LUKA 15:5 - Jinghpaw Hanson Version Bible

⁵ Dai hpe mu la jang mung, kabu gara ai myit hte lahpa hta mara hpai nna,

Jinghpaw Common Language Bible 2009

⁵ Dai hpe mu jang mung, shi grai kabu gara ai hte lahpa hta mara nna hpai wa na ra ai.

LUKA 15:5 ပူးပေါင်းရင်းမြစ်များ

ESAIA 62:12

Shing rai amyu baw ni gaw shanhte hpe, Chyoi pra ai amyu, Yehowa a lata hte Hkye hkrang la hkrum ai amyu, ngu nna shamying na maru ai: nang hpe mung, Mare dingsa n rai, Shanu nga mai ai mare, nga nna shamying na mara ai.

ESAIA 62:5

Shabrang wa gaw mahkawn hte hkungran ai zawn, na a shadang sha ni gaw, nang hte hkungran na mara ai; la ningnan gaw num ningnan majaw kabu gara nga ai hte maren, na a Karai Kasang na a majaw kabu gara nga na ra ai.

ESAIA 63:9

Shanhte nni nkri hkrum shagu hta, shi mung nni nkri dum nna, shi a man na lamu kasa gaw, shanhte hpe hkye hkrang la mu ai: shi tsawra ai hte matsan dum ai myit majaw, shi shanhte hpe mawai la nna moi na prat shagu hta pawn ba mu ai.

EZEKELA 18:23

Tara n lang ai wa a si na lam hta ngai sharawng awng nga n hka; shi gaw shi a arawn alai hpe kau da nna, hkrung nga na hpe, sharawng awng nga nngai, n rai ni?” nga nna Madu Yehowa tsun ai.

EZEKELA 33:11

Shanhte hpe htawn tsun mu, Madu Yehowa ning nga ai: ‘Ngai hkrung nga ai hte maren, tara n lang ai wa a si na lam hta ngai sharawng awng nga ai, n rai; tara n lang ai wa gaw, shi a arawn alai hpe kau da nna, hkrung nga na hpe, ngai sharawng awng nga nngai: kayin wa marit, nanhte a n hkru ai arawn alai hta na kayin wa marit; Israela dap e, hpa majaw si mayu myit ta?”

MIHKA 5:4

Dai wa gaw tsap nga nna, Yehowa a n-gun hte mung, shi a Karai Kasang Yehowa mying ningsang a daru magam hte mung, shi a sagu hpung hpe bau nga na ra ai: shanhte mung grin nga na mara ai: kaning rai nme law, shi gaw, lamu ga htum hkra ya galu kaba wa na ra ai.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

ZEHPANI 3:17

Na a Karai Kasang Yehowa gaw, na a ka-ang e rai nga ai; shi gaw daru magam rawng nna, hkye hkrang la na ra ai: na a lam shi kabu gara nna, sharawng awng na ra ai; shi gaw tsawra nna, atsin sha rai nga ai: mahkawn mangoi let, shi nang hta myit kabu nga na ra ai.

LUKA 15:32

Rai timung, pyaw pyaw rai kabu gara mai nga ai; hpa majaw nga yang, ndai na nnau gaw si mat sai, ya bai hkrung ra ai: mat mat sai mung, ya bai mu la saga ai, ngu nna shi hpe nem wu ai,” ngu mu ai.

LUKA 15:4

“Nanhte hta, sagu latsa lu nna langai mi mat yang, dai jahku shi jahku hte hpe nam e naw tawn da nhtawm, mat ai sagu hpe mu la hkra n hkan tam ai, kadai wa nga na rai ta?

LUKA 15:6

shi a nta de du wa jang, jinghku jing-yu ni hte htingbu htingbyen ni hpe shaga nna, ‘Ngai hte rau kabu gara nga ga: nye a mat ai sagu hpe ngai bai mu la se ai,’ nga na ra ai.

LUKA 19:9

Shaloi Yesu gaw, “Dai ni ndai nta hta hkye hkrang la ai lam pru sai: kaning rai nme law, shi mung Abraham a kasha rai nga ai.

LUKA 23:43

Shaloi Yesu gaw, “Ngai nang hpe teng teng tsun de ga, Dai ni jang nang ngai hte rau Hparadisu e nga na rai nga ai,” ngu nna shi hpe htan wu ai.

YAWHAN 15:11

Nye a kabu gara ai myit nanhte hta rawng nga na hte, nanhte a kabu gara ai gaw hpring tup wa na matu, ga ndai ngai nanhte hpe tsun da made ai.

EHPESU 2:10

Kaning rai nme law, anhte shi a magam bungli rai nga ga ai; mai kaja ai bungli shachyen na, Hkristu Yesu hta e hpan da ai ni gaw, anhte rai nga ga ai: dai mai kaja ai bungli hta anhte hkawm nga u ga, Karai Kasang gaw dai ni hpe shawng nnan e lajang tawn da mu ai.

EHPESU 3:7

Karai Kasang a chyeju hte ngai hpe jaw da ai kumhpaw kumhpa a majaw, shi a atsam shachyen ai hte maren, dai kabu gara shiga a shangun ma ngai tai ni ai.

1 HTESALONI 1:5

kaning rai nme law, anhte a kabu gara shiga gaw, mung sumtu hte sha du ai n rai, n-gun atsam hte, Chyoi pra ai Wenyi hte, maju jung ai grai wa hte, nanhte kaw e du lai wa sai; nanhte hte rau nga yang, nanhte a matu mara anhte kaning rai nga ga ai gaw, nanhte nan chye nga myit dai.

2 TIMOHTI 2:26

nat a myit hku hkan na, shi a dawnggawng hta rim la hkrum ai ni, bai dum hprang wa dam ma nhten law.

HEBRE 12:2

dai madu gaw, shi a man e ang wa ai kabu gara ai lam majaw, kaya kahpa hkrum ai hpe hpa zawn n nawn ai sha, wudang lam hpe hkam nu ai rai nna, Karai Kasang a tingnyang hkra maga de wa dung nga sai.

1 PETRU 1:5

hpang jahtum ai nhtoi e dan pru u ga, nga nna lajang da sai hkye hkrang la ai chyeju hpe hkam la lu na hte, kamsham ai myit marang e, Karai Kasang a n-gun lagaw hte makawp maga hkrum nga ai, nanhte a matu mara, dai sali wunli gaw, sumsing lamu hta e kyem da nga ai.