LUKA 17:26 - Jinghpaw Hanson Version Bible

²⁶ Noa a ban e byin ai zawn, Masha Kasha a nhtoi hta mung byin na ra ai.

Jinghpaw Common Language Bible 2009

²⁶ Noa ban e byin ai zawn, Masha Kasha a nhtoi ni hta mung byin na ra ai.

LUKA 17:26 ပူးပေါင်းရင်းမြစ်များ

NINGPAWT NINGHPANG 6:5

Shinggyim masha ni a n hkru n hkra ai lam ga ntsa e kaba la ai hte, shi a kraw lawang na myit maw mamaw gaw tut tut n shawp nga ai hpe Yehowa mu wu ai.

NINGPAWT NINGHPANG 6:7

Dai rai nna Yehowa, gaw, “Ngai hpan tawn da ai shinggyim masha hpe ga ntsa na atsai awai ngai di kau na we ai: masha kaw nna yamnga, gumrawt hkawm ai baw hte ntsa malen pyen ai u ni hpe du hkra shatsai kau na we ai: kaning rai nme law, dai ni hpe ngai hpan da we ai majaw myit malai lu nngai,” nga ai.

NINGPAWT NINGHPANG 6:8

Noa chyawm gaw Yehowa a man e myi man pa nga ai.

ESAIA 22:13

yu mu, shanhte gaw, pyaw pyaw ngawn ngawn, kabu gara nga let, “Sha ga, lu ga, hpawt ni she si na ga ai,” nga nna sagu dumsu sat ai hte shan sha, tsabyi jahku lu rai ma hka.

LUKA 17:22

Sape ni hpe mung shi tsun mu ai gaw, “Masha Kasha a nhtoi lani mi hpe nanhte hkrum kadup mayu na shani pru na ra ai, rai timung hkrum kadup lu na myit dai n rai:

LUKA 17:24

kaning rai nme law, lamu maga mi de na kalam ai myihprap gaw, lamu maga mi de du hkra htoi ala wa ai zawn, Masha Kasha gaw shi a nhtoi hta rai na ra ai.

LUKA 17:27

Noa gaw dai sanghpaw li kata de shang nna, sha-u ing wa let nlang hte hpe yeng seng kau ai nhtoi du hkra, masha ni gaw lu let sha let num la num ya rai let, nga nga ma ai.

LUKA 17:7

“Hkauna galau ai, shing n rai sagu bainam rem ai mayam nga ai rai nna, dai mayam gaw hkauna pa de na du wa yang, dai wa hpe, ‘Alawan wa dung nna shat sha ru,’ nga nna tsun na, nanhte hta kadai rai ta?

LUKA 18:8

Nanhte hpe ngai tsun made ga, Shanhte hpang maga alawan tara dara ya na wu ai. Rai timung, Masha Kasha du sa ai nhtoi hta, ndai mungkan ga ntsa e makam masham nga nga ai gaw, mu lu na a kun?” ngu mu ai.

HEBRE 11:7

Kamsham ai hte Noa gaw garai n mu yu ai arai ni a lam shadum jahprang ai hkam la lu ai rai nna, shi a nta masha ni hpe hkye hkrang la na matu hkrit hkungga ai myit hte sanghpaw li shachyaw wu ai: shing rai kamsham ai hte shi mungkan ga hpe jeyang nna, makam masham hte seng ai dinghpring ai a sali wunli hkam la ai wa, rai wa ai.

2 PETRU 2:5

moi moi na mungkan ga hpe mung lahpawt lama n di ai sha, dinghpring ai tara hkaw dan ai sara Noa hte masha sanit hpe makawp maga la nhtawm, tara n hkungga ai ni a mungkan ga a ntsa e sha-u sha-ing dat wu ai hte;

2 PETRU 3:6

dai hte mung dai aprat na mungkan ga hpe, hka lim kau hkrum ai hte hten mat nga ai hpe shanhte gaw dingsa malap kau mu ai.