LUKA 17:20 - Jinghpaw Hanson Version Bible

²⁰ Karai Kasang a mungdan galoi du na lam, Hparishe ni san ma yang, shi gaw, “Karai Kasang a mungdan du ai gaw myi hte yu nga nna, mu na n rai;

Jinghpaw Common Language Bible 2009

²⁰ Hparishe nkau mi gaw Yesu hpe, Karai Kasang a Mungdan galoi du na lam san ma ai. Shi gaw, “Karai Kasang a Mungdan du ai gaw, myi hte yu nna mu lu ai hku du na n rai.

LUKA 17:20 ပူးပေါင်းရင်းမြစ်များ

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

ZEHKARIA 4:6

Shaloi dai wa gaw, “Da ndai gaw, N-gun atsam hte n rai, hpung shingkang hte n rai, nye a Wenyi hte sha dang lu na ra ai,” nga nna Zaw nawng zaw wa up ai Yehowa tsun ai hte, Zerubabela hpang de du ai Yehowa a mungga rai nga ai.

LUKA 10:11

Anhte a lagaw hta kap ai nanhte a mare na ga nhpu pyi, nanhte hpe deng na maga de anhte katsut kau da ga ai: rai timung, Karai Kasang a mungdan gaw ani sha du ra ai hpe, chye nga mu, ngu nna tsun da mu.

LUKA 14:1

Shaloi shi gaw laban nhtoi langai mi hta, Hparishe agyi langai mi a nta e shat sha na nga, shang nga nga yang, shanhte gaw shi hpe la mada yu nga ma ai.

LUKA 16:16

Jep ai tara hte myihtoi ni a ga gaw, Yawhan du ai du hkra rai nga ai: dai kaw nna gaw Karai Kasang a mungdan a kabu gara shiga hkaw tsun nga ai rai nna, nlang hte gaw dai hta anin katut shang wa ma ai.

LUKA 19:11

Dai lam ni hpe shanhte madat nga ma yang, Yesu gaw Yerusalem mare de du na ni sai majaw mung, Karai Kasang a mungdan gaw alawan dan pru magang ra ai, nga nna myit shajang nga ma ai majaw mung, shi ga shadawn hte bai tsun bungjat wu ai gaw,

YAWHAN 18:36

Yesu gaw, “Nye a mungdan gaw ndai mungkan ga na n rai li ai; nye a mungdan ndai mungkan ga na re ai rai yang gaw, ngai Yuda masha ni a lata de n shang hkra, nye a ali ama ni gasat na masai: ya chyawm gaw nye a mungdan ndai yang na n rai li ai,” ngu nna htan wu ai.