LUKA 17:10 - Jinghpaw Hanson Version Bible

¹⁰ Dai hte maren nanhte mung tsun matsun yawng hpe hkan shatup ngut jang she, ‘Anhte gaw akyu n rawng ai mayam ni rai nga ga ai; galaw ra ai hpunda hte sha anhte shatup saga ai,’ ngu mu,” ngu wu ai.

Jinghpaw Common Language Bible 2009

¹⁰ Dai hte maren, nanhte mung, galaw na matu tsun matsun yawng hkan shatup galaw ngut jang she, anhte gaw yu maya shangun ma ni sha rai nga ga ai; anhte gaw galaw ra ai lit hpe sha galaw shatup saga ai, ngu mu,” ngu nna tsun mu ai.

LUKA 17:10 ပူးပေါင်းရင်းမြစ်များ

ESAIA 6:5

Dai rai nna ngai gaw, “Ngai wa dingnye lu nngai; ngai htum mat ni ai; ngai nan n san n seng ai n-gup tu ninglen, n san n seng ai n-gup tu ai amyu ka-ang e dè nga timung, Zaw nawng zaw wa up ai Yehowa ngu ai, Hkawhkam wa hpe, nye myi hte nan mu lu se hka,” nga nna tsun nngai.

ESAIA 64:6

Anhte yawng n san n seng ai wa zawn tai saga ai; anhte a dinghpring ai lam yawng, agang chyalang re ai hpun nba hte bung nga ai; anhte yawng namlap zawn nyip mat nna, anhte a shut hpyit ai gaw, nbung zawn, anhte hpe ahpawt kau mani ai.

MAHTE 25:30

Dai n hkaw ai mayam hpe gaw shinggan na nsin sin ai de shaden kau mu: dai shara e hkrap ngu hkrap ngoi ai hte wa udik ai rai na ra ai,’ ngu nna jeyang nu ai.

LUKA 17:11

Ya Yerusalem mare de sa wa nga yang, shi gaw Samari mung hte Galile mung lapran hku ga sa wa ai.

LUKA 17:9

Tsun matsun galaw ai a majaw, dai mayam hpe chyeju htang ai ga tsun ga myit ni?

ROMA 11:35

Chyeju htang ai hkrum lu hkra, kadai wa shi hpe shawng e sak ya sata?

ROMA 3:12

Yawng dam mat wa masai, Shanhte rau hpawn asung n shang ai ni tai mat ma ai. Kaja ai amu kadai mung n galaw ma ai, Gaja wa, langai mi muk n galaw nga ai.”

HPILEMON 1:11

shi gaw shawng de na a matu akyu n rawng timung, ya gaw na a matu mung, nye a matu mung, akyu rawng nga ai: