LUKA 16:25 - Jinghpaw Hanson Version Bible

²⁵ Shaloi Abraham gaw, “Sha e, nang gaw naw hkrung nga ai hte yang, na a ngamu ngamai lu la nit dai mung, Lazaru gaw dai hte yang tsin-yam tsindam hkrum nga ai mung, dum nga u; ya chyawm gaw shi nang e bran nga sai, nang mahtang gaw nji nmu hkrum nga nit dai.

Jinghpaw Common Language Bible 2009

²⁵ “Shaloi Abraham gaw, Sha e, nang gaw naw hkrung nga ai aten hte yang, na a ngamu ngamai ai yawng hkam la lu nit dai hpe mung, Lazaru gaw dai ten hte yang, tsin-yam tsindam hkrum nga ai mung, dum nga u; ya gaw shi nang e pyaw pyaw ningngai nga nu ai, nang mahtang gaw nji nmu hkrum nga lit dai.

LUKA 16:25 ပူးပေါင်းရင်းမြစ်များ

YOBA 22:18

Shi mahtang, shanhte a nta ni hpe mai kaja ai hte jahpring ya mu ai: rai timung, tara n lang ai ni a bawng ai hku ngai hte tsan nga ai.

SHAKAWN KUNGDAWN 17:14

Yehowa e, mungkan ga masha ni hte Ndai aprat hta sha matu mara lu ai ni kaw na, na a lata hte ngai hpe shalawt la e. Shanhte a kan hpe nang sutgan hte jahpring ya mu ai: Shanhte kashu kasha law law mayat maya nga ma ai rai nna, Shadang sha ni kaw sutgan htawng da lu ma ai.

SHAKAWN KUNGDAWN 49:11

Shanhte a nta ni prat tup agrin nga nna, Tinang a htingra ni prat dingnawng anga nga na re ai; nga nna, Shanhte gaw tinang a kraw e a myit nga ma ai rai nna, Mungdaw ni hpe tinang a amying shakap da mu ai.

SHAKAWN KUNGDAWN 73:7

Shanhte a myi hpum nna myi myi rai malu ai. Shanhte myit ai hku ladu lai nga malu ai.

SHARUNG SHAYAWT 1:7

Mung masha ni gaw hpyen ni a lata de du nna, karum ai wa n nga ai majaw, Hpyen ni shi hpe mu mada nna, shi myit htum ai lam asawng nga ma yang, Yerusalem gaw nni nkri hte hki ba hkrum ai shani e, moi shawng na pyaw lam ni hpe dum nga ai.

Daniela 5:30

Dai shana e pyi, Hkalde hkawhkam Belashaza sat kau ai hkrum nna,

MAHTE 27:63

Madu e, ndai hkalem ai wa gaw naw hkrung nga yang, Masum ya nhtoi hta e, ngai bai hkrung rawt wa na nngai, nga nna shi tsun ai hpe anhte dum sagaw ai.

MARKU 9:45

Na a lagaw nang hpe myit kataw shangun a yang gaw, dai hpe kahtam dut kau u: lagaw lahkawng hkum nga ai hte, ngarai mung de jahkrat kau ai hkrum na hta, lagaw hten ai hte asak hkrung ai de shang na gaw, grau mai nga ai.

LUKA 16:20

Hkum ting kahpraw hpye ai Lazaru ngu ai hpyi sha ai wa langai mi hpe mung,

LUKA 16:23

Katsan ga e nachying nni nkri hkrum let shi mada yu nna, Abraham hpe mung, shi a lahpyen hta rawng ai Lazaru hpe mung, mu wu ai.

LUKA 16:26

Dai hta kaga, ndai yang nna nanhte hpang de rap sa mayu ai ni, n rap lu mu ga mung, dai yang nna anhte hpang de kadai n rap wa lu mu ga mung, anhte hte nanhte a lapran e sung la ai krung sinwa din nga ai, ngu nna htan wu ai.

LUKA 6:24

“Rai timung, sut su ai ni nanhte dingnye lu myit dai: kaning rai nme law, nanhte gaw tinang a shalan shabran ai lu la manit dai.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

ROMA 8:7

Dai hta kaga hkum shan myit gaw Karai Kasang a tara npu e n taw lu ai hte, dai hpe n madat lu ai majaw, Karai Kasang hpe n dawng n yawt ai myit sha rai nga ai;

TARA JAHPRANG 28:17

Na a shingnoi htingga hta mung, muk gumrin ai ban hta mung dingnye rawng na ra ai.

HPILIPI 3:19

Dai ni a chyahtum ai gaw, hten byak ai rai nga malu ai; dai ni a Karai Kasang gaw, tinang a kan rai nga ai hte, tinang a kaya kahpa hta shanhte a gumrawng shara rai nga ma ai; dinghta ga na arai hpe hkrai shanhte myit tsang nga ma ai.

1 HTESALONI 3:3

Hkristu a kabu gara shiga hta Karai Kasang a shangun ma rai nga ai anhte a hpunau Timohti hpe shangun dat gaw ai: tsin-yam tsindam hkrum na matu san da sai ni anhte rai nga ga ai, nanhte nan chye nga myit dai.

HEBRE 11:25

tawng marang mi yubak a pyaw daw kadaw na hte, Karai Kasang a amyu masha ni hte rau tsin-yam tsindam hkrum na hpe shi grau ra nga ai rai nna,

1 YAWHAN 2:15

Dinghta ga hte dinghta ga e nga ai arai hpe, hkum tsawra myit. Marai langai ngai dinghta ga hpe tsawra a yang gaw, dai Kawa a tsawra ai myit gaw, shi hta e n rawng nga ai.

SHINGRAN 7:14

Ngai gaw, Nye a Madu e, nang chye nga ndai, ngu nna shi hpe htan we ai. Shaloi shi gaw, Dai ni gaw, dai ru tsang kaba kata na hkrang pru wa nna, tinang a hpun palawng hpe Sagu Kasha a asai hta hkrut jahpraw la ai ni rai nga ma ai.