LUKA 15:30 - Jinghpaw Hanson Version Bible

³⁰ shawa num ni hte kanawn nna, na a sutrai ginlut shamat kau ai ndai na nsha wa bai wa jang chyawm gaw, kawn tawn ai dumsu kasha, shi a matu nang sat nit hka,” ngu nna shi a kawa hpe htan wu ai.

Jinghpaw Common Language Bible 2009

³⁰ Shawa num ni hte kanawn nna, na a sut rai ginlut shamat kau ai ndai na nsha wa bai wa jang chyawm gaw, kawn tawn ai dumsu kasha, shi a matu nang sat nit hka!,’ ngu nna shi a kawa hpe htan wu ai.

LUKA 15:30 ပူးပေါင်းရင်းမြစ်များ

PRU MAT 32:11

Mawshe chyawm gaw shi a Karai Kasang Yehowa hpe, “Yehowa e, nsam kaba hte n-gun rawng ai lata e Egutu mung na nang shaw wa ai na a amyu hpe hpa rai pawt bu nga n ta?

PRU MAT 32:7

Dai rai nna Yegowa gaw Mawshe hpe, “Nang yu wa su; Egutu mung na nang shaw wa ai na a masha ni gaw byak mat masai:

GA SHAGAWP 29:3

Hpaji byeng-ya tsawra ai wa gaw, kawa hpe kabu shangun nga ai; Shawa num ni hte mazup ai wa chyawm gaw, sutgan ginlut kau nga ai.

MARKU 12:44

Kaning rai nme law, shanhte nlang, tinang a n taw n tsang lu ai hta na jan ai hpe bang da ma ai; shi chyawm gaw shi a matsan mayan re ai hta na lu malu mahkra hpe, rai sa, shi a nsa bau na arai yawng hpe, bang kau nu ai,” ngu mu ai.

LUKA 15:29

Dai kasha chyawm gaw, “Yu u, nde nlaw ning tup na a nchyang amu ngai galaw nna, nang tawn da ai hku ngai galoi mung n lai nngai: rai timung, nye jinghku ni hte pyaw pyaw rai nga na, nang lang mi muk bainam kasha langai mi pyi, ngai hpe n jaw yu ndai:

LUKA 15:31

Kawa gaw, “Ngai sha e, nang gaw ngai hte rau tut tut anga nga ndai; nye a sutrai nga manga gaw, na a hkrai rai nga ai.

LUKA 15:32

Rai timung, pyaw pyaw rai kabu gara mai nga ai; hpa majaw nga yang, ndai na nnau gaw si mat sai, ya bai hkrung ra ai: mat mat sai mung, ya bai mu la saga ai, ngu nna shi hpe nem wu ai,” ngu mu ai.

LUKA 18:11

Hparishe wa gaw tsap nna, ‘Karai Kasang e, ngai gaw hpya lu hpya sha ai, n ding n man ai, num shut num shaw re ai masha gale ni hte n bung nngai hta n-ga, ndai kang hta ai wa zawn pyi n rai nngai majaw, ngai nang hpe shakawn nngai: