LUKA 17:27 - Jinghpaw Hanson Version Bible

²⁷ Noa gaw dai sanghpaw li kata de shang nna, sha-u ing wa let nlang hte hpe yeng seng kau ai nhtoi du hkra, masha ni gaw lu let sha let num la num ya rai let, nga nga ma ai.

Jinghpaw Common Language Bible 2009

²⁷ Noa sanghpaw li de shang ai shani du hkra nan, masha ni gaw, lu let, sha let, num la num ya rai nga nga ma yang, sha-u ing wa nna shanhte yawng hpe yeng seng kau mu ai.

LUKA 17:27 ပူးပေါင်းရင်းမြစ်များ

NINGPAWT NINGHPANG 7:23

Shaloi, ga ntsa na hkrung mahkrung mahkra gaw, shinggyim masha mung, yamnga mung, gumrawt hkawm ai baw mung, ntsa malen pyen ai u mung, atsai awai di kau ai hkrum ma ai: dai ni gaw ga ntsa na atsai awai di kau ai hkrum ma ai rai nna, Noa hte dai sanghpaw li kata shi hte rau rawng ai ni sha ngam nga ma ai.

NINGPAWT NINGHPANG 7:7

Shaloi Noa gaw sha-u ing ai hka a majaw, shi a shadang sha ni hte, shi a madu jan hte shi a kanam ni hte rau dai sanghpaw li de shang ma ai.

ESAIA 21:4

Nye a salum aduk nga ai; hkrithpa hte ngai kajawng nngai; ngai marit ai shana nrim, nye a matu hkrit kahpra ai hkrai shapraw nga ai.

ESAIA 47:11

Dai re ai majaw, tsin-yam tsindam na a ntsa e du nna, dai kanang na pru ai gaw, nang n chye ndai: shoihpa shoirang na ntsa e hkrat bun nna, nang dai hpe gang kau lu na n rai: nang n dum shami e, hten byak ai gaw na a ntsa e akajawng sha du na ra ai.

MAHTE 22:30

kaning rai nme law, bai hkrung rawt ai hta e, shanhte gaw, num la num ya ai n rai na ma ai: shanhte gaw sumsing lamu hta e, lamu kasa ni zawn rai nga ma ai.

LUKA 17:26

Noa a ban e byin ai zawn, Masha Kasha a nhtoi hta mung byin na ra ai.

LUKA 17:28

Lawt a ban hta e mung dai hte maren rai nga ai: masha ni gaw lu let sha let, mari let dut let, gat hkai let, dum nta gap let nga nga ma ai:

1 SAMUELA 30:16

Shing rai dai wa gaw shi hpe lam madun nna sa du yang, yu u, Hpilisti mung hte Yuda mung na magawn wa ai lanep rai ni nlang a majaw, Amalek masha ni lu let sha let, ka manau let, dai pa ting pri rai nga nga mala ai.