LUKA 15:4 - Jinghpaw Hanson Version Bible

⁴ “Nanhte hta, sagu latsa lu nna langai mi mat yang, dai jahku shi jahku hte hpe nam e naw tawn da nhtawm, mat ai sagu hpe mu la hkra n hkan tam ai, kadai wa nga na rai ta?

Jinghpaw Common Language Bible 2009

⁴ “Nanhte hta marai langai mi sagu latsa lu ai hta na langai mi mat mat yang, shi hpa galaw a ta? Shi gaw, jahku shi jahku hpe wudat shara e tawn kau da nhtawm, mat mat ai sagu hpe n mu yang mu hkra hkan tam nga ai.

LUKA 15:4 ပူးပေါင်းရင်းမြစ်များ

SHAKAWN KUNGDAWN 119:176

Ngai lam dam mat wa yang, Mat ai sagu kasha hpe zawn, na a mayam wa hpe hkan tam u; Kaning rai nme law, nang htet da ai ga hpe ngai n malap kau nngai law.

ESAIA 53:6

Anhte yawng sagu zawn lam dam mat saga ai; langai hte langai tinang lam hkan mat ga ai: Yehowa chyawm gaw anhte mahkra a yubak mara hpe, shi a ntsa e mara da nu ai.

YEREMIA 33:13

Bum ga na mare ni hta, layang ga na mare ni hta, Dingda mung na mare ni hta, Ben-yamin mung hta, Yerusalem mare ginwang ni hte Yuda mung na mare ni hta, sagu hpung ni hpe hti yu ai wa a lata npu e, sagu ni bai lai na mara ai, nga nna Yehowa tsun ai.

YEREMIA 50:6

“Nye a amyu gaw dam mat ai sagu tai masai; sagu rem ni gaw shanhte hpe shadam kau manu ai; bum ga ntsa e shaprang kau manu ai; shanhte gaw bum kaw nna kawng du hkra kahkrang hkawm nna, shanhte a uyup hpe malap kau manu ai.

EZEKELA 34:16

dam mat ai sagu hpe hkan tam na nngai; masha ni gau mat wa ai sagu hpe, hkan mawai la na nngai: nra daw ai sagu hpe ahkyen kayawp na nngai: gawng kya ai sagu hpe n-gun shaja na nngai; sau hpum ai ni hte n-gun ja ai ni hpe chyawm gaw ngai jahten na nngai: tara hte maren ngai shanhte hpe bau na nngai,” nga nna Madu Yehowa tsun ai.

EZEKELA 34:31

“Nye a udat shara hta nga ai, nye a sagu hpung e, nanhte shinggyim masha hkrai rai nga timung, ngai gaw nanhte a Karai Kasang rai nga nngai,” nga nna Madu Yehowa tsun ai.

EZEKELA 34:4

Gawng kya ai sagu ni hpe, nanhte n-gun shaja ai, n rai; machyi hkrum ai sagu hpe, shamai ya ai, n rai; nra daw ai sagu hpe, ahkyen kayawp ai, n rai; masha gau mat wa ai sagu hpe, hkan mawai la ai, n rai; dam mat ai sagu hpe, tam la ai, n rai: nanhte gaw myit ja nna adip arip hte shanhte hpe reng myit dai.

EZEKELA 34:8

Ngai hkrung nga ai hte maren, gaja wa, sagu rem wa n nga ai majaw, nye a sagu ni pa ga na matse labye ni yawng a matu shahpa tai nna, nye a sagu rem ni gaw, nye a sagu ni hpe n hkan tam ai hte, sagu ni hpe bau ai n rai, tinang hkum hpe sha bau ma ai majaw

MAHTE 12:11

Dai majaw shi shanhte hpe, “Nanhte hta sagu langai mi lu ai masha lawm nna, dai gaw laban nhtoi e nhkun hta hkrat yang, dai hpe n dun shaw la ai wa langai ngai nga na myit ni?

LUKA 13:15

Shaloi dai Madu shi hpe, “Sawt ai masha ni e, nanhte langai hte langai laban nhtoi e tinang a yamnga lawze hpe ntsin shayaw na ulawng na raw dat ga myit dai, n rai ni?

LUKA 15:3

Shaloi dai ni hpe ndai ga shadawn shi tsun mu ai gaw,

LUKA 19:10

Masha Kasha gaw mat mat ai ni hpe, hkan tam nna hkye hkrang la na du sa ai rai nga ai,” ngu nna Zake hpe tsun wu ai.

ROMA 2:1

Dai rai nna, masha kaga hpe jeyang ai wa e, na a mara raw na lam htum mat salit dai; kaning rai nme law, nang hkum jeyang nga nhtawm me dai amu hpe nan galaw ndai majaw, masha kaga hpe jeyang ai shaloi jang, na hkum hpe mahtang nang dawdan kau da wu ai.

1 PETRU 2:25

Kaning rai nme law, nanhte nlang sagu zawn lam dam mat myit timung, ya gaw, dai Sagu rem wa hte nanhte a myit masin a Hpung up wa hpang de, nhtang wa manit dai.