LUKA 16:9 - Jinghpaw Hanson Version Bible

⁹ Dai rai nna ngai nanhte hpe tsun made ga, n tara ai sutgan hte tinang a matu jinghku hku mu: shaloi she dai htum mat jang, shanhte gaw dinggrin anga nga ai nta hta, nanhte hpe hkap la na marin dai.

Jinghpaw Common Language Bible 2009

⁹ Ngai nanhte hpe tsun made ga, tinang a matu n tara ai mungkan sutgan hte jinghku hku mu, shaloi she dai htum mat jang dinggrin anga nga ai nta hta, nanhte hpe hkap la na marin dai.

LUKA 16:9 ပူးပေါင်းရင်းမြစ်များ

SHAKAWN KUNGDAWN 73:26

Nye a hkum shan hte myit masin mat wa timung, Karai Kasang gaw nye a myit lunghkrung hte, prat dingsa na sali wunli rai nga ai.

GA SHAGAWP 14:24

Hpaji rawng ai ni a sutgan gaw, shanhte a janmau rai nga ai; Angawk ai ni a angawk ai lam gaw angawk hkrai rai nga ai.

GA SHAGAWP 19:17

Matsan mayan wa hpe matsan dum ai wa gaw, Yehowa hpe hkoi ya ai rai nna, Shi galaw ai hte maren bai hkam la na ra ai.

GA SHAGAWP 23:5

Hpa n re ai hpe nang azi yu nga n ni? Sumsing lamu de pyen mat wa ai langda zawn, Gaja wa sutgan gaw singkaw tu nga ai.

HPAJI NINGLI 11:1

Na a lusha hpe hka hta shayawng dat u; nhtoi gade n na yang, dai hpe bai mu na rin dai.

ESAIA 57:16

Ngai gaw tutnawng dangrang hkat na n rai, tutnawng pawt sindawng na n rai; shing n rai yang, wenyi gaw nye a man e mat mat nna, ngai hpan da ai myit masin gaw, hten mat hkrum na ra ai.

Daniela 4:27

Dai re ai majaw hkawhkam wa e, nye a ga hkap la u; na a yubak kau da nna dinghpring ai amu galaw u; matsan mayan ni hpe matsan dum let, shut hpyit ai hpe koi kau u: shing rai yang, nang sutgan naw ga lu dam nhten,” ngu wu ai.

MAHTE 19:21

Shaloi Yesu gaw, “Nang dinghpring mayu nga n yang gaw, wa su, na a arai ni hpe dut kau nna, matsan mayan ni hpe karan jaw u; shing rai jang, sumsing lamu ntsa e nang sutgan lu na rin dai: ngai kaw mung sa hkan nang rit,” ngu nna shi hpe tsun wu ai.

MAHTE 6:19

Manut hte nhkan e sha jahten nna, lagu lagut ni tawk htu nna lagu la lu ai, dinghta ga a ntsa e, nanhte a sutgan hpe hkum mahkawng da mu.

MAHTE 6:24

Kadai rai ting mung, madu lahkawng kaw chyang lu na n rai; shi langai mi hpe n dawng nna kaga hpe tsawra na wu ai; shing n rai langai mi hpe kasawt nna, kaga hpe n kaw n law di na wu ai; nanhte Karai Kasang hpe mung, mungkan a sutgan hpe mung, rau chyang lu na myit dai n rai.

LUKA 11:41

Rai timung, kata de rawng ai arai hpe alu jaw mu; shaloi, yu mu, nanhte a matu nlang san pra nga na rai malit dai.

LUKA 12:33

Nanhte lu ai arai dut kau nna alu jaw mu; tinang a matu dingsa n chye ai gumhpraw jan galaw nna, lagut mung n du, manut e mung n sha lu ai, sumsing lamu e n htum n ma chye ai sutgan, kyem da mu.

LUKA 14:14

shing rai jang gaw, nang a lu na ndai: shanhte nang hpe chyeju htang lu na ma ai n rai: dai re ai majaw, tengman ai ni a bai hkrung rawt wa ai hta, de a akyu chyeju nang hkam la na rin dai,” ngu wu ai.

LUKA 16:11

N tara ai sutgan hta pyi nanhte kangka n rai lu myit yang gaw, dai dingman ai sutgan hpe, nanhte hpe kadai mi kam ap ya na myit ta?

LUKA 16:13

Kadai shangun ma rai timung, madu lahkawng a amu gun hpai lu ai n rai: langai wa hpe shi n dawng nna, langai wa hpe tsawra na wu ai: shing n rai, langai wa hta machyu nna, langai wa hpe n kaw n law di na wu ai: nanhte gaw Karai Kasang a magam hta mung, mungkan a sutgan hta mung, rau n gun n hpai lu na myit dai,” ngu mu ai.

LUKA 16:4

ngai hpe kunhting aya na jahkrat kau yang, masha ni ngai hpe tinang a nta hta hkap la ra hkra, ngai kaning di na gaw, ya ngai chye se ai, nga nna shi a kraw hta myit la lu jang,

KASA 10:31

‘Korneli e, na a akyu hpyi ai ga madat mara nu ai; na alu jaw ai mung Karai Kasang matsing da nu ai.

KASA 10:4

Shi gaw dai wa hpe azi yu nna, “Madu e, hpa lam rai ta?” ngu nna hkrit let shi hpe san wu ai. Dai wa chyawm gaw, “Na a akyu hpyi ai hte alu jaw ai lam, Karai Kasang a man e, masat dingsat matu hkrang salit dai.

2 KORINHTU 4:17

Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

YUDA 1:21

n htum n wai asak lu la hkra, anhte a Madu Yesu Hkristu a matsan dum ai lam hpe a la nga let, tinang dai, Karai Kasang a n-gaw nwai ai myit hta anga nga mu.