LUKA 16:8 - Jinghpaw Hanson Version Bible

⁸ Dai n tara ai kunhting wa hpaji hte chye galaw ai majaw, madu gaw shi hpe shakawn wu ai: kaning rai nme law, ndai mungkan ga a kashu kasha ni gaw, tinang a amyu hta e, ahtoi a kashu kasha ni hta grau nna hpaji rawng ma ai.

Jinghpaw Common Language Bible 2009

⁸ Ndai zawn, bawnu shachyai nna hpaji hte chye galaw ai majaw, madu gaw kunhting wa hpe shakawn wu ai, hpa majaw nga yang, ndai mungkan ga a kashu kasha ni gaw, shanhte a mungkan amu magam lam galaw gun hpai sa wa ai hta, nhtoi hte seng ai kashu kasha ni hta grau nna hpaji rawng nga ma ai.”

LUKA 16:8 ပူးပေါင်းရင်းမြစ်များ

NINGPAWT NINGHPANG 3:1

Ya dai lapu gaw, Yehowa Karai Kasang galaw ai nam mali na dusat nhprang mahkra hta hpaji grau rawng nga ai. Shi gaw dai numsha hpe, “Ndai sun hta tu ai hpun mahkra hta na, nan n sha lu na rai myit dai, nga nna Karai Kasang gaja wa tsun a ni?” Ngu nna san wu ai.

2 SAMUELA 13:3

Rai timung Amnon gaw jinghku langai mi lu da wu ai; dai wa gaw, Dawi a kahpu Shimea kasha Yonadab rai nga ai; Yonadab gaw azai grai chye ai wa rai nga ai.

2 HKAWHKAM 10:19

Dai re ai majaw, “Bala myihtoi ni mahkra hpe mung, shi hpe nawku ai ni mahkra hpe mung, shi a hkinjawng ni mahkra hpe mung, shaga mu; langai mi hpe mung hkum ngam da myit: ngai gaw Bala hpe shagu hkungga law law nawng ya na rai nna, n lawm ai wa kadai mung hkrung nga lu na n rai,” ngu nna shanhte hpe tsun timung, Bala nawku ai ni nlang hte hpe sat kau lu hkra, hkalem ai hku, ndai lam galaw ai rai nga ai.

SHAKAWN KUNGDAWN 17:14

Yehowa e, mungkan ga masha ni hte Ndai aprat hta sha matu mara lu ai ni kaw na, na a lata hte ngai hpe shalawt la e. Shanhte a kan hpe nang sutgan hte jahpring ya mu ai: Shanhte kashu kasha law law mayat maya nga ma ai rai nna, Shadang sha ni kaw sutgan htawng da lu ma ai.

PRU MAT 1:10

ya sa marit, shanhte n law wa lu na hte majan pru yang anhte a hpyen maga de shang nna anhte hpe gasat kau da nhtawm, ndai mung na n lung mat wa lu mu ga, shanhte hpe zai hte galaw gaw, ngu wu ai.

GA SHAGAWP 12:8

Masha wa tinang a hpaji hte maren shagrau ai hkrum na ra ai; Myit magaw ai wa chyawm gaw, n kaw n law di kau ai hkrum na ra ai.

MAHTE 12:32

Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai aprat hta rai timung, hpang na aprat hta rai timung, raw dat kau ya ai hkrum lu na n rai.

MAHTE 17:26

Shi gaw, “Yu maya ni kaw na hta ma ai,” ngu wu yang, Yesu gaw, “Dai rai taw gaw, kashu kasha ni lawt lu ma ai:

LUKA 16:10

Amu kaji hta kangka re ai wa gaw, amu kaba hta mung kangka rai na ra ai: amu kaji hta n ding n man ai wa gaw, amu kaba hta mung n ding n man ga ai.

LUKA 16:4

ngai hpe kunhting aya na jahkrat kau yang, masha ni ngai hpe tinang a nta hta hkap la ra hkra, ngai kaning di na gaw, ya ngai chye se ai, nga nna shi a kraw hta myit la lu jang,

LUKA 16:7

bai kaga wa hpe, ‘Nang kaw mung gade kap a ta?’ ngu nna san wu yang, dai wa gaw, ‘Hkaulan mam dang latsa kap nngai,’ ngu wu ai. Kunhting wa gaw, ‘Na a jahpan laika la nna, matsat shi ngu nna ka da u,’ ngu wu ai.

LUKA 18:6

Dai rai nna dai Madu gaw, “N ding n man ai tara agyi wa tsun ai ga hpe myit la mu:

LUKA 20:34

Shaloi, Yesu gaw, Ndai dinghta masha ni gaw, “htinggaw rawn ai hte, num la num ya rai ma ai:

LUKA 20:35

wora katsan prat hte si ai kaw na bai hkrung rawt wa ai de du ging ai ni chyawm gaw, htinggaw rawn ai hte num la num ya ngu ai n nga ma ai:

YAWHAN 12:36

Nanhte hta nhtoi naw nga nga yang, nhtoi a kashu kasha ni tai lu myit ga, nhtoi hpe kamsham nga mu,” ngu nna shanhte hpe tsun mu ai. Yesu gaw ndai ga tsun ngut jang pru nna, shanhte kaw na makoi mat nga ai.

1 KORINHTU 3:18

Kadai rai timung tinang hkum hpe hkum hkalem nga myit ga. Marai langai ngai ndai mungkan ga e nanhte hta, Hpaji byeng-ya rawng nga nngai, nga nna grang a yang gaw, dai wa gaw hpaji byeng-ya lu la hkra, angawk angak tai wa u ga.

EHPESU 5:8

kaning rai nme law, nanhte shawng e nsin mak rai nga myit timung, ya gaw dai Madu hta e, nhtoi rai nga myit dai.

HPILIPI 3:19

Dai ni a chyahtum ai gaw, hten byak ai rai nga malu ai; dai ni a Karai Kasang gaw, tinang a kan rai nga ai hte, tinang a kaya kahpa hta shanhte a gumrawng shara rai nga ma ai; dinghta ga na arai hpe hkrai shanhte myit tsang nga ma ai.

1 HTESALONI 5:5

kaning rai nme law, nanhte nlang hte gaw nhtoi a kashu kasha ni hte shani a kashu kasha ni mung rai nga myit dai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

1 YAWHAN 3:10

Dai lam hte Karai Kasang a kashu kasha ni hte, Nat a kashu kasha ni gaw dan ginhka pru ai: kadai rai timung, dinghpring ai amu n galaw ai hte, shi a kahpu kanau hpe n tsaw n ra ai wa gaw, Karai Kasang kaw nna, rai nga ai n rai.