap et, shi hpe ngu wu ai.

LUKA 7:19

Dai rai nna Yawhan gaw shi a sape lahkawng shaga la nhtawm, dai Madu hpang de shangun dat nna, Nang gaw dai du sa na ra ai wa rai nga n ni? shing n rai, kaga hpe anhte naw myit mada lu na rai nga a ni? ngu nna san dat wu ai.

1 KORINHTU 13:2

Ngai myihtoi chye htoi ai hte, sung ai ga yawng mayawng, chye chyang ai lam amyu myu hkum nga ai hte, bum hpe jasit lu hkra re ai makam masham rawng timung, tsawra ai myit n rawng yang gaw, ngai hpa n rai nga nngai.