LUKA 16:23 - Jinghpaw Hanson Version Bible

²³ Katsan ga e nachying nni nkri hkrum let shi mada yu nna, Abraham hpe mung, shi a lahpyen hta rawng ai Lazaru hpe mung, mu wu ai.

Jinghpaw Common Language Bible 2009

²³ Shing rai katsan ga e nni nkri hkrum let sharawt mada dat yu yang, tsan tsan e Abraham hpe mung, shi a makau e dung nga ai Lazaru hpe mung, mu wu ai.

LUKA 16:23 ပူးပေါင်းရင်းမြစ်များ

SHAKAWN KUNGDAWN 16:10

Kaning rai nme law, nang nye a myit masin hpe katsan ga de kau da ya na ndai n rai. Na a chyoi pra ai wa hten byak hkrum na, nang hkraw nga ndai n rai.

SHAKAWN KUNGDAWN 49:15

Karai Kasang chyawm gaw katsan ga de na, Nye a myit masin hpe hkrang la na ru ai. Kaning rai nme law, shi ngai hpe gare la na nngai. [Selah.]

SHAKAWN KUNGDAWN 86:13

Kaning rai nme law, na a chyeju kaba nga nna, Nye a myit masin hpe, sung htum ai katsan ga na, nang mawai la ya nit dai.

SHAKAWN KUNGDAWN 9:17

Tara n lang ai ni hte, Karai Kasang hpe malap mali kau ai amyu yawng mayawng hte gaw, Le katsan ga de di hkrat na mara ai.

GA SHAGAWP 15:24

Le lawu katsan ga lam koi kau lu hkra, Hpaji rawng ai wa a asak lam gaw, matsaw ntsang de ang wa ai.

GA SHAGAWP 5:5

Shi a lagaw si hkrung si htan de yu wa nna, Shi hkawm ai lam gaw katsan ga de ang wa ai.

GA SHAGAWP 7:27

Shi nta na lam gaw, katsan ga de ang wa nna, Si du a gawk ni de, yu wa nga ai.

GA SHAGAWP 9:18

Shang ai wa mahtang, dai shara gaw tsu ni hpawng nga ai shara, Dai num a manam ni gaw, katsan ga a hkaraw e dè nga ai lam hpe, n chye nga ai.

ESAIA 14:15

Rai timung, Katsan ga na sung htum ai nhkun de jahkrat kau ai, nang hkrum nit dai.

ESAIA 14:9

Nang du sa wa ai shaloi, lawu tsang katsan ga gaw, nang hpe tau la na nga, kaming kamawng rai nga nna, na a matu ga ntsa na daru magam rawng ai ni a tsu ni hpe jasu mu ai; amyu baw ni a hkawhkam ni yawng hpe, tinang a tingnyang ni hta na rawt shangun mu ai.

MAHTE 11:23

Nang mung, Kaperna-um e, lamu du hkra sharawt ai, nang hkrum na n ni? katsan ga du hkra jahkrat kau ai nang hkrum na rin dai. Kaning rai nme law, nang hta dan ai magam bungli ni hpe, Sodom hta e shabyin taw gaw, dai mare gaw dai ni du hkra agrin nga na re ai.

MAHTE 18:9

Na a myi nang hpe myit kataw shagun n yang gaw, dai hpe malawk kabai kau u: myi lahkawng maga hkum ai hte, ngarai mung na wan hta jahkrat kau ai hkrum na hta, myi maga sha nga ai hte asak hkrung ai de shang na gaw, grau mai nga ai.

MAHTE 23:33

Lapu ni e pu htum a amyu e, Ngarai mung a ari hta na, nanhte kaning rai lawt lu na myit ta?

MAHTE 5:22

Ngai mahtang nanhte hpe tsun made ai gaw, tinang a kahpu kanau wa hpe masin pawt ai wa kadai rai timung jeyang ai hte ging dan nga ai: tinang a kahpu kanau wa hpe, Raka, nga ai wa gaw, dai salang hpawng a dawdan ai hte ging dan nga ai: bai, Mana ndai, nga ai wa gaw, ngarai a wan hte ging dan nga ai.

MAHTE 5:29

Dai rai nna, hkra maga na myi nang hpe shut shangun n yang gaw, dai hpe malawk kabai kau u; na a hkum ting hpe Ngarai mung hta jahkrat kau ai hkrum na hte, na a hkum daw langai mi hten na gaw, grau kaja nga ai.

MAHTE 8:29

Shan gaw, “Karai Kasang a Kasha e, an nang hte hpa seng nga ga ta? aten garai n du yang, an hpe zingri na nang sa du rin ni?” ngu nna jahtau mu ai.

LUKA 16:24

Shaloi shi gaw, “Wa Abraham e, ngai hpe matsan dum le e; ngai gaw ndai wan grung ai hta nji nmu hkrum nga nngai majaw, Lazaru gaw shi a lata ndung hte ntsin kapruk sa nna, nye a shinglet madit katsi ya li ga, ngai hpang de shangun dat ru law,” ngu nna hpyi jahtau wu ai.

LUKA 16:28

shanhte hpe wa shadum jahprang na, Lazaru hpe nye wa nta de shangun dat ya e law,’ ngu nna hpyi wu ai.

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, Tsaw htum ai Karai Kasang a Kasha Yesu e, ngai nang hte hpa daw nga ga ta? nang ngai hpe n zingri n ga, ngai nang hpe hpyi nga nngai, ngu nna nsen kaba hte tsun wu ai.

1 KORINHTU 15:55

Si hkrung si htan e, na a padang ninghkaw kanang nga nga a ta? Si hkrung si htan e, na a palen kanang nga nga a ta?

2 PETRU 2:4

Kaning rai nme law, Karai Kasang gaw yubak galaw kau ai lamu kasa ni hpe pyi lahpawt lama n di ai sha, ngarai mung de jahkrat kau mu ai rai nna, tara dara ai nhtoi du hkra shanhte hpe rim da let, chyang htat ai nsin sin ai nhkun hta e rawng da mu ai hte;

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.