LUKA 16:24 - Jinghpaw Hanson Version Bible

²⁴ Shaloi shi gaw, “Wa Abraham e, ngai hpe matsan dum le e; ngai gaw ndai wan grung ai hta nji nmu hkrum nga nngai majaw, Lazaru gaw shi a lata ndung hte ntsin kapruk sa nna, nye a shinglet madit katsi ya li ga, ngai hpang de shangun dat ru law,” ngu nna hpyi jahtau wu ai.

Jinghpaw Common Language Bible 2009

²⁴ Shaloi shi gaw, ‘Wa Abraham e, ngai hpe matsan dum la e law! Ngai gaw ndai wan grung ai hta nji nmu machyi hkrum nga nngai majaw, Lazaru gaw shi a lata ndung hte ntsin loi mi hta kapruk sa nna, nye a shinglet madit katsi ya lit ga, ngai hpang de shangun dat ru law,’ ngu nna hpyi jahtau wu ai.

LUKA 16:24 ပူးပေါင်းရင်းမြစ်များ

YOBA 20:21

Shi a lawhpa ai n-gup hta hpa mung ngam nga ai, n rai; dai re ai majaw shi a sutgan grin nga ai, n rai.

ESAIA 27:11

Lakung lakying ni hkraw mat yang, gang daw kau ai hkrum nna, num ni hpun hta ju kau na mara ai; kaning rai nme law, dai amyu gaw nyan tang ai amyu rai nga ai: dai re ai majaw, shanhte hpe hpan da ai wa gaw, matsan dum na n rai, hpan hpajang ai wa gaw, shanhte hpe myi man shapa na n rai.

ESAIA 66:24

Shanhte gaw paw pru nna ngai hpe shut hpyit ai ni a moi mang hpe hpu yu na mara ai; kaning rai nme law shanhte hpe sha ai byet si ai, n rai, shanhte hpe hkru ai wan krip ai, n rai: shanhte gaw hkrung mahkrung yawng a man e, matsat shabat hkrai tai na mara ai,” nga ai.

ZEHKARIA 14:12

Yerusalem mare hpe gasat sa wa ai amyu ni mahkra hpe, Yehowa jaw na ari zinli, da ndai rai nga ai: shanhte naw hkrung nga yang pyi, shanhte a hkum shan yat mat nna, shanhte a myi tum ni yat mat na hte, shanhte a shinglet ni n-gup kata e, yat mat na ra ai.

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

MAHTE 3:9

‘Abraham gaw anhte a wa rai nga mali ai,’ nga nna tinang a kraw hta e hkum nawn nga myit! nanhte hpe ngai tsun made ga, Karai Kasang gaw ndai nlung ni hta na Abraham a matu kasha hpan shapraw da lu ai.

MAHTE 5:22

Ngai mahtang nanhte hpe tsun made ai gaw, tinang a kahpu kanau wa hpe masin pawt ai wa kadai rai timung jeyang ai hte ging dan nga ai: tinang a kahpu kanau wa hpe, Raka, nga ai wa gaw, dai salang hpawng a dawdan ai hte ging dan nga ai: bai, Mana ndai, nga ai wa gaw, ngarai a wan hte ging dan nga ai.

LUKA 16:30

Sahti wa gaw, ‘N rai, Wa Abraham e; si ai ni hta na langai mi shanhte kaw bai wa yang gaw, shanhte myit malai lu na ma ai,’ ngu wu ai.

LUKA 19:9

Shaloi Yesu gaw, “Dai ni ndai nta hta hkye hkrang la ai lam pru sai: kaning rai nme law, shi mung Abraham a kasha rai nga ai.

LUKA 3:8

Dai majaw myit malai hte ging dan ai asi si mu! Abraham gaw anhte a wa rai nga mali ai, nga nna tinang kraw e hkum tsun myit; kaning rai nme law, nanhte hpe ngai tsun made ga, Karai Kasang gaw ndai nlung ni hta na Abraham a matu kasha hpan shapraw dat lu ai.

YAWHAN 4:10

Shaloi Yesu gaw, Karai Kasang a kumhpa hte, “Ngai hpe ntsin jaw lu e, nga nna nang kaw hpyi ai wa hpe, nang chye wu taw gaw, nang shi kaw hpyi nna, shi gaw nang hpe hkrung ai ntsin jaw na nit dai,” ngu nna shi hpe htan wu ai.

YAWHAN 4:14

dai ngai jaw ai ntsin gaw, dai wa hta htani htana asak a matu lwi pru ai hka hpawk tai na ra ai,” ngu nna shi hpe htan wu ai.

YAWHAN 7:37

Shaloi dai poi a jahtum nhtoi ngu ai nhtoi kaba hta Yesu gaw tsap da nna, “Hpang kara ai wa nga yang gaw, ngai hpang de sa lu rit.

ROMA 4:12

matu gadoi hkam ai ni hta lawm ma ai rai nna, matu gadoi hkam ai hta n-ga, anhte a wa Abraham gaw matu gadoi garai n hkam kaw nna rawng nga sai makam masham a hkang hta e a hkan nang nga ai ni a kawa mung shi tai nga u ga, matu gadoi garai n hkam kaw nna, dinghpring nga ai makam masham a dazik ngu ai, matu gadoi ai kumla gaw, shi hkam la nu ai.

2 HTESALONI 1:8

nanhte hta nni nkri jahkrum ai ni hpe, nni nkri bai nhtang jaw na hte, nni nkri hkrum nga ai ni nanhte gaw, anhte hte rau ban sa ai nhtang jaw na ra ai. Karai Kasang a dingman ai hku rai nga lu ai.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.

YAKU 3:6

Dai shinglet mung wan rai nga ai; anhte a daw shan ni hta e, dai shinglet gaw, yubak a mungkan tai wa nga ai rai nna, anhte a hkum ting hpe awu asin di kau wu ai hte, dai gawng shing-yan a hkrang hpe nat kau wu ai rai nna, ngarai mung gaw dai hpe nan shachyi wu ai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 20:15

Asak laika hta amying n lawm ai wa kadai mung, dai wan nawng hta jahkrat bang kau ai hkrum nga ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

1 SAMUELA 28:16

Samuela chyawm gaw, “Yehowa nang hpe kabai kau nna, na a hpyen tai nga sai rai yang gaw, ngai hpe hpa majaw naw san n ta?